ਕਿਸਾਨ ਦਾ ਪੁੱਤਰ ਹੈਲੀਕਾਪਟਰ ''ਤੇ ਲਿਆਇਆ ਲਾੜੀ, ਹਰ ਥਾਂ ਹੋ ਰਹੇ ਨੇ ਚਰਚੇ (ਤਸਵੀਰਾਂ)
Sunday, Nov 03, 2019 - 05:10 PM (IST)
ਕਰਨਾਲ— ਹਰਿਆਣਾ ਦੇ ਸ਼ਹਿਰ ਕਰਨਾਲ 'ਚ ਇਕ ਲਾੜਾ ਆਪਣੀ ਲਾੜੀ ਹੈਲੀਕਾਪਟਰ 'ਤੇ ਲੈ ਕੇ ਆਇਆ। ਹੈਲੀਕਾਪਟਰ 'ਤੇ ਲਾੜਾ-ਲਾੜੀ ਨੂੰ ਦੇਖਣ ਆਲੇ-ਦੁਆਲੇ ਦੇ ਪਿੰਡਾਂ ਦੇ ਲੋਕ ਪੁੱਜੇ ਅਤੇ ਇਸ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਅਕਸਰ ਖੇਤਾਂ ਵਿਚ ਰੁਲਦੇ ਕਿਸਾਨ ਅਤੇ ਪੁੱਤਰਾਂ ਨੂੰ ਤਾਂ ਤੁਸੀਂ ਦੇਖਿਆ ਹੋਵੇਗਾ ਪਰ ਆਸਾਮਾਨ 'ਚ ਉਡਾਰੀਆਂ ਲਾਉਣ ਵਾਲੇ ਵਿਰਲੇ ਹੀ ਹੁੰਦੇ ਹਨ।
ਦਰਅਸਲ ਲਾੜੇ ਅੰਕਿਤ ਦੇ ਦਾਦੇ ਦਾ ਸੁਪਨਾ ਸੀ ਕਿ ਉਸ ਦੇ ਪੋਤੇ ਦਾ ਵਿਆਹ ਇਸ ਤਰ੍ਹਾਂ ਹੋਵੇ ਕਿ ਸਾਰੇ ਦੇਖਣ। ਅੰਕਿਤ ਆਪਣੀ ਲਾੜੀ ਦੀ ਡੋਲੀ ਕੈਥਲ ਤੋਂ ਆਪਣੇ ਪਿੰਡ ਹੈਲੀਕਾਪਟਰ ਵਿਚ ਲੈ ਕੇ ਆਇਆ।
ਅੰਕਿਤ ਕਰਨਾਲ ਦੇ ਛੋਟੇ ਜਿਹੇ ਪਿੰਡ 'ਚ ਰਹਿਣ ਵਾਲੇ ਇਕ ਕਿਸਾਨ ਦਾ ਪੁੱਤਰ ਹੈ। ਉਸ ਨੇ ਆਪਣੇ ਪਿਤਾ ਨਾਲ ਖੇਤੀ ਕਰਦੇ ਹੋਏ ਐੱਮ. ਬੀ. ਏ. ਦੀ ਪੜ੍ਹਾਈ ਪੂਰੀ ਕੀਤੀ ਤੇ ਫਿਰ ਆਪਣੇ ਦਾਦੇ ਦੇ ਸੁਪਨੇ ਨੂੰ ਪੂਰਾ ਵੀ ਕੀਤਾ। ਓਧਰ ਲਾੜੀ ਦਾ ਕਹਿਣਾ ਹੈ ਕਿ ਉਹ ਖੁਸ਼ਕਿਸਮਤ ਹੈ ਕਿ ਉਸ ਦਾ ਵਿਆਹ ਇਸ ਤਰ੍ਹਾਂ ਹੋਇਆ ਅਤੇ ਉਸ ਨੂੰ ਸੁਪਨਿਆਂ ਦਾ ਰਾਜਕੁਮਾਰ ਮਿਲਿਆ ਹੈ।