ਅਫੀਮ ਖਾਂਦਿਆਂ ਬੀਕਾਨੇਰ ਦੀਆਂ ਕੁੜੀਆਂ ਨੇ ਬਣਾਈ ਰੀਲ, ਫਿਰ ਦੇਖੋ ਕੀ ਹੋਇਆ

ਨੈਸ਼ਨਲ ਡੈਸਕ - ਸੋਸ਼ਲ ਮੀਡੀਆ 'ਤੇ ਬੀਕਾਨੇਰ ਗਰਲ ਅਤੇ ਬੀਕਾਨੇਰ ਦੀ ਸ਼ੇਰਨੀਆ ਵਜੋਂ ਜਾਣੀਆਂ ਜਾਂਦੀਆਂ ਕੁੜੀਆਂ ਨੂੰ ਅਫੀਮ ਨਾਲ ਰੀਲ ਬਣਾਉਣਾ ਮਹਿੰਗਾ ਸਾਬਤ ਹੋਇਆ। ਪੁਲਸ ਨੇ ਇਨ੍ਹਾਂ ਲੜਕੀਆਂ ਖਿਲਾਫ ਕਾਰਵਾਈ ਕਰਦੇ ਹੋਏ ਅਫੀਮ ਬਰਾਮਦ ਕਰ ਲਈ ਹੈ ਅਤੇ ਹੁਣ ਇਨ੍ਹਾਂ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।

ਇੰਸਟਾਗ੍ਰਾਮ 'ਤੇ ਵਾਇਰਲ ਵੀਡੀਓ 'ਚ ਤਿੰਨ ਲੜਕੀਆਂ ਨਜ਼ਰ ਆ ਰਹੀਆਂ ਹਨ। ਇਨ੍ਹਾਂ ਵਿੱਚੋਂ ਦੋ ਭੈਣਾਂ ਹਨ। ਇੱਕ ਦੀ ਉਮਰ 21 ਸਾਲ, ਦੂਜੀ ਦੀ ਉਮਰ 18 ਸਾਲ ਅਤੇ ਤੀਜੀ ਲੜਕੀ ਵੀ ਉਨ੍ਹਾਂ ਦੀ ਰਿਸ਼ਤੇਦਾਰ ਹੈ, ਜੋ ਕਿ ਨਾਬਾਲਗ ਦੱਸੀ ਜਾਂਦੀ ਹੈ। ਪੁਲਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਤਿੰਨੋਂ ਅਫੀਮ ਦੀ ਵਰਤੋਂ ਕਰਦੇ ਨਜ਼ਰ ਆ ਰਹੇ ਹਨ। ਬੀਕਾਨੇਰ ਦੇ ਐਸ.ਪੀ. ਤੇਜਸਵਿਨੀ ਗੌਤਮ ਨੇ ਇਸ ਵੀਡੀਓ ਦਾ ਨੋਟਿਸ ਲੈਂਦਿਆਂ ਇਸ 'ਤੇ ਕਾਰਵਾਈ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।

200 ਗ੍ਰਾਮ ਅਫੀਮ ਬਰਾਮਦ
ਐਸ.ਐਚ.ਓ. ਸੁਰਿੰਦਰ ਪਾਚਰ ਨੇ ਦੱਸਿਆ ਕਿ ਬੀਕਾਨੇਰ ਦੇ ਬੱਲਭ ਗਾਰਡਨ ਵਾਸੀ ਦੋ ਲੜਕੀਆਂ ਕੋਲੋਂ 200 ਗ੍ਰਾਮ ਅਫੀਮ ਬਰਾਮਦ ਹੋਈ ਹੈ। ਦੋਵਾਂ ਨੇ ਅਫੀਮ ਨਾਲ ਰੀਲ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰ ਦਿੱਤੀ ਸੀ। ਦੋਵਾਂ ਦੀ ਪਛਾਣ ਮੋਨਿਕਾ ਰਾਜਪੁਰੋਹਿਤ (21) ਅਤੇ ਕਰਿਸ਼ਮਾ ਰਾਜਪੁਰੋਹਿਤ (18) ਵਜੋਂ ਹੋਈ ਹੈ। ਦੋਵੇਂ ਭੈਣਾਂ ਹਨ।

ਇੰਸਟਾ ਅਕਾਊਂਟ ਤੋਂ ਵੀਡੀਓ ਕੀਤਾ ਡਿਲੀਟ
ਪੁਲਸ ਨੇ ਦੱਸਿਆ ਕਿ ਵੀਡੀਓ ਦੇ ਕਾਫੀ ਵਾਇਰਲ ਹੋਣ ਤੋਂ ਬਾਅਦ ਇਸ ਨੂੰ ਇੰਸਟਾਗ੍ਰਾਮ ਅਕਾਊਂਟ ਤੋਂ ਡਿਲੀਟ ਕਰ ਦਿੱਤਾ ਗਿਆ ਹੈ। ਇਹ ਕੁੜੀਆਂ ਇੰਸਟਾਗ੍ਰਾਮ 'ਤੇ ਵੀ ਕਾਫੀ ਮਸ਼ਹੂਰ ਹਨ। ਇੰਸਟਾਗ੍ਰਾਮ 'ਤੇ ਉਸ ਦੇ ਲੱਖਾਂ ਫਾਲੋਅਰਜ਼ ਹਨ। ਉਸ ਨੇ ਆਪਣੇ ਇੰਸਟਾਗ੍ਰਾਮ ਪੇਜ 'ਤੇ ਕਈ ਤਰ੍ਹਾਂ ਦੇ ਡਾਇਲਾਗ ਪੋਸਟ ਕੀਤੇ ਹਨ। ਇਸ ਤੋਂ ਇਲਾਵਾ ਕਈ ਰੀਲਾਂ ਵੀ ਬਣਾਈਆਂ ਅਤੇ ਸਾਂਝੀਆਂ ਕੀਤੀਆਂ ਹਨ।