ਪੀ.ਓ.ਕੇ. ’ਚ ਪ੍ਰਦਰਸ਼ਨ ! ਵਿਖਾਵਾਕਾਰੀਆਂ ਨੇ ਭਾਰਤ ਦਾ ਕੀਤਾ ਸਮਰਥਨ

ਇੰਟਰਨੈਸ਼ਨਲ ਡੈਸਕ- ਮਹਿੰਗਾਈ ਅਤੇ ਕਣਕ ਨੂੰ ਲੈ ਕੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਵਿਚ ਸ਼ੁਰੂ ਹੋਇਆ ਵਿਖਾਵਾ ਹੁਣ ਸਿਆਸੀ ਹੱਕਾਂ ਵੱਲ ਵਧ ਚੁੱਕਾ ਹੈ। ਹੁਣ ਤੱਕ ਪੀ.ਓ.ਕੇ. ਦੇ ਲੋਕ ਬਿਜਲੀ ਅਤੇ ਰਾਸ਼ਨ ਦੇ ਬਿੱਲਾਂ ਤੋਂ ਪਰੇਸ਼ਾਨ ਸਨ ਪਰ ਗੱਲ ਹੁਣ ਇੱਥੋਂ ਤੱਕ ਸੀਮਤ ਨਹੀਂ ਰਹੀ। ਕਸ਼ਮੀਰੀ ਹੁਣ ਪਾਕਿਸਤਾਨ ਨੂੰ ਉੱਥੋਂ ਨਿਕਲ ਜਾਣ ਦੀ ਚੁਣੌਤੀ ਦੇਣ ਲੱਗੇ ਹਨ। ਲੋਕਾਂ ਨੇ ਪਾਕਿਸਤਾਨੀ ਫ਼ੌਜ ਦੇ ਜ਼ੁਲਮ ਦਾ ਸਿੱਧਾ ਜਵਾਬ ਦੇਣਾ ਸ਼ੁਰੂ ਕਰ ਦਿੱਤਾ ਹੈ।

ਹੁਣੇ ਜਿਹੇ ਰਾਵਲਕੋਟ ਵਿਚ ਹੋਈ ਇਕ ਸਭਾ ਵਿਚ ਜੰਮੂ-ਕਸ਼ਮੀਰ ਜੁਆਇੰਟ ਅਵਾਮੀ ਐਕਸ਼ਨ ਕਮੇਟੀ ਅਤੇ ਅਵਾਮੀ ਐਕਸ਼ਨ ਕਮੇਟੀ ਦੇ ਆਗੂਆਂ ਨੇ ਪਾਕਿਸਤਾਨੀ ਫ਼ੌਜ ’ਤੇ ਹੁਣ ਤੱਕ ਦੇ ਸਭ ਤੋਂ ਤਿੱਖੇ ਹਮਲੇ ਕੀਤੇ। ਉਨ੍ਹਾਂ ਪਾਕਿਸਤਾਨ ਨੂੰ ਸਪਲਾਈ ਰੋਕਣ ਵਾਲਾ ਅਤੇ ਕੁਦਰਤੀ ਸਰੋਤਾਂ ਦਾ ਸ਼ੋਸ਼ਣ ਕਰਨ ਵਾਲਾ ਦੱਸਿਆ। ਇਸ ਦੇ ਨਾਲ ਹੀ ਦੋਸ਼ ਲਾਇਆ ਕਿ ਪਾਕਿਸਤਾਨ ਭਾਰਤ ਨਾਲ ਆਰਥਿਕ ਲੈਣ-ਦੇਣ ਨੂੰ ਲਗਾਤਾਰ ਰੋਕਦਾ ਆ ਰਿਹਾ ਹੈ।