ਪਤੀ-ਪਤਨੀ ਨੇ ਕਰ ਵਿਖਾਇਆ ਕਮਾਲ; ਇਕੱਠਿਆਂ ਨੇ ਹਾਸਲ ਕੀਤਾ IPS ਦਾ ਅਹੁਦਾ

ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ 'ਚ ਇਕ ਅਨੋਖਾ ਅਤੇ ਪ੍ਰੇਰਨਾਦਾਇਕ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਪਤੀ-ਪਤਨੀ ਨੇ ਇਕੱਠੇ IPS ਅਫਸਰ ਬਣਨ ਦਾ ਮਾਣ ਹਾਸਲ ਕੀਤਾ ਹੈ। ਇਹ ਮਾਮਲਾ ਨਾ ਸਿਰਫ਼ ਨਿੱਜੀ ਸਫ਼ਲਤਾ ਦਾ ਪ੍ਰਤੀਕ ਹੈ, ਸਗੋਂ ਇਹ ਵੀ ਦਰਸਾਉਂਦਾ ਹੈ ਕਿ ਲਗਨ ਅਤੇ ਸਖ਼ਤ ਮਿਹਨਤ ਨਾਲ ਕੋਈ ਵੀ ਟੀਚਾ ਹਾਸਲ ਕੀਤਾ ਜਾ ਸਕਦਾ ਹੈ।

ਤਰੱਕੀ ਦੀ ਪ੍ਰਕਿਰਿਆ ਕੀ ਹੈ?

ਯੋਗੀ ਸਰਕਾਰ ਨੇ ਹਾਲ ਹੀ 'ਚ 24 ਪ੍ਰੋਵਿੰਸ਼ੀਅਲ ਪੁਲਸ ਸਰਵਿਸ (PPS) ਅਧਿਕਾਰੀਆਂ ਨੂੰ ਤਰੱਕੀ ਦਿੱਤੀ ਹੈ। ਇਸ ਫੈਸਲੇ ਤਹਿਤ ਬਾਰਾਬੰਕੀ 'ਚ ਐੱਸ. ਪੀ ਸਿਟੀ ਅਹੁਦੇ 'ਤੇ ਕੰਮ ਕਰ ਰਹੇ ਚਿਰੰਜੀਵ ਨਾਥ ਸਿਨਹਾ ਅਤੇ ਉਨ੍ਹਾਂ ਦੀ ਪਤਨੀ ਵਧੀਕ ਐੱਸ.ਪੀ. ਰਸ਼ਮੀ ਰਾਣੀ ਵੀ IPS ਬਣਨ ਵਾਲੇ ਅਧਿਕਾਰੀਆਂ 'ਚ ਸ਼ਾਮਲ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਪਤੀ-ਪਤਨੀ ਨੇ ਇਕੋ ਸਮੇਂ 'ਤੇ IPS ਬਣਨ ਦਾ ਮਾਣ ਹਾਸਲ ਕੀਤਾ ਹੈ। ਸੋਮਵਾਰ ਨੂੰ ਇਕ ਮਹੱਤਵਪੂਰਨ ਮੀਟਿੰਗ ਹੋਈ, ਜਿਸ ਵਿਚ ਮੁੱਖ ਸਕੱਤਰ, DGP ਅਤੇ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ (UPSC) ਦੇ ਮੈਂਬਰ ਸ਼ਾਮਲ ਹੋਏ। ਇਸ ਮੀਟਿੰਗ 'ਚ  PPS ਅਧਿਕਾਰੀਆਂ ਦੀਆਂ ਤਰੱਕੀਆਂ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ ਅਤੇ ਫੈਸਲਾ ਕੀਤਾ ਗਿਆ ਕਿ ਕੇਂਦਰੀ ਗ੍ਰਹਿ ਮੰਤਰਾਲੇ ਵੱਲੋਂ ਇਸ ਸਬੰਧੀ ਜਲਦੀ ਹੀ ਰਸਮੀ ਹੁਕਮ ਜਾਰੀ ਕੀਤੇ ਜਾਣਗੇ। ਇਸ ਤਰੱਕੀ ਨੇ ਉਨ੍ਹਾਂ ਅਧਿਕਾਰੀਆਂ ਲਈ ਖੁਸ਼ੀ ਦੀ ਘੜੀ ਲੈ ਕੇ ਆਈ ਹੈ, ਜੋ ਲੰਬੇ ਸਮੇਂ ਤੋਂ ਇਸ ਦੀ ਉਡੀਕ ਕਰ ਰਹੇ ਸਨ।

