ਭਾਜਪਾ ''ਚ ਸ਼ਾਮਲ ਹੋਣ ਲਈ ਕਈ ਲੋਕ ਲਾਈਨਾਂ ''ਚ ਖੜ੍ਹੇ ਹਨ-ਫੜਨਵੀਸ

ਮੁੰਬਈ— ਮਹਾਰਾਸ਼ਟਰ ਦੇ ਮੁੱਖਮੰਤਰੀ ਦੇਵੇਂਦਰ ਫੜਨਵੀਸ ਨੇ ਰਾਕੰਪਾ ਦੇ ਸਾਬਕਾ ਵਿਧਾਇਕ ਨਿਰੰਜਨ ਦੇਵਖੇੜੇ ਨੂੰ ਭਾਰਤੀ ਜਨਤਾ ਪਾਰਟੀ 'ਚ ਸ਼ਾਮਲ ਕਰਦੇ ਹੋਏ ਕਿਹਾ ਕਿ ਬਹੁਤ ਸਾਰੇ ਲੋਕ ਆਉਣ ਵਾਲੇ ਸਮੇਂ 'ਚ ਭਾਜਪਾ 'ਚ ਸ਼ਾਮਲ ਹੋਣ ਲਈ ਲਾਈਨਾਂ 'ਚ ਹਨ ਅਤੇ ਉਨ੍ਹਾਂ ਦੇ ਨਾਮ ਜਲਦੀ ਸਰਵਜਨਿਕ ਕੀਤੇ ਜਾਣਗੇ। ਦੇਵਖੇੜੇ ਨੇ ਮਹਾਰਾਸ਼ਟਰ ਵਿਧਾਨ ਪਰਿਸ਼ਦ ਦੀ ਮੈਂਬਰਸ਼ਿਪ ਤੋਂ ਕੱਲ ਅਸਤੀਫਾ ਦੇ ਦਿੱਤਾ ਸੀ। ਉਨ੍ਹਾਂ ਨੇ ਰਾਕੰਪਾ ਛੱਡਦੇ ਹੋਏ ਕਿਹਾ ਕਿ ਉਹ ਭਾਜਪਾ 'ਚ ਸ਼ਾਮਲ ਹੋ ਰਹੇ ਹਨ। ਫੜਨਵੀਸ ਨੇ ਦੇਵਖੇੜੇ ਦਾ ਪਾਰਟੀ 'ਚ ਸਵਾਗਤ ਕੀਤਾ ਹੈ। ਦੇਵਖੇੜੇ ਦੇ ਸਵਰਗੀ ਪਿਤਾ ਵਸੰਤ ਦੇਵਖੇੜੇ ਠਾਣੇ ਪਾਲਘਰ ਸੀਟ ਤੋਂ ਰਾਕੰਪਾ ਦੇ ਸੀਨੀਅਰ ਨੇਤਾ ਸਨ ਅਤੇ ਘੱਟ ਤੋਂ ਘੱਟ 18 ਸਲ ਤੱਕ ਪਰਿਸ਼ਦ ਦੇ ਉਪ-ਪ੍ਰਧਾਨ ਰਹੇ ਸਨ। ਮੁੱਖਮੰਤਰੀ ਨੇ ਗੱਲਬਾਤ ਦੌਰਾਨ ਕਿਹਾ ਕਿ ਵਸੰਤ ਦੇਵਖੇੜੇ ਜੀ ਮਸ਼ਹੂਰ ਨੇਤਾ ਸਨ ਅਤੇ ਬਹੁਤ ਸਾਲਾਂ ਤੱਕ ਰਾਜਨੀਤੀ 'ਚ ਸਰਗਰਮ ਰਹੇ। ਨਿਰੰਜਨ ਕਈ ਦਿਨ ਤੋਂ ਸਾਡੇ 'ਚ ਸੰਪਰਕ 'ਚ ਸਨ। ਉਹ ਰਾਸ਼ਟਰੀ ਪਾਰਟੀ 'ਚ ਸ਼ਾਮਲ ਹੋ ਕੇ ਮੁੱਖ ਧਾਰਾ ਦੀ ਰਾਜਨੀਤੀ 'ਚ ਸ਼ਾਮਲ ਹੋਣਾ ਚਾਹੁੰਦੇ ਸਨ। ਸਾਨੂੰ ਲੱਗਾ ਕਿ ਉਨ੍ਹਾਂ ਨੂੰ ਸਾਡੇ ਨਾਲ ਕੰਮ ਕਰਨਾ ਚਾਹੀਦਾ ਹੈ ਅਤੇ ਇਸ ਲਈ ਉਨ੍ਹਾਂ ਨੇ ਭਾਜਪਾ 'ਚ ਸ਼ਾਮਲ ਹੋਣ ਦਾ ਫੈਸਲਾ ਲਿਆ।