ਜਰਮਨੀ ਦੀ ਬੇਜਰਿਕ ਚੋਣ ਲੜਨਗੇ ਅੰਮ੍ਰਿਤਸਰ ਦੇ ਪ੍ਰਮੋਦ, ਪਹਿਲਾਂ ਇਥੇ ਹੋਟਲ 'ਚ ਕੁੱਕ ਵਜੋਂ ਕਰਦੇ ਸੀ ਕੰਮ
06/07/2024 6:12:30 PM
![](https://static.jagbani.com/multimedia/2024_5image_16_38_450119717electionn.jpg)
ਅੰਮ੍ਰਿਤਸਰ- ਭਾਰਤ 'ਚ ਲੋਕ ਸਭਾ ਚੋਣਾਂ ਖ਼ਤਮ ਹੋਣ ਦੇ ਨਾਲ ਹੀ ਜਰਮਨੀ ਵਿੱਚ ਚੋਣ ਸਰਗਰਮੀਆਂ ਤੇਜ਼ ਹੋ ਗਈਆਂ ਹਨ। ਹੈਮਬਰਗ ਸੂਬੇ ਦੀ ਬੇਜਰਿਕ (ਇਕ ਸਦਨ ਵਾਲੀ ਅਸੈਂਬਲੀ) ਲਈ ਚੋਣਾਂ 9 ਜੂਨ ਨੂੰ ਹੋਣ ਜਾ ਰਹੀਆਂ ਹਨ। ਇਹ ਖ਼ਾਸ ਹੈ ਕਿਉਂਕਿ ਕ੍ਰਿਸ਼ਚੀਅਨ ਡੈਮੋਕ੍ਰੇਟਿਕ ਯੂਨੀਅਨ ਦੀ ਟਿਕਟ 'ਤੇ ਚੋਣ ਲੜਨ ਵਾਲੇ ਪ੍ਰਮੋਦ ਕੁਮਾਰ ਅੰਮ੍ਰਿਤਸਰ ਤੋਂ ਹਨ। ਪਹਿਲੀ ਵਾਰ ਗੁਰੂ ਨਗਰੀ ਦਾ ਕੋਈ ਵਿਅਕਤੀ ਜਰਮਨ ਚੋਣਾਂ ਵਿੱਚ ਨੁਮਾਇੰਦਗੀ ਕਰ ਰਿਹਾ ਹੈ। ਪ੍ਰਮੋਦ ਨੇ ਭਾਰਤ ਅਤੇ ਜਰਮਨੀ ਵਿਚਕਾਰ ਵਪਾਰਕ, ਸੱਭਿਆਚਾਰਕ ਅਦਾਨ-ਪ੍ਰਦਾਨ, ਸਥਾਨਕ ਲੋਕਾਂ ਦੇ ਨਾਲ-ਨਾਲ ਭਾਰਤ ਦੇ ਲੋਕਾਂ ਨੂੰ ਸਹੂਲਤਾਂ ਪ੍ਰਦਾਨ ਕਰਨ ਨੂੰ ਆਪਣੇ ਏਜੰਡੇ ਵਿੱਚ ਸ਼ਾਮਲ ਕੀਤਾ ਹੈ।
ਇਹ ਵੀ ਪੜ੍ਹੋ- ਕੰਗਨਾ ਰਣੌਤ ਦੇ ਮਾਮਲੇ 'ਚ SGPC ਦਾ ਬਿਆਨ ਆਇਆ ਸਾਹਮਣੇ
ਜਰਮਨ ਚੋਣਾਂ 'ਚ ਪਹਿਲੀ ਵਾਰ ਗੁਰੂ ਨਗਰੀ ਤੋਂ ਨੁਮਾਇੰਦਗੀ