ਚਿਰੰਜੀਵ ਨਾਥ ਸਿਨਹਾ ਅਤੇ ਰਸ਼ਮੀ ਰਾਣੀ ਦੀ ਯਾਤਰਾ

ਚਿਰੰਜੀਵ ਨਾਥ ਸਿਨਹਾ ਅਤੇ ਰਸ਼ਮੀ ਰਾਣੀ ਦਾ ਵਿਆਹ ਅਤੇ ਉਨ੍ਹਾਂ ਦੇ ਕਰੀਅਰ ਦੀ ਯਾਤਰਾ ਪ੍ਰੇਰਨਾਦਾਇਕ ਹੈ। ਦੋਵਾਂ ਨੇ ਆਪੋ-ਆਪਣੇ ਖੇਤਰ 'ਚ ਸ਼ਾਨਦਾਰ ਕੰਮ ਕੀਤਾ ਹੈ ਅਤੇ ਆਪਣੀ ਤਰੱਕੀ ਦੇ ਨਾਲ ਇਕ ਨਵਾਂ ਅਧਿਆਏ ਸ਼ੁਰੂ ਕਰ ਰਹੇ ਹਨ। ਚਿਰੰਜੀਵ ਨਾਥ ਸਿਨਹਾ ਇਸ ਸਮੇਂ ਬਾਰਾਬੰਕੀ ਵਿਚ SP ਸਿਟੀ ਵਜੋਂ ਕੰਮ ਕਰ ਰਹੇ ਹਨ, ਜਦੋਂ ਕਿ ਰਸ਼ਮੀ ਰਾਣੀ ਐਡੀਸ਼ਨਲ SP ਦਾ ਅਹੁਦਾ ਸੰਭਾਲ ਰਹੀ ਹੈ। ਉਸ ਦੀ ਤਰੱਕੀ ਨੇ ਉਸ ਦੇ ਪਰਿਵਾਰ ਦੇ ਨਾਲ-ਨਾਲ ਪੁਲਸ ਵਿਭਾਗ ਵਿਚ ਇਕ ਨਵੀਂ ਪ੍ਰੇਰਨਾ ਦਾ ਸੰਚਾਰ ਕੀਤਾ ਹੈ।

ਹੋਰ ਅਫਸਰਾਂ ਦੀ ਤਰੱਕੀ

1995-1996 ਬੈਚ ਦੇ ਕਈ ਹੋਰ ਅਧਿਕਾਰੀ ਵੀ ਇਸ ਤਰੱਕੀ ਵਿਚ ਸ਼ਾਮਲ ਕੀਤੇ ਗਏ ਹਨ। ਇਨ੍ਹਾਂ ਵਿਚ ਬਜਰੰਗ ਬਾਲੀ, ਡਾ. ਦਿਨੇਸ਼ ਯਾਦਵ, ਸਮੀਰ ਸੌਰਭ, ਮੁਹੰਮਦ. ਇਰਫਾਨ ਅੰਸਾਰੀ, ਅਜੇ ਪ੍ਰਤਾਪ, ਨੇਪਾਲ ਸਿੰਘ, ਅਨਿਲ ਕੁਮਾਰ, ਕਮਲੇਸ਼ ਬਹਾਦੁਰ, ਰਾਕੇਸ਼ ਕੁਮਾਰ ਸਿੰਘ, ਲਾਲ ਭਰਤ ਕੁਮਾਰ ਪਾਲ ਅਤੇ ਹੋਰ। ਇਹ ਸਾਰੇ ਅਧਿਕਾਰੀ ਆਪੋ-ਆਪਣੇ ਖੇਤਰਾਂ ਵਿਚ ਅਹਿਮ ਯੋਗਦਾਨ ਪਾ ਰਹੇ ਹਨ ਅਤੇ ਹੁਣ IPS ਬਣ ਕੇ ਆਪਣੀ ਜ਼ਿੰਮੇਵਾਰੀ ਨੂੰ ਹੋਰ ਵਧਾਉਣਗੇ। ਹਾਲਾਂਕਿ ਇਸ ਖੁਸ਼ਖਬਰੀ ਦੇ ਵਿਚਕਾਰ ਇਕ PPS ਅਧਿਕਾਰੀ ਸੰਜੇ ਕੁਮਾਰ ਯਾਦਵ ਦੀ ਤਰੱਕੀ ਅਜੇ ਬਾਕੀ ਪੈਂਡਿੰਗ ਹੈ। ਉਨ੍ਹਾਂ ਦੀ ਜਾਂਚ ਚੱਲ ਰਹੀ ਹੈ, ਜਿਸ ਕਾਰਨ ਉਨ੍ਹਾਂ ਦੀ ਤਰੱਕੀ ਲਈ ਲਿਫ਼ਾਫਾ ਬੰਦ ਰੱਖਿਆ ਗਿਆ ਹੈ। ਜਾਂਚ ਪੂਰੀ ਹੋਣ ਮਗਰੋਂ ਉਨ੍ਹਾਂ ਨੂੰ ਵੀ ਤਰੱਕੀ ਦਿੱਤੀ ਜਾਵੇਗੀ ਅਤੇ ਇਸ ਸਬੰਧੀ ਅਧਿਕਾਰੀ ਆਸਵੰਦ ਹਨ।