ਦੇਸੀ ਦਵਾਈ Covaxin ਵਿਚ ਮਿਲਾਈ ਜਾ ਰਹੀ ਅਜਿਹੀ ਚੀਜ਼, ਲੰਮੇ ਸਮੇਂ ਤੱਕ ਕੋਲ ਨਹੀਂ ਆਵੇਗਾ ਕੋਰੋਨਾ

ਨਵੀਂ ਦਿੱਲੀ — ਭਾਰਤ ਬਾਇਓਟੈਕ ਨੇ ਆਪਣੀ ਕੋਵਿਡ ਵੈਕਸੀਨ ਵਿਚ ਇਕ ਹੋਰ ਦਵਾਈ ਮਿਲਾਉਣ ਦਾ ਫੈਸਲਾ ਕੀਤਾ ਹੈ। ਕੰਪਨੀ Covaxin ਵਿਚ Alhydroxiquim-II ਨਾਮ ਦਾ ਅਜੂਵੈਂਟ ਮਿਲਾਵੇਗੀ। ਇਹ ਵੈਕਸੀਨ ਦੇ ਅਸਰ ਵਿਚ ਸੁਧਾਰ ਕਰੇਗਾ ਅਤੇ ਕੋਰੋਨਾ ਤੋਂ ਲੰਬੇ ਸਮੇਂ ਲਈ ਸੁਰੱਖਿਆ ਪ੍ਰਦਾਨ ਕਰੇਗਾ। ਅਜੁਵੈਂਟ ਇਕ ਅਜਿਹਾ ਏਜੰਟ ਹੁੰਦਾ ਹੈ ਜਿਸ ਨੂੰ ਮਿਲਾਉਣ 'ਤੇ ਵੈਕਸੀਨ ਦੀ ਸਮਰੱਥਾ ਵਧ ਜਾਂਦੀ ਹੈ। ਇਸ ਨਾਲ ਟੀਕਾ ਲਗਾਉਣ ਤੋਂ ਬਾਅਦ ਸਰੀਰ 'ਚ ਜ਼ਿਆਦਾ ਐਂਟੀਬਾਡੀਜ਼ ਬਣਦੀਆਂ ਹਨ ਅਤੇ ਲੰਮੇ ਸਮੇਂ ਤੱਕ ਸਰੀਰ ਦੀ ਬੀਮਾਰੀਆਂ ਨਾਲ ਲੜਣ ਦੀ ਕਾਰਜਕੁਸ਼ਲਤਾ ਨੂੰ ਵਧਾਉਂਦਾ ਹੈ। ViroVax ਨੇ ਭਾਰਤ ਬਾਇਓਟੈਕ ਨੂੰ Alhydroxiquim-II ਅਜੂਵੈਂਟ ਦਾ ਲਾਇਸੈਂਸ ਦਿੱਤਾ ਹੈ। ਮੌਜੂਦਾ ਸਮੇਂ ਵਿਚ ਇਹ ਵੈਕਸੀਨ ਫੇਜ਼ -2 ਟਰਾਇਲ ਤੋਂ ਗੁਜ਼ਰ ਰਹੀ ਹੈ।

ਕਿਉਂ ਖ਼ਾਸ ਹੈ Alhydroxiquim-II ਅਜੂਵੈਂਟ?

