ਸੁਤੰਤਰਤਾ ਦਿਵਸ ਤੋਂ ਪਹਿਲੇ ਪੀ.ਐਮ ਮੋਦੀ ਨੇ ਕੀਤੀ ਜਨਤਾ ਤੋਂ ਅਪੀਲ

ਨਵੀਂ ਦਿੱਲੀ— ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੇ ਲਾਲ ਕਿਲੇ ਦੀ ਪ੍ਰਾਚੀਰ 'ਤੇ ਸੁਤੰਤਰਤਾ ਦਿਵਸ ਦੇ ਮੌਕੇ 'ਤੇ ਦੇਸ਼ ਨੂੰ ਕੀਤੇ ਜਾਣ ਵਾਲੇ ਸੰਬੋਧਨ ਲਈ ਇਕ ਵਾਰ ਫਿਰ ਲੋਕਾਂ ਨੂੰ ਸੁਝਾਅ ਦੇਣ ਦੀ ਅਪੀਲ ਕਰ ਰਹੇ ਹਨ। ਮੋਦੀ ਇਸ ਵਾਰ 15 ਅਗਸਤ ਨੂੰ ਲਾਲ ਕਿਲੇ ਦੀ ਪ੍ਰਾਚੀਰ 'ਤੇ ਚੌਥੀ ਵਾਰ ਦੇਸ਼ ਨੂੰ ਸੰਬੋਧਿਤ ਕਰਨਗੇ। ਪ੍ਰਧਾਨਮੰਤਰੀ ਨੇ ਆਪਣੀ ਟਵਿੱਟਰ ਅਕਾਊਂਟ 'ਤੇ ਲੋਕਾਂ ਤੋਂ ਇਕ ਵਾਰ ਫਿਰ ਅਪੀਲ ਕੀਤੀ ਹੈ ਕਿ ਸੁਤੰਤਰਤਾ ਦਿਵਸ ਦੇ ਮੌਕੇ 'ਤੇ ਰਾਸ਼ਟਰ ਦੇ ਨਾਮ ਸੰਬੋਧਨ ਲਈ ਆਪਣੇ ਸੁਝਾਅ ਭੇਜਣਗੇ। ਉਨ੍ਹਾਂ ਨੇ ਇਹ ਸੁਝਾਅ ਨਰਿੰਦਰ ਮੋਦੀ ਐਪ 'ਤੇ ਭੇਜਣ ਲਈ ਕਿਹਾ ਹੈ। ਮੋਦੀ ਨੇ ਕਿਹਾ ਕਿ ਸੰਬੋਧਨ ਲਈ ਐਪ 'ਤੇ ਜੋ ਸੁਝਾਅ ਮਿਲੇ ਹਨ ਉਹ ਵੱਖ-ਵੱਖ ਅਤੇ ਸਿੱਖਿਆਤਮਕ ਹਨ।
ਮੋਦੀ ਨੇ ਜਨਤਾ ਨਾਲ ਗੱਲਬਾਤ ਦੇ ਆਪਣੇ ਮਾਸਿਕ ਪ੍ਰੋਗਰਾਮ ਮਨ ਕੀ ਬਾਤ 'ਚ ਵੀ ਇਸ ਵਾਰ 30 ਜੁਲਾਈ ਦੇ ਸੰਬੋਧਨ 'ਚ ਲੋਕਾਂ ਤੋਂ ਸੁਤੰਤਰਤਾ ਦਿਵਸ ਦੇ ਸੰਬੋਧਨ ਲਈ ਸੁਝਾਅ ਦੀ ਅਪੀਲ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਸੀ ਕਿ ਲਾਲ ਕਿਲੇ ਦੀ ਪ੍ਰਾਚੀਰ ਤੋਂ ਦੇਸ਼ ਨੂੰ ਸੰਬੋਧਨ ਦੇ ਸਮੇਂ ਮੈਂ ਕੇਵਲ ਇਕ ਮਾਧਿਅਮ ਹਾਂ ਅਤੇ ਇਹ ਇਕ ਵਿਅਕਤੀ ਦੀ ਨਹੀਂ 125 ਕਰੋੜ ਦੇਸ਼ ਵਾਸੀਆਂ ਦੀ ਆਵਾਜ਼ ਹੁੰਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਪਿਛਲੇ 3 ਸਾਲ ਦੌਰਾਨ ਉਨ੍ਹਾਂ ਨੇ ਦੇਸ਼ ਦੇ ਹਰ ਹਿੱਸੇ ਤੋਂ ਸੰਬੋਧਨ ਲਈ ਸੁਝਾਅ ਮਿਲੇ ਹਨ। ਇਨ੍ਹਾਂ 'ਚ ਸੰਬੋਨ ਦੇ ਬਹੁਤ ਲੰਬਾ ਹੋਣ ਦੀਆਂ ਸ਼ਿਕਾਇਤਾਂ ਵੀ ਸਨ। ਮੋਦੀ ਨੇ ਇਸ ਵਾਰ ਆਪਣਾ ਭਾਸ਼ਣ ਛੋਟਾ ਰੱਖਣ ਦੀ ਗੱਲ ਕੀਤੀ ਹੈ।