ਸਾਬਕਾ ਵਿਧਾਇਕ ਦਾ ਬੇਟਾ ਬਣਿਆ ਚੇਨ ਸਨੈਚਰ! ਗਰਲਫ੍ਰੈਂਡ ਨੂੰ ਮਹਿੰਗੇ ਤੋਹਫ਼ੇ ਦੇਣ ਲਈ ਕਰਦਾ ਸੀ ਲੁੱਟ-ਖੋਹ

ਅਹਿਮਦਾਬਾਦ : ਗੁਜਰਾਤ ਦੀ ਅਹਿਮਦਾਬਾਦ ਪੁਲਸ ਨੇ ਇੱਕ ਹੈਰਾਨ ਕਰਨ ਵਾਲੇ ਮਾਮਲੇ ਦਾ ਖੁਲਾਸਾ ਕੀਤਾ ਹੈ। 65 ਸਾਲਾ ਬਜ਼ੁਰਗ ਔਰਤ ਤੋਂ ਚੇਨ ਖੋਹਣ ਵਾਲਾ ਨੌਜਵਾਨ ਕੋਈ ਪੇਸ਼ੇਵਰ ਅਪਰਾਧੀ ਨਹੀਂ ਸਗੋਂ ਮੱਧ ਪ੍ਰਦੇਸ਼ ਦੇ ਸਾਬਕਾ ਵਿਧਾਇਕ ਵਿਜੇਂਦਰ ਸਿੰਘ ਚੰਦਰਾਵਤ ਦਾ ਪੁੱਤਰ ਨਿਕਲਿਆ। ਮੁਲਜ਼ਮ ਪ੍ਰਦਿਊਮਨ ਸਿੰਘ ਵਿਜੇਂਦਰ ਸਿੰਘ ਚੰਦਰਾਵਤ ਨੂੰ ਪੁਲਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ।

ਇਹ ਘਟਨਾ 25 ਜਨਵਰੀ ਨੂੰ ਉਸ ਸਮੇਂ ਵਾਪਰੀ ਜਦੋਂ ਅਹਿਮਦਾਬਾਦ ਦੇ ਮੇਮਨਗਰ ਦੀ ਰਹਿਣ ਵਾਲੀ ਵਸੰਤੀਬੇਨ ਆਪਣੇ ਪਤੀ ਨਾਲ ਹਨੂੰਮਾਨ ਮੰਦਰ ਦੇ ਦਰਸ਼ਨ ਕਰਕੇ ਵਾਪਸ ਆ ਰਹੀ ਸੀ। ਗੁਰੂਕੁਲ ਰੋਡ ਨੇੜੇ ਕਿਸੇ ਅਣਪਛਾਤੇ ਵਿਅਕਤੀ ਨੇ ਉਸ ਦਾ ਢਾਈ ਤੋਲੇ ਸੋਨੇ ਦਾ ਮੰਗਲਸੂਤਰ ਕਟਰ ਨਾਲ ਕੱਟ ਕੇ ਖੋਹ ਲਿਆ ਅਤੇ ਫਰਾਰ ਹੋ ਗਿਆ। ਇਸ ਘਟਨਾ ਨੂੰ ਸੁਲਝਾਉਣ ਅਤੇ ਮੁਲਜ਼ਮਾਂ ਤੱਕ ਪਹੁੰਚਣ ਲਈ ਘਾਟਲੋਡੀਆ ਪੁਲਸ ਨੇ ਜਾਂਚ ਸ਼ੁਰੂ ਕੀਤੀ ਅਤੇ 250 ਤੋਂ ਵੱਧ ਸੀਸੀਟੀਵੀ ਫੁਟੇਜ ਦਾ ਵਿਸ਼ਲੇਸ਼ਣ ਕੀਤਾ।