ਪ੍ਰਮੋਦ ਕੁਮਾਰ ਜਰਮਨੀ ਵਿੱਚ ਸੈਟਲ ਹੈ। ਉਹ ਸਮਾਜ ਸੇਵਾ ਵਿੱਚ ਵੀ ਮੋਹਰੀ ਭੂਮਿਕਾ ਨਿਭਾਉਂਦੇ ਹਨ। ਹਰ ਹਫ਼ਤੇ 200 ਤੋਂ ਵੱਧ ਲੋਕਾਂ ਨੂੰ ਮੁਫ਼ਤ ਰਾਸ਼ਨ ਵੰਡਦੇ ਹਾਂ। ਉਨ੍ਹਾਂ ਦਾ ਪਰਿਵਾਰ ਹਾਲ ਬਜ਼ਾਰ ਵਿੱਚ ਰਹਿੰਦਾ ਸੀ। ਪ੍ਰਮੋਦ ਕੁਮਾਰ ਦਾ ਜਨਮ ਤੋਂ ਹੀ ਇੱਥੇ ਪਾਲਨ ਪੋਸ਼ਨ ਹੋਇਆ। ਇਸ ਤੋਂ ਬਾਅਦ ਪਰਿਵਾਰ ਗੁਰਾਇਆ ਆ ਗਿਆ ਅਤੇ ਫਿਰ 1991 ਵਿੱਚ ਜਰਮਨੀ ਆ ਗਿਆ। ਸੰਘਰਸ਼ ਦੇ ਦਿਨਾਂ ਦੀ ਗੱਲ ਕਰਦਿਆਂ ਪ੍ਰਮੋਦ ਨੇ ਦੱਸਿਆ ਕਿ ਪਹਿਲਾਂ ਉਹ ਇੱਕ ਹੋਟਲ ਵਿੱਚ ਖਾਣਾ ਬਣਾਉਂਦਾ ਸੀ ਅਤੇ ਭਾਂਡੇ ਵੀ ਧੋਂਦਾ ਸੀ ਪਰ ਹੁਣ ਉਹ ਕਾਰੋਬਾਰੀ ਹੈ, ਜਿੱਥੇ 120 ਲੋਕ ਕੰਮ ਕਰਦੇ ਹਨ। ਜਿਸ ਤਰ੍ਹਾਂ ਭਾਰਤ ਵਿੱਚ ਐੱਮ. ਐੱਲ. ਏ. ਦੀਆਂ ਚੋਣਾਂ ਹੁੰਦੀਆਂ ਹਨ, ਉਸੇ ਤਰ੍ਹਾਂ ਇੱਥੇ ਹੈਮਬਰਗ ਰਾਜ ਵਿੱਚ ਬੇਜਰਿਕ ਚੋਣਾਂ ਹੁੰਦੀਆਂ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਚੋਣ ਵਿਚ ਉਹ ਦੱਖਣੀ ਏਸ਼ੀਆਈ ਦੇਸ਼ਾਂ ਜਿਵੇਂ ਭਾਰਤ, ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਆਦਿ ਦੇ 1 ਲੱਖ 20 ਹਜ਼ਾਰ ਲੋਕਾਂ ਦੇ ਨੁਮਾਇੰਦੇ ਹਨ ਅਤੇ ਸਥਾਨਕ ਲੋਕਾਂ ਦਾ ਵੀ ਪੂਰਾ ਸਮਰਥਨ ਹੈ। ਉਹ ਵਿਦੇਸ਼ ਵਿੱਚ ਹੈ ਪਰ ਉਹ ਅਜੇ ਵੀ ਆਪਣੀ ਜਨਮ ਭੂਮੀ ਨਾਲ ਜੁੜਿਆ ਹੋਇਆ ਹੈ।
ਇਹ ਵੀ ਪੜ੍ਹੋ- ਨਾਬਾਲਗ ਕੁੜੀ ਨੂੰ ਜ਼ਰੂਰੀ ਗੱਲ ਕਰਨ ਬਹਾਨੇ ਕੀਤਾ ਅਗਵਾ, ਬਾਅਦ 'ਚ ਉਹ ਹੋਇਆ, ਜੋ ਸੋਚਿਆ ਵੀ ਨਾ ਸੀ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8