ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ ! 33 IAS ਤੇ 24 PCS ਅਧਿਕਾਰੀਆਂ ਦਾ ਰਾਤੋ-ਰਾਤ ਤਬਾਦਲਾ

ਨੈਸ਼ਨਲ ਡੈਸਕ- ਸਰਕਾਰ ਨੇ 33 IAS ਤੇ 24 PCS ਅਧਿਕਾਰੀਆਂ ਦਾ ਤਬਾਦਲਾ ਕਰ ਦਿੱਤਾ ਹੈ। ਇਹ ਫ਼ੈਸਲਾ ਉੱਤਰਾਖੰਡ ਦੀ ਪੁਸ਼ਕਰ ਸਿੰਘ ਧਾਮੀ ਦੀ ਅਗਵਾਈ ਵਾਲੀ ਸਰਕਾਰ ਨੇ ਦੇਰ ਰਾਤ ਲਿਆ। ਧਾਮੀ ਵਲੋਂ ਹੁਕਮ ਜਾਰੀ ਕਰ ਕੇ 57 ਅਧਿਕਾਰੀਆਂ ਦੇ ਤਬਾਦਲੇ 'ਤੇ ਮੋਹਰ ਲਾਈ ਗਈ। ਹੁਕਮ ਵਿਚ ਕਿਹਾ ਗਿਆ ਕਿ ਸਾਰੇ ਅਧਿਕਾਰੀਆਂ ਦਾ ਤਬਾਦਲਾ ਤੁਰੰਤ ਪ੍ਰਭਾਵ ਤੋਂ ਕੀਤਾ ਜਾਂਦਾ ਹੈ। 

The Uttarakhand Government transferred 33 IAS officers late last night. pic.twitter.com/HS9h2DDJkY

— ANI (@ANI) June 20, 2025

ਉਤਰਾਖੰਡ ਪ੍ਰਸ਼ਾਸਨ ਵਿਚ ਹਾਲ ਹੀ 'ਚ ਕੀਤੇ ਗਏ ਵਿਭਾਗੀ ਬਦਲਾਅ ਤਹਿਤ 1992 ਬੈਚ ਦੇ ਸੀਨੀਅਰ ਆਈ. ਏ. ਐੱਸ ਅਧਿਕਾਰੀ ਅਤੇ ਮੁੱਖ ਸਕੱਤਰ ਆਨੰਦ ਬਰਧਨ ਤੋਂ ਜਲਗਾਮ ਵਿਭਾਗ ਦਾ ਚਾਰਜ ਹਟਾ ਦਿੱਤਾ ਗਿਆ ਹੈ। ਹੁਣ ਇਹ ਜ਼ਿੰਮੇਵਾਰੀ 2003 ਬੈਚ ਦੇ ਅਧਿਕਾਰੀ ਦਿਲੀਪ ਜਵਾਲਕਰ ਨੂੰ ਸੌਂਪ ਦਿੱਤੀ ਗਈ ਹੈ। ਜਵਾਲਕਰ ਹੁਣ ਤੱਕ ਵਿੱਤ, ਚੋਣ ਅਤੇ ਸਹਿਕਾਰੀ ਵਿਭਾਗ ਦੇ ਸਕੱਤਰ ਵਜੋਂ ਕੰਮ ਕਰ ਰਹੇ ਸਨ। ਉਨ੍ਹਾਂ ਨੂੰ ਸਹਿਕਾਰੀ ਵਿਭਾਗ ਤੋਂ ਮੁਕਤ ਕਰ ਦਿੱਤਾ ਗਿਆ ਹੈ, ਜਦੋਂ ਕਿ ਬਾਕੀ ਦੋ ਵਿਭਾਗਾਂ ਦੀ ਜ਼ਿੰਮੇਵਾਰੀ ਉਨ੍ਹਾਂ ਕੋਲ ਹੀ ਰਹੇਗੀ।

The Uttarakhand Government transferred 24 PCS officers late last night. pic.twitter.com/3VTHIh6nUm

— ANI (@ANI) June 20, 2025

ਇਸ ਫੇਰਬਦਲ ਤਹਿਤ 2012 ਬੈਚ ਦੇ ਆਈ. ਏ. ਐੱਸ ਅਧਿਕਾਰੀ ਆਸ਼ੀਸ਼ ਕੁਮਾਰ ਚੌਹਾਨ ਨੂੰ ਪੌੜੀ ਗੜ੍ਹਵਾਲ ਦੇ ਜ਼ਿਲ੍ਹਾ ਮੈਜਿਸਟ੍ਰੇਟ ਦੇ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਹੈ। ਉਨ੍ਹਾਂ ਨੂੰ ਹੁਣ ਉਤਰਾਖੰਡ ਸਿਵਲ ਏਵੀਏਸ਼ਨ ਵਿਕਾਸ ਅਥਾਰਟੀ ਦੇ ਡਾਇਰੈਕਟਰ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਨੂੰ ਖੇਡ ਅਤੇ ਯੁਵਾ ਭਲਾਈ ਵਿਭਾਗ ਦਾ ਵਾਧੂ ਚਾਰਜ ਵੀ ਦਿੱਤਾ ਗਿਆ ਹੈ। ਚੌਹਾਨ ਦੀ ਜਗ੍ਹਾ 2012 ਬੈਚ ਦੀ ਅਧਿਕਾਰੀ ਸਵਾਤੀ ਐੱਸ ਭਦੌਰੀਆ ਨੂੰ ਪੌੜੀ ਗੜ੍ਹਵਾਲ ਦਾ ਨਵਾਂ ਜ਼ਿਲ੍ਹਾ ਮੈਜਿਸਟ੍ਰੇਟ ਨਿਯੁਕਤ ਕੀਤਾ ਗਿਆ ਹੈ। ਸਵਾਤੀ ਪਹਿਲਾਂ ਰਾਜਪਾਲ ਦੇ ਵਧੀਕ ਸਕੱਤਰ ਹੋਣ ਦੇ ਨਾਲ-ਨਾਲ ਭਾਸ਼ਾ, ਤਕਨੀਕੀ ਸਿੱਖਿਆ ਅਤੇ ਸਿੰਚਾਈ ਵਿਭਾਗ ਦੀਆਂ ਮਹੱਤਵਪੂਰਨ ਜ਼ਿੰਮੇਵਾਰੀਆਂ ਸੰਭਾਲ ਰਹੀ ਸੀ। ਸਵਾਤੀ ਐੱਸ ਭਦੌਰੀਆ ਦੀ ਜਗ੍ਹਾ 2013 ਬੈਚ ਦੀ ਅਧਿਕਾਰੀ ਰੀਨਾ ਜੋਸ਼ੀ ਨੂੰ ਹੁਣ ਰਾਜਪਾਲ ਦਾ ਵਧੀਕ ਸਕੱਤਰ ਬਣਾਇਆ ਗਿਆ ਹੈ।