ਇਹ ਵੀ ਪੜ੍ਹੋ : Jio ਨੇ ਮਾਰਿਆ 'U' ਟਰਨ, ਮੁੜ ਲਾਂਚ ਕੀਤਾ ਇਹ ਸਸਤਾ ਰੀਚਾਰਜ ਪਲਾਨ

ਚੇਨ ਸਨੈਚਰ ਬਣਿਆ ਸਾਬਕਾ ਵਿਧਾਇਕ ਦਾ ਬੇਟਾ
ਇਸ ਤੋਂ ਬਾਅਦ ਪੁਲਸ ਨੇ 25 ਸਾਲਾ ਪ੍ਰਦਿਊਮਨ ਸਿੰਘ ਨੂੰ ਅਹਿਮਦਾਬਾਦ ਦੇ ਥਲਤੇਜ ਇਲਾਕੇ ਤੋਂ ਗ੍ਰਿਫਤਾਰ ਕੀਤਾ। ਜਾਂਚ 'ਚ ਸਾਹਮਣੇ ਆਇਆ ਕਿ ਪ੍ਰਦਿਊਮਨ ਮੱਧ ਪ੍ਰਦੇਸ਼ ਦੇ ਨੀਮਚ ਜ਼ਿਲ੍ਹੇ ਦੇ ਮਨਾਸਾ ਤਾਲੁਕਾ ਦੇ ਮਲਹੇਰਾ ਪਿੰਡ ਦਾ ਰਹਿਣ ਵਾਲਾ ਹੈ ਅਤੇ ਉਸ ਦੇ ਪਿਤਾ 15 ਸਾਲ ਪਹਿਲਾਂ ਵਿਧਾਇਕ ਸਨ। ਪਰ ਪ੍ਰਦਿਊਮਨ ਆਪਣੇ ਮਾਤਾ-ਪਿਤਾ ਤੋਂ ਵੱਖ ਹੋਣ ਤੋਂ ਬਾਅਦ ਅਹਿਮਦਾਬਾਦ ਵਿੱਚ ਰਹਿ ਰਿਹਾ ਸੀ ਅਤੇ ਸਿਰਫ਼ 15,000 ਰੁਪਏ ਦੀ ਨੌਕਰੀ ਕਰ ਰਿਹਾ ਸੀ।

ਪੁਲਸ ਨੇ ਮੁਲਜ਼ਮ ਨੂੰ ਕੀਤਾ ਗ੍ਰਿਫ਼ਤਾਰ
ਪ੍ਰਦਿਊਮਨ ਨੂੰ ਇਕ ਲੜਕੀ ਨਾਲ ਪਿਆਰ ਹੋ ਗਿਆ ਸੀ ਅਤੇ ਆਪਣੀ ਪ੍ਰੇਮਿਕਾ ਦੀਆਂ ਮਹਿੰਗੀਆਂ ਮੰਗਾਂ ਨੂੰ ਪੂਰਾ ਕਰਨ ਲਈ ਉਸ ਨੇ ਚੇਨ ਸਨੈਚਿੰਗ ਸ਼ੁਰੂ ਕਰ ਦਿੱਤੀ ਸੀ। ਉਹ ਆਪਣੀ ਪ੍ਰੇਮਿਕਾ ਨੂੰ ਚੋਰੀਆਂ ਕਰਕੇ ਮਹਿੰਗੇ ਤੋਹਫ਼ੇ ਦਿੰਦਾ ਸੀ। ਪਰ ਪੁਲਸ ਦੀ ਚੌਕਸੀ ਕਾਰਨ ਉਸ ਨੂੰ ਜਲਦੀ ਹੀ ਕਾਬੂ ਕਰ ਲਿਆ ਗਿਆ। ਪੁਲਸ ਨੇ ਮੰਗਲਸੂਤਰ ਬਰਾਮਦ ਕਰ ਲਿਆ ਹੈ ਅਤੇ ਦੋਸ਼ੀ ਖਿਲਾਫ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8