ਲਾਕਡਾਊਨ ਤੋਂ ਬਾਅਦ ਟਰੇਨਾਂ ਅਤੇ ਕਿਰਾਏ 'ਚ ਰੇਲਵੇ ਕਰੇਗਾ ਵੱਡੇ ਬਦਲਾਅ, ਬਣਾਇਆ ਇਹ ਪਲਾਨ
Friday, Apr 24, 2020 - 06:34 PM (IST)
ਨਵੀਂ ਦਿੱਲੀ - ਕੋਰੋਨਾ ਵਾਇਰਸ ਨੇ ਭਾਰਤ ਸਮੇਤ ਪੂਰੀ ਦੁਨੀਆ 'ਚ ਤਬਾਹੀ ਮਚਾ ਰੱਖੀ ਹੈ। ਮੋਦੀ ਸਰਕਾਰ ਨੇ ਇਸ ਜਾਨਲੇਵਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਦੇਸ਼ਵਿਆਪੀ ਲਾਕਡਾਊਨ ਕਰ ਰੱਖਿਆ ਹੈ। ਇਸ ਦੇ ਚਲਦੇ ਟਰੇਨ, ਮੈਟਰੋ, ਫਲਾਇਟ ਅਤੇ ਜਨਤਕ ਟ੍ਰਾਂਸਪੋਰਟ ਪੂਰੀ ਤਰ੍ਹਾਂ ਬੰਦ ਹਨ। ਇਹ ਲਾਕਡਾਊਨ 3 ਮਈ ਤੱਕ ਚੱਲੇਗਾ। ਇਸ 'ਚ ਰੇਲਵੇ ਨੇ ਲਾਕਡਾਊਨ ਤੋਂ ਬਾਅਦ ਕੁੱਝ ਸਪੇਸ਼ਲ ਟਰੇਨਾਂ ਚਲਾਉਣ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ।
ਸੂਤਰਾਂ ਮੁਤਾਬਕ ਲਾਕਡਾਊਨ ਖਤਮ ਹੋਣ ਤੋਂ ਬਾਅਦ ਸ਼ੁਰੁਆਤ 'ਚ ਕੁੱਝ ਸਪੈਸ਼ਲ ਯਾਤਰੀ ਟਰੇਨਾਂ ਨੂੰ ਚਲਾਉਣ ਦਾ ਪ੍ਰਸਤਾਵ ਹੈ। ਇਹ ਟਰੇਨਾਂ ਗਰੀਨ ਜੋਨ 'ਚ ਚਲਾਈਆਂ ਜਾਣਗੀਆਂ ਅਤੇ ਸਿਰਫ ਐਮਰਜੰਸੀ 'ਚ ਹੀ ਲੋਕਾਂ ਨੂੰ ਯਾਤਰਾ ਕਰਣ ਦੀ ਇਜਾਜ਼ਤ ਹੋਵੇਗੀ। ਹਾਲਾਂਕਿ ਕੰਟੇਨਮੇਂਟ ਜੋਨ ਅਤੇ ਹਾਟਸਪਾਟ ਇਲਾਕੇ 'ਚ ਕੋਈ ਯਾਤਰੀ ਟਰੇਨ ਨਹੀਂ ਚਲਾਈ ਜਾਵੇਗੀ।
ਇਨ੍ਹਾਂ ਸਪੈਸ਼ਲ ਟਰੇਨਾਂ ਦਾ ਕਿਰਾਇਆ ਵੀ ਕਾਫ਼ੀ ਜ਼ਿਆਦਾ ਰੱਖਿਆ ਜਾਵੇਗਾ, ਤਾਂਕਿ ਲੋਕ ਸਿਰਫ ਐਮਰਜੰਸੀ 'ਚ ਹੀ ਯਾਤਰਾ ਕਰਣ। ਇਸ ਤੋਂ ਪਹਿਲਾਂ ਰੇਲਵੇ ਸੀਨੀਅਰ ਸਿਟੀਜਨ, ਦਿਵਿਆਂਗਾਂ ਅਤੇ ਵਿਦਿਆਰਥੀਆਂ ਸਮੇਤ ਹੋਰਾਂ ਨੂੰ ਕਿਰਾਏ 'ਚ ਮਿਲਣ ਵਾਲੀ ਰਿਆਇਤ ਨੂੰ ਬੰਦ ਕਰ ਚੁੱਕਿਆ ਹੈ। ਰੇਲਵੇ ਦੀ ਕੋਸ਼ਿਸ਼ ਹੈ ਕਿ ਜਦੋਂ ਤੱਕ ਕੋਰੋਨਾ ਵਾਇਰਸ ਪੂਰੀ ਤਰ੍ਹਾਂ ਖਤਮ ਨਹੀਂ ਹੋ ਜਾਂਦਾ ਹੈ, ਤੱਦ ਤੱਕ ਘੱਟ ਤੋਂ ਘੱਟ ਲੋਕ ਹੀ ਯਾਤਰਾ ਕਰਣ।
ਰੇਲਵੇ ਸ਼ੁਰੁਆਤ 'ਚ ਸਿਰਫ ਸਲੀਪਰ ਟਰੇਨਾਂ ਹੀ ਚਲਾਏਗਾ। ਏ.ਸੀ. ਕੋਚ ਅਤੇ ਜਨਰਲ ਕੋਚ ਵਾਲੀਆਂ ਟਰੇਨਾਂ ਨਹੀਂ ਚਲਣਗੀਆਂ। ਇਨ੍ਹਾਂ ਟਰੇਨਾਂ ਤੋਂ ਮਿਡਲ ਬਰਥ ਨੂੰ ਵੀ ਹਟਾ ਦਿੱਤਾ ਗਿਆ ਹੈ। ਜਿਨ੍ਹਾਂ ਲੋਕਾਂ ਦਾ ਟਿਕਟ ਕੰਫਰਮ ਹੋਵੇਗਾ, ਉਹ ਲੋਕ ਹੀ ਯਾਤਰਾ ਕਰ ਸਕਣਗੇ। ਟਿਕਟ ਕੰਫਰਮ ਨਹੀਂ ਹੋਣ 'ਤੇ ਯਾਤਰਾ ਕਰਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਇਸ ਦੌਰਾਨ ਸੋਸ਼ਲ ਡਿਸਟੈਂਸਿੰਗ ਦਾ ਪੂਰਾ ਖਿਆਲ ਰੱਖਿਆ ਜਾਵੇਗਾ। ਰੇਲਵੇ ਨੇ ਕੋਰੋਨਾ ਵਾਇਰਸ ਤੋਂ ਨਜਿੱਠਣ ਲਈ ਪੰਜ ਹਜ਼ਾਰ ਆਇਸੋਲੇਸ਼ਨ ਬੈਡ ਵੀ ਬਣਾਏ ਹੈ। ਰੇਲ ਮੰਤਰਾਲਾ ਦੇ ਇੱਕ ਸੀਨੀਅਰ ਅਧਿਕਾਰੀ ਮੁਤਾਬਕ ਸਪੈਸ਼ਲ ਪਾਰਸਲ ਵੈਨ ਨੂੰ ਈ-ਕਾਮਰਸ ਸੰਸਥਾਵਾਂ ਅਤੇ ਰਾਜ ਸਰਕਾਰਾਂ ਸਹਿਤ ਹੋਰ ਗਾਹਕਾਂ ਦੁਆਰਾ ਵੱਡੇ ਪੈਮਾਨੇ 'ਤੇ ਟ੍ਰਾਂਸਪੋਰਟ ਲਈ ਉਪਲੱਬਧ ਕਰਾਇਆ ਗਿਆ ਸੀ।