ਭਾਰਤ ਬਾਇਓਟੈਕ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਕ੍ਰਿਸ਼ਨਾ ਏਲੱਾ ਅਨੁਸਾਰ, ਸਹਾਇਕ ਹੋਣ ਦੇ ਨਾਤੇ ਅਲਮੀਨੀਅਮ ਹਾਈਡ੍ਰੋਕਸਾਈਡ ਨੂੰ ਕਈ ਕੋਵਿਡ ਵੈਕਸੀਨ ਦੇ ਵਿਕਾਸ ਵਿਚ ਵਰਤਿਆ ਗਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਹ 'Th2- ਅਧਾਰਤ ਪ੍ਰਤੀਕ੍ਰਿਆ ਪੈਦਾ ਕਰਦਾ ਹੈ। Th2-ਅਧਾਰਤ ਪ੍ਰਤੀਕ੍ਰਿਆ ਨਾਲ ਸਬੰਧਤ ਸਾਹ ਸੰਬੰਧੀ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਏਲੱਾ ਅਨੁਸਾਰ ਉਸਦੀ ਕੰਪਨੀ ਨੇ ਅਜੁਵੈਂਟ ਦੀ Imidazoquinoline ਕਲਾਸ ਦੀ ਵਰਤੋਂ ਕੀਤੀ ਹੈ। ਇਹ 'Th1- ਅਧਾਰਤ ਪ੍ਰਤੀਕਿਰਿਆਵਾਂ ਪੈਦਾ ਕਰਦੇ ਹਨ ਜੋ ADE ਦੇ ਜੋਖਮ ਨੂੰ ਘਟਾਉਂਦੇ ਹਨ। 

ਫੇਜ਼ -2 ਟ੍ਰਾਇਲ ਵਿੱਚੋਂ ਲੰਘ ਰਹੀ Covaxin

Covaxin ਤੋਂ ਇਲਾਵਾ ਭਾਰਤ ਵਿਚ ਦੋ ਹੋਰ ਟੀਕੇ ਟ੍ਰਾਇਲ ਦੇ ਪੜਾਅ 'ਚ ਹਨ।  ICMR-NIV  ਨੇ ਭਾਰਤ ਬਾਇਓਟੈਕ ਦੇ ਸਹਿਯੋਗ ਨਾਲ ਕੋਵੈਕਸੀਨ ਦਾ ਗਠਨ ਕੀਤਾ ਹੈ। ਮਨੁੱਖੀ ਕਲੀਨਿਕਲ ਅਜ਼ਮਾਇਸ਼ਾਂ ਦਾ ਇਸਦਾ ਪਹਿਲਾ ਗੇੜ ਪੂਰਾ ਹੋ ਗਿਆ ਹੈ ਜਦੋਂ ਕਿ ਦੂਜੇ ਪੜਾਅ ਦੇ ਟਰਾਇਲ ਚੱਲ ਰਹੇ ਹਨ। ਜਾਨਵਰਾਂ 'ਤੇ ਟ੍ਰਾਇਲ ਦੌਰਾਨ ਇਹ ਵੈਕਸੀਨ ਇਮਿਊਨ ਪ੍ਰਤੀਕਰਮ ਨੂੰ ਪੈਦਾ ਕਰਨ 'ਚ ਕਾਮਯਾਬ ਰਹੀ ਸੀ।

ਇਹ ਵੀ ਦੇਖੋ : ਸੋਨੇ ਦੀਆਂ ਕੀਮਤਾਂ 'ਚ ਆਈ ਵੱਡੀ ਗਿਰਾਵਟ, ਜਾਣੋ ਅਗਲੇ ਦਿਨਾਂ 'ਚ ਕੀਮਤਾਂ ਵਧਣਗੀਆਂ ਜਾਂ ਘਟਣਗੀਆਂ!

ਕੋਵੈਕਸਿਨ ਤੋਂ ਇਲਾਵਾ ਹੋਰ ਦੋ ਟੀਕੇ ਕਿਹੜੇ ਹਨ?

