ਹੁਣ ਘਰ ਬੈਠੇ WhatsApp 'ਤੇ ਮਿਲਣਗੇ Birth-Death Certificate! ਇਸ ਸ਼ਹਿਰ 'ਚ ਸ਼ੁਰੂ ਹੋਈ ਸਹੂਲਤ

ਨੈਸ਼ਨਲ ਡੈਸਕ- ਜਨਮ ਅਤੇ ਮੌਤ ਦਾ ਸਰਟੀਫਿਕੇਟ ਬਣਵਾਉਣ ਲਈ ਲੰਬੀਆਂ ਲਾਈਨਾਂ ਲੱਗਣ ਦੀ ਲੋੜ ਨਹੀਂ ਅਤੇ ਨਾ ਹੀ ਨਗਰ ਨਿਗਮ ਦੇ ਵਾਰ-ਵਾਰ ਚੱਕਰ ਲਗਾਉਣੇ ਪੈਣਗੇ। ਦਰਅਸਲ, ਆਗਰਾ ਨਗਰ ਨਿਗਮ ਨੇ ਡਿਜੀਟਲ ਇੰਡੀਆ ਦੀ ਦਿਸ਼ਾ 'ਚ ਇਕ ਨਵਾਂ ਕਦਮ ਚੁੱਕਦੇ ਹੋਏ ਇਸ ਪ੍ਰਕਿਰਿਆ ਨੂੰ ਹੋਰ ਆਸਾਨ ਬਣਾ ਦਿੱਤਾ ਹੈ। ਹੁਣ ਸ਼ਹਿਰ ਦੇ ਨਾਗਰਿਕ ਘਰ ਬੈਠੇ ਹੀ ਆਪਣੇ ਜਨਮ ਅਤੇ ਮੌਤ ਦੇ ਸਰਟੀਫਿਕੇਟ ਵਟਸਐਪ ਰਾਹੀਂ ਪ੍ਰਾਪਤ ਕਰ ਸਕਣਗੇ। ਨਗਰ ਨਿਗਮ ਕਮਿਸ਼ਨਰ ਅੰਕਿਤ ਖੰਡੇਲਵਾਲ ਨੇ ਕਿਹਾ ਕਿ ਆਗਰਾ ਨਗਰ ਨਿਗਮ ਉੱਤਰ ਪ੍ਰਦੇਸ਼ ਦੀ ਪਹਿਲੀ ਨਗਰ ਨਿਗਮ ਸੰਸਥਾ ਬਣ ਗਈ ਹੈ ਜੋ ਜਨਮ ਅਤੇ ਮੌਤ ਸਰਟੀਫਿਕੇਟ ਸਿੱਧੇ ਵਟਸਐਪ 'ਤੇ ਜਾਰੀ ਕਰਦੀ ਹੈ। ਇਸ ਨਾਲ ਨਾਗਰਿਕਾਂ ਨੂੰ ਸਰਟੀਫਿਕੇਟ ਪ੍ਰਾਪਤ ਕਰਨ ਲਈ ਨਗਰ ਨਿਗਮ ਦਫ਼ਤਰ ਜਾਣ ਦੀ ਜ਼ਰੂਰਤ ਖਤਮ ਹੋ ਜਾਵੇਗੀ।

ਇਹ ਵੀ ਪੜ੍ਹੋ- 25,000 ਰੁਪਏ ਰਿਸ਼ਵਤ ਲੈਂਦੇ ਪਟਵਾਰੀ ਯੂਨੀਅਨ ਦਾ ਜ਼ਿਲ੍ਹਾ ਪ੍ਰਧਾਨ ਗ੍ਰਿਫਤਾਰ

ਕਿਵੇਂ ਮਿਲੇਗਾ ਸਰਟੀਫਿਕੇਟ

ਬਿਨੈਕਾਰਾਂ ਨੂੰ ਪਹਿਲਾਂ ਆਗਰਾ ਨਗਰ ਨਿਗਮ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਕੇ ਆਪਣਾ ਮੋਬਾਈਲ ਨੰਬਰ ਦਰਜ ਕਰਨਾ ਪਵੇਗਾ ਅਤੇ OTP ਰਾਹੀਂ ਲੌਗਇਨ ਕਰਨਾ ਪਵੇਗਾ। ਫਿਰ, ਜਨਮ ਜਾਂ ਮੌਤ ਸਰਟੀਫਿਕੇਟ ਲਈ ਲੋੜੀਂਦੀ ਜਾਣਕਾਰੀ ਭਰਨੀ ਪਵੇਗਾ, ਜਿਵੇਂ ਕਿ ਨਾਮ, ਲਿੰਗ, ਜਨਮ ਜਾਂ ਮੌਤ ਮਿਤੀ, ਸਥਾਨ, ਜ਼ੋਨ, ਮਾਪਿਆਂ ਦਾ ਨਾਮ, ਆਧਾਰ ਨੰਬਰ ਅਤੇ ਪਤਾ।

ਅਰਜ਼ੀ ਜਮ੍ਹਾ ਹੁੰਦੇ ਹੀ ਤੁਹਾਨੂੰ ਇੱਕ ਐਪਲੀਕੇਸ਼ਨ ਆਈਡੀ ਪ੍ਰਾਪਤ ਹੋਵੇਗੀ। ਤੁਹਾਡੀ ਅਰਜ਼ੀ ਮਨਜ਼ੂਰ ਹੋਣ ਤੋਂ ਬਾਅਦ, ਸਰਟੀਫਿਕੇਟ ਸਿੱਧੇ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ WhatsApp ਰਾਹੀਂ PDF ਫਾਰਮੈਟ ਵਿੱਚ ਭੇਜਿਆ ਜਾਵੇਗਾ। ਆਈਟੀ ਅਧਿਕਾਰੀ ਗੌਰਵ ਸਿਨਹਾ ਨੇ ਸਮਝਾਇਆ ਕਿ ਜਾਂਚ ਕਰਨ ਲਈ SMS ਦੀ ਉਡੀਕ ਕਰਨ ਜਾਂ ਪੋਰਟਲ 'ਤੇ ਵਾਰ-ਵਾਰ ਲੌਗਇਨ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਸਰਟੀਫਿਕੇਟ ਸਿੱਧਾ WhatsApp 'ਤੇ ਆਵੇਗਾ ਅਤੇ ਇਸਨੂੰ ਡਾਊਨਲੋਡ ਅਤੇ ਪ੍ਰਿੰਟ ਕੀਤਾ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ- 10ਵੀਂ ਪਾਸ ਨੇ ਘਰ 'ਚ ਹੀ ਖੋਲ੍ਹੀ ਨਕਲੀ ਨੋਟਾਂ ਦੀ ਫੈਕਟਰੀ