10 ਕਿ. ਮੀ. ਪੈਦਲ ਚੱਲ ਸਬਜ਼ੀਆਂ ਖਰੀਦਣ ਜਾਂਦੇ ਹਨ ਇਹ ਹਿਮਾਚਲੀ IAS (ਤਸਵੀਰਾਂ)
09/26/2019 4:29:09 PM
ਸ਼ਿਮਲਾ—ਹਿਮਾਚਲ ਪ੍ਰਦੇਸ਼ ਦਾ ਇੱਕ ਆਈ. ਏ. ਐੱਸ. ਅਫਸਰ ਇਨੀਂ ਦਿਨੀਂ ਸ਼ੋਸਲ ਮੀਡੀਆ 'ਤੇ ਕਾਫੀ ਤਾਰੀਫਾਂ ਬਟੋਰ ਰਿਹਾ ਹੈ। ਦੱਸਿਆ ਜਾਂਦਾ ਹੈ ਕਿ ਮੇਘਾਲਿਆ 'ਚ ਤਾਇਨਾਤ ਆਈ. ਏ. ਐੱਸ. ਅਫਸਰ ਰਾਮ ਸਿੰਘ ਆਪਣੀ ਫੇਸਬੁੱਕ ਵਾਲ 'ਤੇ ਸਬਜ਼ੀਆਂ ਖਰੀਦਦੇ ਹੋਏ ਇੱਕ ਫੋਟੋ ਸ਼ੇਅਰ ਕੀਤੀ ਹੈ, ਜਿਸ 'ਤੇ ਲਿਖਿਆ ਹੈ ਕਿ 10 ਕਿਲੋਮੀਟਰ ਤੱਕ ਸਵੇਰ ਦੀ ਸੈਰ ਅਤੇ 21 ਕਿਲੋਗ੍ਰਾਮ ਸਬਜ਼ੀਆਂ ਖਰੀਦੀਆਂ ਹਨ।
ਇਸ ਕਾਰਨ ਸਵੱਛਤਾ ਅਤੇ ਤੰਦਰੁਸਤ ਲਾਈਫ ਸਟਾਇਲ ਲਈ ਸੋਸ਼ਲ ਮੀਡੀਆ ਯੂਜ਼ਰਸ ਵੱਲੋਂ ਉਨ੍ਹਾਂ ਦੀ ਕਾਫੀ ਪ੍ਰਸ਼ੰਸ਼ਾ ਕੀਤੀ ਜਾ ਰਹੀ ਹੈ।
ਦੱਸਣਯੋਗ ਹੈ ਕਿ ਲਾਹੌਲ-ਸਪਿਤੀ 'ਚ ਕੇਲਾਂਗ ਦੇ ਰਹਿਣ ਵਾਲੇ ਰਾਮ ਸਿੰਘ 10 ਕਿਲੋਮੀਟਰ ਪੈਦਲ ਚੱਲ ਕੇ ਆਰਗੈਨਿਕ ਸਬਜ਼ੀਆਂ ਖਰੀਦਣ ਜਾਂਦੇ ਹਨ।
ਰਾਮ ਸਿੰਘ ਦਾ ਫਿਟ, ਪਲਾਸਟਿਕ ਮੁਕਤ ਅਤੇ ਪ੍ਰਦੂਸ਼ਣ ਮੁਕਤ ਵਾਤਾਵਰਨ ਨੂੰ ਲੈ ਕੇ ਚੁੱਕਿਆ ਗਿਆ ਇਹ ਕਦਮ ਲੋਕਾਂ 'ਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਰਾਮ ਸਿੰਘ ਵੱਲੋਂ ਰਵਾਇਤੀ ਬਾਸਕੇਟ ਵਾਲੀ ਫੋਟੋ ਵੀ ਸ਼ੇਅਰ ਕਰਦੇ ਹੋਏ ਦੱਸਿਆ ਹੈ ਕਿ ਇਸ ਦੌਰਾਨ ਨਾ ਕੋਈ ਟ੍ਰੈਫਿਕ ਜਾਮ, ਨਾ ਕੋਈ ਪ੍ਰਦੂਸ਼ਣ, ਫਿਟ ਇੰਡੀਆ ਅਤੇ ਫਿਟ ਮੇਘਾਲਿਆ, ਆਰਗੈਨਿਕ ਸਬਜ਼ੀਆਂ ਖਾਓ।
