Elon Musk ਦੇ ਪਿਤਾ ਅਯੁੱਧਿਆ ''ਚ ਰਾਮ ਲੱਲਾ ਦੇ ਕਰ ਸਕਦੇ ਹਨ ਦਰਸ਼ਨ

ਅਯੁੱਧਿਆ- ਦੁਨੀਆ ਦੇ ਚੋਟੀ ਦੇ ਉਦਯੋਗਪਤੀਆਂ 'ਚੋਂ ਇਕ ਐਲਨ ਮਸਕ ਦੇ ਪਿਤਾ ਐਰੋਲ ਮਸਕ ਦੇ ਬੁੱਧਵਾਰ ਦੁਪਹਿਰ ਨੂੰ ਅਯੁੱਧਿਆ ਦੇ ਰਾਮ ਮੰਦਰ 'ਚ ਦਰਸ਼ਨ ਕਰਨ ਦੀ ਸੰਭਾਵਨਾ ਹੈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਇਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਅਯੁੱਧਿਆ ਦੀ ਆਪਣੀ ਯਾਤਰਾ ਦੌਰਾਨ, ਐਰੋਲ ਮਸਕ ਨਾਲ ਉਨ੍ਹਾਂ ਦੀ ਧੀ ਅਲੈਗਜ਼ੈਂਡਰਾ ਵੀ ਹੋਵੇਗੀ। ਕੁਝ ਸਮੇਂ ਦੀ ਇਸ ਯਾਤਰਾ ਦੌਰਾਨ, ਐਰੋਲ ਮਸਕ ਰਾਮ ਲੱਲਾ ਦੇ ਮੰਦਰ ਦੇ ਦਰਸ਼ਨ ਕਰਨ ਤੋਂ ਬਾਅਦ ਨੇੜਲੇ ਹਨੂੰਮਾਨਗੜ੍ਹੀ ਮੰਦਰ ਦਾ ਵੀ ਜਾਣਗੇ। ਅਯੁੱਧਿਆ ਡਿਵੀਜ਼ਨਲ ਕਮਿਸ਼ਨਰ ਗੌਰਵ ਦਿਆਲ ਨੇ ਦੱਸਿਆ,"ਐਰੋਲ ਮਸਕ ਦੇ ਅੱਜ ਦੁਪਹਿਰ ਅਯੁੱਧਿਆ ਜਾਣ ਦੀ ਸੰਭਾਵਨਾ ਹੈ।" ਅਧਿਕਾਰੀ ਨੇ ਕਿਹਾ, "ਅਯੁੱਧਿਆ 'ਚ ਪਹਿਲਾਂ ਹੀ ਤਿੰਨ-ਪੱਧਰੀ ਸੁਰੱਖਿਆ ਰਿੰਗ ਹੈ। ਇਸ 'ਚ ਹਾਈ-ਟੈਕ ਐਂਟੀ-ਡਰੋਨ ਸਿਸਟਮ ਦੀ 24 ਘੰਟੇ ਤਾਇਨਾਤੀ ਸ਼ਾਮਲ ਹੈ, ਜੋ ਅਣਅਧਿਕਾਰਤ ਹਵਾਈ ਗਤੀਵਿਧੀਆਂ ਦੀ ਪਛਾਣ ਕਰਨ ਅਤੇ ਉਨ੍ਹਾਂ ਨੂੰ ਮਾਰ ਸੁੱਟਣ 'ਚ ਸਮਰੱਥ ਹੈ।"

