REEL ਬਣਾਉਣ ਦੇ ਚੱਕਰ 5 ਸਕੂਲੀ ਵਿਦਿਆਰਥੀਆਂ ਦੀ ਗਈ ਜਾਨ, ਸੋਗ ''ਚ ਡੁੱਬਾ ਪੂਰਾ ਪਿੰਡ

ਨੈਸ਼ਨਲ ਡੈਸਕ- ਬਿਹਾਰ ਦੇ ਗਯਾ ਜ਼ਿਲ੍ਹੇ 'ਚ ਵੀਰਵਾਰ ਨੂੰ ਦਰਦਨਾਕ ਹਾਦਸਾ ਵਾਪਰ ਗਿਆ। ਖਿਜਰਸਰਾਏ ਥਾਣਾ ਖੇਤਰ ਦੇ ਕੈਨੀ ਪੁਲ ਨੇੜੇ ਮੁੰਡੇ ਨਦੀ 'ਚ ਡੁੱਬ ਗਏ। ਇਹ ਸਾਰੇ ਨਦੀ ਕਿਨਾਰੇ ਵੀਡੀਓ (ਰੀਲ) ਬਣਾ ਰਹੇ ਸਨ। ਇਸੇ ਦੌਰਾਨ ਖੇਡ-ਖੇਡ 'ਚ ਡੁੰਘੇ ਪਾਣੀ 'ਚ ਚਲੇ ਗਏ ਅਤੇ ਡੁੱਬ ਗਏ। 

ਮੁੰਡਿਆਂ ਨੂੰ ਡੁੱਬਦੇ ਦੇਖ ਕੇ ਉਨ੍ਹਾਂ ਨੇ ਮਦਦ ਲਈ ਰੌਲਾ ਪਾਇਆ। ਰੌਲਾ ਸੁਣ ਕੇ ਆਸ-ਪਾਸ ਦੇ ਲੋਕ ਮੌਕੇ 'ਤੇ ਪਹੁੰਚੇ ਅਤੇ ਕਾਫ਼ੀ ਕੋਸ਼ਿਸ਼ਾਂ ਤੋਂ ਬਾਅਦ ਸਾਰਿਆਂ ਨੂੰ ਬਾਹਰ ਕੱਢਿਆ। ਉਨ੍ਹਾਂ ਨੂੰ ਤੁਰੰਤ ਬੇਲੰਗੰਜ ਪ੍ਰਾਇਮਰੀ ਹੈਲਥ ਸੈਂਟਰ ਲਿਜਾਇਆ ਗਿਆ। ਮੁੱਢਲੀ ਸਹਾਇਤਾ ਤੋਂ ਬਾਅਦ ਦੋ ਮੁੰਡਿਆਂ ਨੂੰ ਅਗਲੇ ਇਲਾਜ ਲਈ ਅਨੁਗ੍ਰਹਿ ਨਾਰਾਇਣ ਮਗਧ ਮੈਡੀਕਲ ਕਾਲਜ ਭੇਜਿਆ ਗਿਆ। 7 ਮੁੰਡਿਆਂ ਨੂੰ ਬੇਲੰਗੰਜ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਜਿਨ੍ਹਾਂ ਵਿੱਚੋਂ 5 ਦੀ ਮੌਤ ਹੋ ਗਈ। 2 ਦਾ ਇਸ ਸਮੇਂ ਇਲਾਜ ਚੱਲ ਰਿਹਾ ਹੈ।

ਰਿਪੋਰਟਾਂ ਅਨੁਸਾਰ, ਸਾਰੇ ਮੁੰਡੇ 11ਵੀਂ ਅਤੇ 12ਵੀਂ ਜਮਾਤ ਦੇ ਵਿਦਿਆਰਥੀ ਸਨ। ਸਕੂਲ ਤੋਂ ਵਾਪਸ ਆਉਣ ਤੋਂ ਬਾਅਦ, ਉਹ ਨਦੀ ਦੇ ਕੰਢੇ ਵੀਡੀਓ ਬਣਾਉਣ ਗਏ ਸਨ। ਇਸ ਹਾਦਸੇ ਨੇ ਪਿੰਡ ਨੂੰ ਸੋਗ ਵਿੱਚ ਡੁੱਬਾ ਦਿੱਤਾ ਅਤੇ ਪਰਿਵਾਰਕ ਮੈਂਬਰ ਬੇਹੋਸ਼ ਹੋ ਗਏ।

ਨੀਮੂਚਕ ਬਾਥਾਨੀ ਸਬ-ਡਿਵੀਜ਼ਨ ਦੇ ਐਸਡੀਐਮ ਕੇਸ਼ਵ ਆਨੰਦ ਨੇ ਕਿਹਾ ਕਿ ਘਟਨਾ ਦੀ ਰਿਪੋਰਟ ਸਰਕਲ ਅਫਸਰ ਅਤੇ ਸਟੇਸ਼ਨ ਹਾਊਸ ਅਫਸਰ ਦੁਆਰਾ ਕੀਤੀ ਗਈ ਸੀ। ਹੁਣ ਤੱਕ ਜਿਨ੍ਹਾਂ ਮੁੰਡਿਆਂ ਦੀ ਪਛਾਣ ਹੋਈ ਹੈ ਉਨ੍ਹਾਂ 'ਚ ਤੌਸੀਫ, ਜੈਸਿਫ, ਸਾਹਿਲ, ਜ਼ੈਮ, ਸੂਫੀਆਂ ਅਤੇ ਸਾਜਿਦ ਸ਼ਾਮਲ ਹਨ।