ਮਹਾਰਾਸ਼ਟਰ ''ਚ ਕੋਰੋਨਾ ਨਾਲ 682 ਹੋਰ ਲੋਕਾਂ ਦੀ ਮੌਤ, 26 ਹਜ਼ਾਰ ਤੋਂ ਜ਼ਿਆਦਾ ਨਵੇਂ ਮਾਮਲੇ
Sunday, May 23, 2021 - 12:53 AM (IST)
ਮੁੰਬਈ - ਮਹਾਰਾਸ਼ਟਰ ਵਿੱਚ ਸ਼ਨੀਵਾਰ ਨੂੰ ਕੋਵਿਡ-19 ਦੇ 26133 ਨਵੇਂ ਮਾਮਲੇ ਆਏ ਹਨ ਜਦੋਂ ਕਿ ਇਨਫੈਕਸ਼ਨ ਨਾਲ 682 ਲੋਕਾਂ ਦੀ ਮੌਤ ਹੋਈ ਹੈ। ਸਿਹਤ ਵਿਭਾਗ ਦੁਆਰਾ ਜਾਰੀ ਬੁਲੇਟਿਨ ਦੇ ਅਨੁਸਾਰ, ਰਾਜ ਵਿੱਚ ਹੁਣ ਤੱਕ ਕੁਲ 5553225 ਲੋਕਾਂ ਦੇ ਪੀੜਤ ਹੋਣ ਅਤੇ ਕੋਰੋਨਾ ਵਾਇਰਸ ਨਾਲ 87300 ਲੋਕਾਂ ਦੇ ਮਰਨ ਦੀ ਪੁਸ਼ਟੀ ਹੋਈ ਹੈ।
ਉਸਦੇ ਅਨੁਸਾਰ, ਅੱਜ 40294 ਮਰੀਜ਼ਾਂ ਦੇ ਇਨਫੈਕਸ਼ਨ ਮੁਕਤ ਹੋਣ ਦੇ ਨਾਲ ਹੀ ਮਹਾਰਾਸ਼ਟਰ ਵਿੱਚ ਠੀਕ ਹੋਏ ਲੋਕਾਂ ਦੀ ਗਿਣਤੀ ਵਧਕੇ 51,11,095 ਪਹੁੰਚ ਗਈ ਹੈ। ਰਾਜ ਵਿੱਚ ਫਿਲਹਾਲ 3,52,247 ਮਰੀਜ਼ ਇਲਾਜ ਅਧੀਨ ਹਨ। ਰਾਜ ਵਿੱਚ ਮਰੀਜ਼ਾਂ ਦੇ ਤੰਦਰੁਸਤ ਹੋਣ ਦੀ ਦਰ 92.04 ਫ਼ੀਸਦੀ ਹੈ ਜਦੋਂ ਕਿ ਮੌਤ ਦਰ ਵਧਕੇ 1.57 ਹੋ ਗਈ ਹੈ। ਇਸ ਮਿਆਦ ਵਿੱਚ ਇਨਫੈਕਸ਼ਨ ਦਰ ਘੱਟ ਕੇ 16.97 ਫ਼ੀਸਦੀ ਰਹਿ ਗਈ ਹੈ।
ਬੁਲੇਟਿਨ ਦੇ ਅਨੁਸਾਰ, ਕੋਵਿਡ-19 ਨਾਲ ਹੋਈਆਂ 682 ਮੌਤਾਂ ਵਿੱਚੋਂ 392 ਪਿਛਲੇ 48 ਘੰਟਾਂ ਵਿੱਚ ਹੋਈਆਂ ਹਨ ਜਦੋਂ ਕਿ 290 ਪਿਛਲੇ ਹਫ਼ਤੇ ਹੋਈਆਂ ਹਨ। ਮੁੰਬਈ ਵਿੱਚ 1,283 ਨਵੇਂ ਮਾਮਲਿਆਂ ਅਤੇ 52 ਲੋਕਾਂ ਦੀ ਮੌਤ ਦੇ ਨਾਲ ਹੁਣ ਤੱਕ ਪੀੜਤ ਹੋਏ ਲੋਕਾਂ ਦੀ ਗਿਣਤੀ ਵਧਕੇ 6,95,483 ਹੋਰ ਵਾਇਰਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 14516 ਹੋ ਗਈ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
