ਸਰਕਾਰੀ ਦਫਤਰ ਵਿਚ ਸ਼ਰਾਬ ਪੀਣ ਵਾਲੇ 8 ਕਰਮਚਾਰੀਆਂ ਨੂੰ ਮਿਲੀ ਇਹ ਸਜ਼ਾ

ਰੇਵਾੜੀ — ਸਰਕਾਰੀ ਦਫਤਰਾਂ ਵਿਚ ਡਿਊਟੀ ਦੇ ਦੌਰਾਨ ਸ਼ਰਾਬ ਦਾ ਸੇਵਨ ਕਰਨ ਵਾਲੇ 8 ਕਰਮਚਾਰੀਆਂ ਤੇ ਗਾਜ ਡਿੱਗੀ ਹੈ। ਚੈਨਲ ਤੇ ਖਬਰ ਦਿਖਾਏ ਜਾਣ ਤੋਂ ਬਾਅਦ ਜ਼ਿਲਾ ਪ੍ਰਧਾਨ ਡਾ. ਯਸ ਗਰਗ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਚੋਣ ਦਫਤਰ ਦੇ 4 ਕਰਮਚਾਰੀਆਂ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਜਿਨ੍ਹਾਂ ਵਿਚੋਂ 2 ਕਾਨੂਨਗੋ ਸੁਨੀਲ ਅਤੇ ਭਰਤ, ਸਹਾਇਕ ਕਪਿਲ ਅਤੇ ਕਲਰਕ ਮਹੀਪਾਲ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਪੰਚਾਇਤ ਦਫਤਰ ਦੇ ਹੀ ਰਿਟਾਇਰ ਸੁਪਰਡੰਟ ਸ਼ਸ਼ੀਪਾਲ ਨੂੰ ਠੇਕੇ ਦੇ ਅਧਾਰ ਤੇ ਉਪ ਸੁਪਰਡੰਟ ਲਗਾਇਆ ਗਿਆ ਸੀ ਉਸਨੂੰ ਵੀ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਇਸ ਦੇ ਨਾਲ ਹੀ ਡੀ.ਸੀ. ਨੇ ਪੰਚਾਇਤ ਦਫਤਰ ਨਾਰਨੌਲ ਦੇ ਅਕਾਉਂਟੈਂਟ ਰਵਿੰਦਰ ਨੂੰ ਮੁਅੱਤਲ ਕਰਨ ਲਈ ਡੀ.ਸੀ. ਨਾਰਨੌਲ ਨੂੰ ਲਿਖਿਆ ਹੈ। ਉਹ ਵੀ ਇਥੇ ਆ ਕੇ ਆਪਣੇ ਸਾਥੀਆਂ ਨੇ ਮਿਲ ਕੇ ਸ਼ਰਾਬ ਪੀ ਰਿਹਾ ਸੀ। ਡੀ.ਸੀ. ਨੇ ਇਸ ਤਰ੍ਹਾਂ ਦੀ ਸ਼ਰਮਨਾਕ ਹਰਕਤ ਲਈ ਸਖਤ ਸ਼ਬਦਾਂ ਨਾਲ ਨਿੰਦਾ ਕੀਤੀ ਹੈ ਅਤੇ ਚੇਤਾਵਨੀ ਦਿੰਦੇ ਹੋਏ ਕਿਹਾ ਹੈ ਕਿ ਅੱਗੇ ਜਾਂਚ ਕਰਵਾ ਕੇ ਇਸ ਤਰ੍ਹਾਂ ਦੇ ਲੋਕਾਂ ਦੇ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇਗੀ।