ਕਾਸ਼ ਰੱਬਾ ਮੇਰੇ ਧੀ ਹੋਜੇ
Monday, Dec 10, 2018 - 04:27 PM (IST)
ਕਾਸ਼ ਰੱਬਾ ਮੇਰੇ ਧੀ ਹੋਜੇ
ਮੈਂ ਪੁੱਤ-ਪੁੱਤ ਕਹਿ ਬੁਲਾਵਾਂਗਾ
ਪੁੱਤਾਂ ਵਾਂਗ ਪਾਲੂ ਓਹਨੂੰ
ਮੈਂ ਵਾਹ ਵਾ ਲਾਡ ਲਡਾਵਾਂਗਾ
ਲੋਕੀ ਵੰਡਦੇ ਲੋਹੜੀ ਮੁੰਡਿਆਂ ਦੀ
ਮੈਂ ਧੀ ਦੀ ਵੰਡ ਦਿਖਾਵਾਂਗਾ
ਖਿਡੋਣਿਆਂ ਦੀ ਥਾਂ ਹੱਥਿਆਰ ਦੇਉਂ
ਓਹਨੂੰ ਸ਼ੱਸਤਰ ਵਿੱਦਿਆ ਸਖਾਵਾਂਗਾ
ਓਹਦੀ ਇੱਜ਼ਤ 'ਤੇ ਜੇ ਆਣ ਬਣੇ
ਓਹ ਖੁੱਦ ਲੜੇ ਐਸਾ ਹਿਰਦਾ ਪਾਵਾਂਗਾ
ਕੋਈ ਨਾ ਓਹਨੂੰ ਮਾਤ ਪਾ ਸਕੇ
ਐਨਾ ਓਹਨੂੰ ਪੜਾਵਾਂਗਾ
ਮੇਰੇ ਬਿਨ ਨਾ ਸਾਹ ਲਵੇ
ਐਸਾ ਬਾਪੂ ਬਣ ਦਿਖਾਵਾਂਗਾ
ਘਰ ਦੀ ਸਾਰੀ ਜ਼ਿੰਮੇਵਾਰੀ ਦੇ ਕੇ
ਆਪ ਫਰੀ ਹੋ ਜਾਵਾਂਗਾ
ਜੇ ਕਰੇ ਓਹਨੂੰ ਕੋਈ ਪਿਆਰ ਸੱਚਾ
ਮੈਂ ਆਪ ਸਾਕ ਕਰਾਵਾਂਗਾ
“ਜੱਸ'' ਖੰਨੇ ਵਾਲੀ ਦੀ ਰੱਬਾ
ਹੋਰ ਨਾ ਫਾਲਤੂ ਖਵਾਇਸ਼ ਕੌਈ
ਪਹਿਲੀ ਔਲਾਦ ਜੇ ਧੀ ਹੋਜੇ
ਮੈਂ ਤੇਰਾ ਲੱਖ-ਲੱਖ ਸ਼ੁੱਕਰ ਮਨਾਵਾਂਗਾ
ਜੱਸ ਖੰਨੇ ਵਾਲਾ
9914926342
