ਗੁਰੇਜ਼ ਸੈਕਟਰ ''ਚ ਕਿਸ਼ਨਗੰਗਾ ਨਦੀ ''ਚ ਫਸੇ ਨਾਗਰਿਕਾਂ ਨੂੰ ਭਾਰਤੀ ਫ਼ੌਜ ਨੇ ਬਚਾਇਆ

ਸ਼੍ਰੀਨਗਰ- ਭਾਰਤੀ ਫ਼ੌਜ ਨੇ ਜੰਮੂ ਕਸ਼ਮੀਰ ਦੇ ਬਾਂਦੀਪੋਰਾ ਦੇ ਗੁਰੇਜ਼ ਖੇਤਰ 'ਚ ਤੇਜ਼ ਵਹਾਅ ਕਾਰਨ ਕਿਸ਼ਨਗੰਗਾ ਨਦੀ 'ਚ ਫਸੇ ਨਾਗਰਿਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਹੈ। ਅਧਿਕਾਰੀਆਂ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀਆਂ ਅਨੁਸਾਰ, ਉੱਤਰ ਕਸ਼ਮੀਰ ਦੀ ਗੁਰੇਜ਼ ਘਾਟੀ ਦੇ ਚਕਵਾਲੀ ਖੇਤਰ 'ਚ ਸੋਮਵਾਰ ਰਾਤ ਤੇਜ਼ ਵਹਾਅ ਕਾਰਨ ਵਾਹਨ ਫਸ ਜਾਣ ਨਾਲ ਕਈ ਨਾਗਰਿਕ ਆਪਣੇ ਵਾਹਨਾਂ 'ਚ ਹੀ ਫਸ ਗਏ ਸਨ। ਕਿਸ਼ਨਗੰਗਾ ਨਦੀ ਭਾਰਤੀ ਹਿੱਸੇ 'ਚ ਪੈਣ ਵਾਲੇ ਕਸ਼ਮੀਰ ਤੋਂ ਹੋ ਕੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ 'ਚ ਵਗਦੀ ਹੈ, ਜਿੱਥੇ ਇਸ ਨੂੰ ਨੀਲਮ ਨਦੀ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ।

ਕਸ਼ਮੀਰ ਘਾਟੀ 'ਚ ਜਾਰੀ ਭਿਆਨਕ ਗਰਮੀ ਵਿਚਾਲੇ, ਕੰਟਰੋਲ ਰੇਖਾ (ਐੱਲਓਸੀ) ਕੋਲ ਸਥਿਤ ਗੁਰੇਜ਼ ਘਾਟੀ 'ਚ ਸੈਲਾਨੀਆਂ ਦੀ ਗਿਣਤੀ 'ਚ ਕਾਫ਼ੀ ਵਾਧਾ ਹੋਇਆ ਹੈ। ਸੈਲਾਨੀ ਤਪਦੀ ਗਰਮੀ ਤੋਂ ਰਾਹਤ ਪਾਉਣ ਲਈ ਵੱਡੀ ਗਿਣਤੀ 'ਚ ਇੱਥੇ ਪਹੁੰਚ ਰਹੇ ਹਨ। ਅਧਿਕਾਰੀਆਂ ਅਨੁਸਾਰ, ਇਹ ਘਟਨਾ ਰਾਤ ਦੇ ਸਮੇਂ ਹੋਈ, ਜਦੋਂ ਪਾਣੀ ਦਾ ਪੱਧਰ ਵਧਣ ਅਤੇ ਕਠਿਨ ਸਥਿਤੀਆਂ ਵਿਚਾਲੇ ਕਈ ਲੋਕ ਨਦੀ 'ਚ ਫਸ ਗਏ। ਸੂਚਨਾ ਮਿਲਣ 'ਤੇ ਫ਼ੌਜ ਦੇ ਜਵਾਨਾਂ ਨੇ ਤੁਰੰਤ ਬਚਾਅ ਮੁਹਿੰਮ ਸ਼ੁਰੂ ਕੀਤੀ ਅਤੇ ਫਸੇ ਹੋਏ ਨਾਗਰਿਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਉਨ੍ਹਾਂ ਦੱਸਿਆ ਕਿ ਸੁਰੱਖਿਅਤ ਕੱਢੇ ਗਏ ਲੋਕਾਂ ਨੂੰ ਕੰਬਲ ਅਤੇ ਹੋਰ ਜ਼ਰੂਰੀ ਮਦਦ ਸਮੇਤ ਤੁਰੰਤ ਰਾਹਤ ਪ੍ਰਦਾਨ ਕੀਤੀ ਗਈ। ਸੁਰੱਖਿਅਤ ਕੱਢੇ ਗਏ ਨਾਗਰਿਕਾਂ 'ਚੋਂ ਇਕ ਨੇ ਦੱਸਿਆ,''ਅਸੀਂ ਨਦੀ 'ਚ ਫਸ ਗਏ ਸੀ, ਉਦੋਂ ਫ਼ੌਜ ਦੇ ਜਵਾਨ ਆਏ ਅਤੇ ਉਨ੍ਹਾਂ ਨੇ ਸਾਨੂੰ ਸੁਰੱਖਿਅਤ ਬਾਹਰ ਕੱਢਿਆ।'' ਇਕ ਹੋਰ ਸਥਾਨਕ ਅਧਿਕਾਰੀ ਨੇ ਕਿਹਾ ਕਿ ਬਚਾਅ ਮੁਹਿੰਮ ਦੌਰਾਨ ਫ਼ੌਜੀਆਂ ਨੇ ਉਨ੍ਹਾਂ ਦੀ ਹਰ ਸੰਭਵ ਮਦਦ ਕੀਤੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e