ਇਹ ਵੀ ਪੜ੍ਹੋ : ਵੱਡੀ ਖ਼ਬਰ : ਸਰਕਾਰ ਨੇ 386 ਸਕੂਲਾਂ ਨੂੰ ਬੰਦ ਕਰਨ ਦੇ ਦਿੱਤੇ ਹੁਕਮ

ਉਨ੍ਹਾਂ ਕਿਹਾ ਕਿ ਮੰਦਰ ਖੇਤਰ 'ਚ ਅਤੇ ਉਸ ਦੇ ਨੇੜੇ-ਤੇੜੇ ਸੁਰੱਖਿਆ ਵਿਵਸਥਾ 'ਚ ਸੀਸੀਟੀਵੀ ਨਾਲ ਨਿਗਰਾਨੀ, ਯਾਤਰੀਆਂ ਦੀ ਨਿਯਮਿਤ ਜਾਂਚ ਅਤੇ ਵਿਸ਼ੇਸ਼ ਤੌਰ 'ਤੇ ਸਿਖਲਾਈ ਪ੍ਰਾਪਤ ਕਰਮਚਾਰੀਆਂ ਦੀ ਤਾਇਨਾਤੀ ਸ਼ਾਮਲ ਹੈ। ਉਨ੍ਹਾਂ ਕਿਹਾ,''ਹਾਲਾਂਕਿ, ਇਸ ਯਾਤਰਾ ਲਈ ਅਧਿਕਾਰਤ ਤੌਰ 'ਤੇ ਕੋਈ ਵਾਧੂ ਸੁਰੱਖਿਆ ਨਹੀਂ ਵਧਾਈ ਜਾਵੇਗੀ, ਕਿਉਂਕਿ ਪਹਿਲਾਂ ਤੋਂ ਹੀ ਪੂਰੀ ਸੁਰੱਖਿਆ ਕੀਤੀ ਗਈ ਹੈ।'' ਹਰਿਆਣਾ ਸਥਿਤ ਕੰਪਨੀ ਸਰਵੋਟੈਕ ਰੀਨਿਊਏਬਲ ਪਾਵਰ ਸਿਸਟਮ ਲਿਮਟਿਡ ਦੇ ਬੁਲਾਰੇ ਨੇ ਇਕ ਬਿਆਨ 'ਚ ਕਿਹਾ ਕਿ ਸਰਵੋਟੈਕ ਰੀਨਿਊਏਬਲ ਪਾਵਰ ਸਿਸਟਮ ਦੇ ਗਲੋਬਲ ਸਲਾਹਕਾਰ ਐਰੋਲ ਮਸਕ ਨੇ ਇਕ ਜੂਨ ਨੂੰ ਆਪਣੀ ਯਾਤਰਾ ਸ਼ੁਰੂ ਕੀਤੀ ਸੀ। ਉਹ 6 ਜੂਨ ਤੱਕ ਦੇਸ਼ 'ਚ ਰਹਿਣਗੇ। ਕੰਪਨੀ ਨੇ ਕਿਹਾ,''ਮਸਕ ਦੀ ਯਾਤਰਾ ਦੀ ਵਧਦੀ ਗ੍ਰੀਨ ਤਕਨਾਲੋਜੀ ਅਤੇ ਇਲੈਕਟ੍ਰਿਕ ਵਾਹਨ (ਈਵੀ) ਚਾਰਜਿੰਗ ਦੇ ਬੁਨਿਆਦੀ ਢਾਂਚੇ ਦੇ ਵਿਕਾਸ 'ਚ ਤੇਜ਼ੀ ਲਿਆਉਣ 'ਤੇ ਕੇਂਦਰਿਤ ਹੈ।'' ਸ਼ੁਰੂ 'ਚ ਐਰੋਲ ਮਸਕ ਦੇ ਆਗਰਾ ਦੇ ਤਾਜ ਮਹਿਲ ਦਾ ਦੌਰਾ ਕਰਨ ਦਾ ਪ੍ਰੋਗਰਾਮ ਸੀ ਪਰ ਖੇਤਰ 'ਚ ਜ਼ਿਆਦਾ ਗਰਮੀ ਹੋਣ ਕਾਰਨ ਉਨ੍ਹਾਂ ਦੀ ਯਾਤਰਾ ਦੇ ਰੱਦ ਹੋਣ ਦੀ ਸੰਭਾਵਨਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8