ਪਹਿਲੀ ਵਾਰ ਕੇਦਾਰਘਾਟੀ ''ਚ ਉਤਰਿਆ ਸ਼ਕਤੀਸ਼ਾਲੀ ''ਚਿਨੂਕ'', ਆਪਣੇ ਨਾਲ ਲੈ ਗਿਆ ਕ੍ਰੈਸ਼ ਹੋਏ ਜਹਾਜ਼ ਦਾ ਮਲਬਾ (ਵੀਡੀਓ)

ਨੈਸ਼ਨਲ ਡੈਸਕ- ਭਾਰਤੀ ਹਵਾਈ ਫੌਜ ਨੇ ਅੱਜ ਯਾਨੀ ਸ਼ਨੀਵਾਰ ਨੂੰ ਆਪਣੇ ਸ਼ਕਤੀਸ਼ਾਲੀ ਮਾਲਵਾਹਕ ਹੈਲੀਕਾਪਟਰ ਚਿਨੂਕ ਕੇਦਾਰਘਾਟੀ 'ਚ ਉਤਾਰਿਆ। ਚਿਨੂਕ ਨੇ ਐੱਮ.ਆਈ.17 ਦੇ ਮਲਬੇ ਨੂੰ ਲੈਣ ਲਈ ਪਹਿਲੀ ਵਾਰ ਉਤਰਾਖੰਡ ਦੇ ਕੇਦਾਰਨਾਥ 'ਚ ਲੈਂਡਿੰਗ ਕੀਤੀ। ਉਹ ਕ੍ਰੈਸ਼ ਹੈਲੀਕਾਪਟਰ ਨੂੰ ਆਪਣੇ ਨਾਲ ਦਿੱਲੀ ਲੈ ਗਿਆ। ਇਸ ਪ੍ਰਕਿਰਿਆ ਦੌਰਾਨ ਕਈ ਸੀਨੀਅਰ ਪ੍ਰਸ਼ਾਸਨਿਕ ਅਧਿਕਾਰੀ ਵੀ ਮੌਜੂਦ ਰਹੇ।

#WATCH: A Chinook helicopter takes off from a helipad in Kedarnath shrine with the debris of Indian Air Force's MI-17 helicopter which had met with an accident in 2018. pic.twitter.com/IzsjU6MVXZ

— ANI (@ANI) October 17, 2020

ਦਰਅਸਲ 14 ਅਪ੍ਰੈਲ 2018 'ਚ ਗੁਪਤਕਾਸ਼ੀ ਤੋਂ ਸਾਮਾਨ ਲੈ ਕੇ ਕੇਦਾਰਨਾਥ ਆ ਰਿਹਾ ਹਵਾਈ ਫੌਜ ਦਾ ਹੈਲੀਕਾਪਟਰ ਕ੍ਰੈਸ਼ ਹੋ ਗਿਆ ਸੀ। ਉਸ ਸਮੇਂ ਹੈਲੀਕਾਪਟਰ 'ਚ 6 ਲੋਕ ਸਵਾਰ ਸਨ ਅਤੇ ਸਾਰੇ ਸੁਰੱਖਿਅਤ ਬਚ ਗਏ ਸਨ। ਇਸ ਜਹਾਜ਼ ਦੇ ਮਲਬੇ ਨੂੰ ਚੁੱਕਣ ਲਈ ਚਿਨੂਕ ਨੂੰ ਇੱਥੇ ਉਤਾਰਿਆ ਗਿਆ। ਇਸ ਲੈਂਡਿੰਗ ਲਈ ਜ਼ਿਲ੍ਹਾ ਆਫ਼ਤ ਪ੍ਰਬੰਧਨ ਅਥਾਰਟੀ (ਡੀ.ਡੀ.ਐੱਮ.ਏ.) ਨੇ ਪਿਛਲੇ ਕਈ ਦਿਨਾਂ ਤੋਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਸਨ ਅਤੇ ਇਕ ਵਿਸ਼ੇਸ਼ ਹੈਲੀਪੈਡ ਤਿਆਰ ਕੀਤਾ ਗਿਆ ਸੀ।

ਦੱਸਣਯੋਗ ਹੈ ਕਿ ਕੇਦਾਰਨਾਥ ਧਾਮ 'ਚ ਮੁੜ ਨਿਰਮਾਣ ਦੇ ਕੰਮ 'ਚ ਤੇਜ਼ੀ ਲਿਆਉਣ ਲਈ ਐੱਮ.ਆਈ-26 ਹੈਲੀਪੈਡ ਦਾ ਵਿਸਥਾਰ ਕੀਤਾ ਜਾ ਰਿਹਾ ਹੈ। ਚਿਨੂਕ ਜਹਾਜ਼ ਭਾਰੀ ਮਸ਼ੀਨਾਂ ਨੂੰ ਇੱਥੇ ਪਹੁੰਚਾਉਣ 'ਚ ਮਦਦ ਕਰੇਗਾ। ਕੇਦਾਰਨਾਥ ਧਾਮ 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਡਰੀਮ ਪ੍ਰਾਜੈਕਟ ਦੇ ਅਧੀਨ ਕੰਮ ਕੀਤੇ ਜਾ ਰਹੇ ਹਨ। ਧਾਮ 'ਚ ਮੁੜ ਨਿਰਮਾਣ ਦਾ ਕੰਮ ਤਿੰਨ ਪੜਾਵਾਂ 'ਚ ਹੋਣਾ ਹੈ। ਪਹਿਲੇ ਪੜਾਅ ਦਾ ਕੰਮ ਲਗਭਗ ਪੂਰੇ ਹੋਣ ਵਾਲੇ ਹਨ। ਦੂਜੇ ਪੜਾਅ ਅਕਤੂਬਰ ਤੋਂ ਸ਼ੁਰੂ ਕੀਤਾ ਜਾਵੇਗਾ। ਅਜਿਹੇ 'ਚ ਇਨ੍ਹਾਂ ਕੰਮਾਂ 'ਚ ਤੇਜ਼ੀ ਲਿਆਉਣ ਲਈ ਭਾਰੀ ਮਸ਼ੀਨਾਂ ਨੂੰ ਧਾਮ 'ਚ ਪਹੁੰਚਾਇਆ ਜਾਣਾ ਜ਼ਰੂਰੀ ਹੈ।