165 ਦੇਸ਼ਾਂ ਦੀ GDP ਨੂੰ ਮਾਤ ਦੇ ਗਿਆ ਭਾਰਤ ਦਾ ਬਜਟ ! ਦੇਖਦੀ ਰਹਿ ਗਈ ਸਾਰੀ ਦੁਨੀਆ

ਨੈਸ਼ਨਲ ਡੈਸਕ : ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵੱਲੋਂ ਪੇਸ਼ ਕੀਤਾ ਗਿਆ ਵਿੱਤੀ ਸਾਲ 2026-27 ਦਾ ਕੇਂਦਰੀ ਬਜਟ ਗਲੋਬਲ ਆਰਥਿਕਤਾ ਵਿੱਚ ਇੱਕ ਵੱਡੀ ਤਾਕਤ ਵਜੋਂ ਉੱਭਰਿਆ ਹੈ। ਇਸ ਸਾਲ ਸਰਕਾਰ ਨੇ 53.5 ਲੱਖ ਕਰੋੜ (ਲਗਭਗ 583.5 ਅਰਬ ਡਾਲਰ) ਦੇ ਖਰਚੇ ਦਾ ਅਨੁਮਾਨ ਲਗਾਇਆ ਹੈ, ਜੋ ਕਿ ਦੁਨੀਆ ਦੇ 165 ਦੇਸ਼ਾਂ ਦੀ ਕੁੱਲ ਜੀਡੀਪੀ (GDP) ਤੋਂ ਵੀ ਜ਼ਿਆਦਾ ਹੈ। ਇਸ ਦਾ ਮਤਲਬ ਹੈ ਕਿ ਜਿੰਨਾ ਭਾਰਤ ਇੱਕ ਸਾਲ ਵਿੱਚ ਦੇਸ਼ ਨੂੰ ਚਲਾਉਣ ਲਈ ਖਰਚ ਕਰਦਾ ਹੈ, ਓਨੀ ਦੁਨੀਆ ਦੇ ਕਈ ਦੇਸ਼ਾਂ ਦੀ ਕੁੱਲ ਆਰਥਿਕਤਾ ਵੀ ਨਹੀਂ ਹੈ।

ਸਿੰਗਾਪੁਰ ਅਤੇ ਯੂਏਈ ਵਰਗੇ ਦੇਸ਼ ਵੀ ਪਿੱਛੇ 
ਭਾਰਤ ਦੇ ਬਜਟ ਦਾ ਆਕਾਰ ਇੰਨਾ ਵੱਡਾ ਹੈ ਕਿ ਇਹ ਦੁਨੀਆ ਦੀਆਂ ਕਈ ਵੱਡੀਆਂ ਆਰਥਿਕਤਾਵਾਂ ਨੂੰ ਮਾਤ ਦੇ ਰਿਹਾ ਹੈ। ਉਦਾਹਰਨ ਵਜੋਂ ਸਿੰਗਾਪੁਰ ਦੀ ਕੁੱਲ ਜੀਡੀਪੀ 574.185 ਬਿਲੀਅਨ ਡਾਲਰ ਅਤੇ ਯੂਏਈ (UAE) ਦੀ ਜੀਡੀਪੀ 569.097 ਬਿਲੀਅਨ ਡਾਲਰ ਹੈ, ਜਦਕਿ ਭਾਰਤ ਦਾ ਸਿਰਫ਼ ਬਜਟ ਹੀ 583.5 ਬਿਲੀਅਨ ਡਾਲਰ ਦਾ ਹੈ।

13 ਬਜਟ ਅਤੇ 3 ਗੁਣਾ ਵਾਧਾ ਮੋਦੀ ਸਰਕਾਰ ਦੇ ਕਾਰਜਕਾਲ ਦਾ ਇਹ 13ਵਾਂ ਪੂਰਨ ਬਜਟ ਸੀ। ਜੁਲਾਈ 2014 ਵਿੱਚ ਪੇਸ਼ ਕੀਤੇ ਗਏ ਪਹਿਲੇ ਬਜਟ (17.95 ਲੱਖ ਕਰੋੜ) ਦੇ ਮੁਕਾਬਲੇ ਹੁਣ ਬਜਟ ਖਰਚੇ ਵਿੱਚ ਲਗਭਗ 3 ਗੁਣਾ (200%) ਦਾ ਵਾਧਾ ਹੋ ਚੁੱਕਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਦੇਸ਼ ਦਾ ਸਾਲਾਨਾ ਬਜਟ 50 ਲੱਖ ਕਰੋੜ ਰੁਪਏ ਦੇ ਅੰਕੜੇ ਨੂੰ ਪਾਰ ਕਰ ਗਿਆ ਹੈ।

ਮੁੱਖ ਵਿੱਤੀ ਅੰਕੜੇ:
• ਵਿੱਤੀ ਘਾਟਾ : ਵਿੱਤੀ ਸਾਲ 2026-27 ਵਿੱਚ ਇਹ ਜੀਡੀਪੀ ਦਾ 4.3 ਫੀਸਦੀ ਰਹਿਣ ਦਾ ਅਨੁਮਾਨ ਹੈ, ਜੋ ਪਿਛਲੇ ਸਾਲ 4.4 ਫੀਸਦੀ ਸੀ।
• ਟੈਕਸ ਪ੍ਰਾਪਤੀਆਂ: ਕੇਂਦਰ ਦੀਆਂ ਸ਼ੁੱਧ ਟੈਕਸ ਪ੍ਰਾਪਤੀਆਂ (Net Tax Receipts) 28.7 ਲੱਖ ਕਰੋੜ ਅਨੁਮਾਨਿਤ ਹਨ।
• ਕਰਜ਼ਾ-ਜੀਡੀਪੀ ਅਨੁਪਾਤ: ਇਹ 2026-27 ਵਿੱਚ 55.6 ਫੀਸਦੀ ਰਹਿਣ ਦਾ ਅਨੁਮਾਨ ਹੈ, ਜੋ ਕਿ ਪਿਛਲੇ ਸਾਲ ਦੇ 56.1 ਫੀਸਦੀ ਦੇ ਮੁਕਾਬਲੇ ਘੱਟ ਹੈ।
ਸਰਕਾਰ ਦਾ ਉਦੇਸ਼ ਭਾਰਤ ਨੂੰ ਗਲੋਬਲ ਆਰਥਿਕਤਾ ਦਾ ਕੇਂਦਰ ਬਣਾਉਣਾ ਹੈ ਅਤੇ ਇਹ ਬਜਟ ਉਸੇ ਦਿਸ਼ਾ ਵੱਲ ਇੱਕ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e