ਸੀਰਮ ਇੰਸਟੀਚਿਊਟ ਆਫ ਇੰਡੀਆ (ਐਸ.ਆਈ.ਆਈ.) ਨੇ ਆਕਸਫੋਰਡ-ਐਸਟਰਾਜ਼ੇਨੇਕਾ ਦੀ ਵੈਕਸੀਨ 'ਚ ਭਾਈਵਾਲੀ ਕੀਤੀ ਹੈ। ਕੰਪਨੀ ਦੇਸ਼ ਵਿਚ ਉਨ੍ਹਾਂ ਦੀ ਵੈਕਸੀਨ 'ਕੋਵੀਸ਼ਿਲਡ' ਦਾ ਟ੍ਰਾਇਲ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਭਾਰਤ ਬਾਇਓਟੈਕ ਨੇ ਕੋਵੈਕਸੀਨ ਨਾਮ ਦਾ ਟੀਕਾ ਤਿਆਰ ਕੀਤਾ ਹੈ। ਜ਼ਾਇਡਸ ਕੈਡੀਲਾ ਨੇ ZyCov-D ਨਾਮਕ ਇੱਕ ਦਵਾਈ ਵਿਕਸਤ ਕੀਤੀ ਹੈ।

ਇਹ ਵੀ ਦੇਖੋ : ਲੰਡਨ ਟ੍ਰਾਂਸਪੋਰਟ ਨੇ ਓਲਾ ਨੂੰ ਇਸ ਕਾਰਨ ਨਵਾਂ ਲਾਇਸੈਂਸ ਦੇਣ ਤੋਂ ਕੀਤਾ ਇਨਕਾਰ, ਕੰਪਨੀ ਦੇਵੇਗੀ ਫੈਸਲੇ ਨੂੰ 

ਸਰਕਾਰ ਨੂੰ ਜੁਲਾਈ ਤੱਕ 50 ਕਰੋੜ ਡੋਜ਼ ਮਿਲਣ ਦੀ ਉਮੀਦ 

ਕੇਂਦਰ ਸਰਕਾਰ ਨੇ ਕਿਹਾ ਹੈ ਕਿ ਉਹ ਜੁਲਾਈ 2021 ਤੱਕ 40-50 ਕਰੋੜ ਖੁਰਾਕਾਂ ਪ੍ਰਾਪਤ ਕਰਨ ਦੀ ਉਮੀਦ ਕਰ ਰਹੀ ਹੈ। ਇਸ ਨਾਲ 20-25 ਕਰੋੜ ਲੋਕਾਂ ਨੂੰ ਟੀਕਾ ਲਗਾਇਆ ਜਾ ਸਕੇਗਾ। ਕੇਂਦਰੀ ਸਿਹਤ ਮੰਤਰੀ ਡਾ: ਹਰਸ਼ਵਰਧਨ ਦੇ ਅਨੁਸਾਰ, ਐਨਆਈਟੀਆਈ ਆਯੋਗ ਦੇ ਡਾ: ਵੀ ਕੇ ਪਾਲ ਦੀ ਅਗਵਾਈ ਹੇਠ ਇੱਕ ਉੱਚ ਪੱਧਰੀ ਕਮੇਟੀ ਪੂਰੀ ਯੋਜਨਾ ਤਿਆਰ ਕਰ ਰਹੀ ਹੈ। ਕੇਂਦਰ ਸਰਕਾਰ ਟੀਕਾ ਹਾਸਲ ਕਰਨ ਤੋਂ ਬਾਅਦ ਸੂਬਿਆਂ ਨੂੰ ਖੁਰਾਕ ਭੇਜੇਗੀ। ਉਨ੍ਹਾਂ ਨੂੰ ਭੰਡਾਰਨ ਅਤੇ ਟੀਕਾਕਰਣ ਦਾ ਪ੍ਰਬੰਧ ਕਰਨਾ ਪਏਗਾ। ਸੂਬਿਆਂ ਅਜਿਹੇ ਲੋਕਾਂ ਦੀ ਸੂਚੀ ਮੰਗੀ ਗਈ ਹੈ ਜਿਨ੍ਹਾਂ ਨੂੰ ਪਹਿਲਾ ਟੀਕਾ ਲਗਾਇਆ ਜਾਵੇਗਾ। ਸਰਕਾਰ ਦੇ ਅਨੁਸਾਰ ਟੀਕੇ ਦੀ ਮੁਢਲੀ ਖੁਰਾਕ ਸਿਹਤ ਸੰਭਾਲ ਕਰਮਚਾਰੀਆਂ ਨੂੰ ਦਿੱਤੀ ਜਾਵੇਗੀ।

