ਲੁਧਿਆਣਾ ''ਚ ਭਲਕੇ ਸਜਾਈ ਜਾਵੇਗੀ ਭਗਵਾਨ ਜਗਨਨਾਥ ਰੱਥ ਯਾਤਰਾ, ਕਈ ਪਰਿਵਾਰਾਂ ਨੇ ਕੀਤੀ ਆਰਤੀ

ਲੁਧਿਆਣਾ, (ਸੋਨੂੰ): ਭਗਵਾਨ ਜਗਨਨਾਥ ਰੱਥ ਯਾਤਰਾ ਉਤਸਵ ਕਮੇਟੀ, ਇਸਕੋਨ ਲੁਧਿਆਣਾ ਤੇ ਕੁਰੂਕਸ਼ੇਤਰ ਦੇ ਸਹਿਯੋਗ ਨਾਲ 16 ਜੁਲਾਈ ਨੂੰ ਸ਼ਾਮ 4 ਵਜੇ ਜਗਰਾਉਂ ਪੁਲ ਦੇ ਨੇੜੇ ਸ਼੍ਰੀ ਦੁਰਗਾ ਮਾਤਾ ਮੰਦਰ ਤੋਂ ਅੰਤਰਰਾਸ਼ਟਰੀ ਪੱਧਰ 'ਤੇ 30ਵੀਂ ਵਿਸ਼ਾਲ ਭਗਵਾਨ ਜਗਨਨਾਥ ਰੱਥ ਯਾਤਰਾ ਦਾ ਆਯੋਜਨ ਕਰੇਗੀ। ਰੱਥ ਯਾਤਰਾ ਦੇ ਸ਼ੁਭ ਮੌਕੇ 'ਤੇ ਸਰਵਸ਼ਕਤੀਮਾਨ ਭਗਵਾਨ ਸ਼੍ਰੀ ਹਰੀ ਦੇ ਸਭ ਤੋਂ ਦਿਆਲੂ ਰੂਪ ਭਗਵਾਨ ਜਗਨਨਾਥ, ਭਰਾ ਬਲਦੇਵ ਅਤੇ ਭੈਣ ਸੁਭੱਦਰਾ ਦੇ ਨਾਲ ਫਿਰੋਜ਼ਪੁਰ ਰੋਡ 'ਤੇ ਮਹਾਰਾਜਾ ਗ੍ਰੈਂਡ ਵਿਖੇ ਇੱਕ ਵਿਸ਼ਾਲ ਫੁੱਲਾਂ ਵਾਲੇ ਬੰਗਲੇ ਵਿੱਚ ਸੁਸ਼ੋਭਿਤ ਹਨ।
ਕਈ ਪਰਿਵਾਰਾਂ ਨੇ ਭਗਵਾਨ ਦੀਆਂ ਦਿਵਿਆਵੀ ਮੂਰਤੀਆਂ ਦੀ ਸ਼ੁਭ ਆਰਤੀ ਕੀਤੀ। ਇਸ ਮੌਕੇ ਕਮੇਟੀ ਦੇ ਪ੍ਰਧਾਨ ਰਾਜੇਸ਼ ਢਾਂਡਾ, ਪ੍ਰਧਾਨ ਸਤੀਸ਼ ਗੁਪਤਾ, ਵਾਈਸ ਚੇਅਰਮੈਨ ਸੁਖਦਰਸ਼ਨ ਜੈਨ ਭੋਲਾ, ਦੀਪਕ ਜੈਨ, ਮਦਨ ਗੋਇਲ, ਜਨਰਲ ਸਕੱਤਰ ਐਡਵੋਕੇਟ ਸੰਜੀਵ ਸੂਦ ਬਾਂਕਾ, ਸਕੱਤਰ ਐਡਵੋਕੇਟ ਅਨਿਲ ਸਲੂਜਾ, ਪ੍ਰਦੀਪ ਗੱਬੀ ਸ਼ਰਮਾ, ਮੀਤ ਪ੍ਰਧਾਨ ਵਿਪਨ ਸੂਦ ਕਾਕਾ, ਸੁਰਿੰਦਰ ਨਈਅਰ ਬਿੱਟੂ, ਸੰਜੇ ਜੈਨ ਬਰਨਾਲਾ, ਬੋਬੀ ਵਰਕੇਟ, ਬੋਬੀ ਸ਼ਰਮਾ ਪਰਿਵਾਰਾਂ ਦਾ ਸਵਾਗਤ ਕੀਤਾ।