ਏਅਰ ਇੰਡੀਆ ਦੀ ਨਵੀਂ ਫਲਾਈਟ ਸ਼ੁਰੂ

ਚੰਡੀਗੜ੍ਹ (ਲਲਨ)-ਏਅਰ ਇੰਡੀਆ ਨੇ ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਇਕ ਨਵੀਂ ਫਲਾਈਟ ਸ਼ੁਰੂ ਕੀਤੀ ਹੈ। ਏ. ਟੀ. ਆਰ. ਏਅਰਕਰਾਫਟ 70 ਸੀਟਾਂ ਵਾਲਾ ਹੈ, ਜੋ ਕਿ 29 ਅਗਸਤ ਤੋਂ ਚੰਡੀਗੜ੍ਹ-ਦਿੱਲੀ ਵਿਚਕਾਰ ਚੱਲੇਗਾ। ਏਅਰ ਇੰਡੀਆ ਦੇ ਸਟੇਸ਼ਨ ਮੈਨੇਜਰ ਐੱਮ. ਆਰ. ਜਿੰਦਲ ਨੇ ਦੱਸਿਆ ਕਿ ਏ. ਆਈ. 9831 ਦਿੱਲੀ ਏਅਰਪੋਰਟ ਤੋਂ ਸ਼ਾਮ ਸਵਾ 6 ਵਜੇ ਉਡਾਣ ਭਰੇਗੀ ਅਤੇ ਸ਼ਾਮ 7:25 ਵਜੇ ਚੰਡੀਗੜ੍ਹ ਏਅਰਪੋਰਟ 'ਤੇ ਲੈਂਡਿੰਗ ਕਰੇਗੀ। ਉਥੇ ਹੀ ਚੰਡੀਗੜ੍ਹ ਏਅਰਪੋਰਟ ਤੋਂ ਇਹ ਫਲਾਈਟ (ਏ. ਆਈ. 9832) ਸ਼ਾਮ ਨੂੰ 7:50 ਵਜੇ ਉਡਾਣ ਭਰੇਗੀ ਅਤੇ ਰਾਤ ਨੂੰ 8:50 ਵਜੇ ਦਿੱਲੀ ਏਅਰਪੋਰਟ 'ਤੇ ਲੈਂਡ ਹੋਵੇਗੀ। ਜਿੰਦਲ ਨੇ ਦੱਸਿਆ ਕਿ ਇਹ ਫਲਾਈਟ ਹਫਤੇ ਦੇ ਸੱਤ ਦਿਨ ਚੱਲੇਗੀ।