ਇਹ ਵੀ ਦੇਖੋ : ਕੀ ਨੋਟਾਂ ਨਾਲ ਵੀ ਹੋ ਸਕਦੈ ਕੋਰੋਨਾ ਵਾਇਰਸ ਲਾਗ ਦਾ ਖ਼ਤਰਾ? ਜਾਣੋ RBI ਨੇ ਕੀ ਕਿਹਾ

ਵਿਦੇਸ਼ਾਂ ਵਿਚ ਵਿਕਸਤ ਟੀਕਾ ਕਦੋਂ ਆਵੇਗਾ?

ਕੇਂਦਰ ਦੇ ਅਨੁਸਾਰ ਬਾਹਰ ਵਿਕਸਤ ਕੀਤੀ ਜਾ ਰਹੀ ਵੈਕਸੀਨ ਸਾਰੇ ਸੁਰੱਖਿਆ ਮਾਪਦੰਡਾਂ ਨੂੰ ਪੂਰਾ ਕਰਨ ਤੋਂ ਬਾਅਦ ਹੀ ਭਾਰਤ ਆਵੇਗੀ। ਹਰਸ਼ਵਰਧਨ ਨੇ ਕਿਹਾ ਕਿ ਵਿਦੇਸ਼ੀ ਟੀਕਾ ਲੋਕਾਂ ਨੂੰ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਹੋਣ ਦੇ ਬਾਅਦ ਹੀ ਦਿੱਤਾ ਜਾਵੇਗਾ। ਸਰਕਾਰ ਨੇ ਅਜੇ ਤੱਕ ਰੂਸ ਦੇ ਟੀਕੇ Sputnik V ਬਾਰੇ ਵੀ ਅਜੇ ਕੋਈ ਫੈਸਲਾ ਨਹੀਂ ਲਿਆ ਹੈ। ਸਰਕਾਰ ਤੋਂ ਇਲਾਵਾ ਕਈ ਨਿੱਜੀ ਕੰਪਨੀਆਂ ਨੇ ਵੀ ਵਿਦੇਸ਼ੀ ਟੀਕਾ ਨਿਰਮਾਤਾਵਾਂ ਨਾਲ ਡੀਲ ਕੀਤੀ ਹੈ। ਐਸਟਰਾਜ਼ੇਨੇਕਾ ਤੋਂ ਇਲਾਵਾ, ਐਸ.ਆਈ.ਆਈ. ਨੇ US ਦੀ ਕੰਪਨੀ ਨੋਵਾਵੈਕਸ ਨਾਲ ਵੀ ਵੈਕਸੀਨ ਲਈ ਟਾਈਅੱਪ ਕੀਤਾ ਹੈ। ਡਾ. ਰੈਡੀਜ਼ ਲੈਬਾਰਟਰੀਜ਼ ਰੂਸ ਤੋਂ Sputnik V ਟੀਕਾ ਭਾਰਤ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਬਾਇਓਲੋਜੀਕਲ ਈ ਨੇ ਜਾਨਸਨ ਐਂਡ ਜਾਨਸਨ ਨਾਲ ਉਸਦੀ ਵੈਕਸੀਨ ਲਈ ਡੀਲ ਕੀਤੀ ਹੈ।

ਇਹ ਵੀ ਦੇਖੋ : Spicejet ਦੇ ਰਹੀ Pre-Booking Extra Baggage 'ਤੇ 25% ਦੀ ਛੋਟ, ਜਾਣੋ ਕੀ ਹੈ ਰੇਟ ਅਤੇ ਸਲੈਬ