ਟੂ-ਟੋਨ ਸ਼ਿਮਰੀ ਸਾੜ੍ਹੀ ਬਣੀ ਮੁਟਿਆਰਾਂ ਦੀ ਨਵੀਂ ਪਸੰਦ

ਵੈੱਬ ਡੈਸਕ- ਭਾਰਤੀ ਪਹਿਰਾਵੇ ’ਚ ਸਾੜ੍ਹੀ ਸਦੀਆਂ ਤੋਂ ਔਰਤਾਂ ਦੀ ਲੋਕਪ੍ਰਿਯ ਵਸਤੂ ਰਹੀ ਹੈ। ਖਾਸ ਮੌਕਿਆਂ ’ਤੇ ਸਾੜ੍ਹੀ ਪਹਿਨ ਕੇ ਔਰਤਾਂ ਆਪਣੀ ਸੁੰਦਰਤਾ ਅਤੇ ਪ੍ਰੰਪਰਾ ਨੂੰ ਇਕੱਠਿਆਂ ਨਿਖਾਰਦੀਆਂ ਹਨ। ਅੱਜ-ਕੱਲ੍ਹ ਫੈਸ਼ਨ ਦੀ ਦੁਨੀਆ ’ਚ ਨਵੇਂ-ਨਵੇਂ ਟ੍ਰੈਂਡ ਆ ਰਹੇ ਹਨ ਪਰ ਕੁਝ ਟ੍ਰੈਂਡ ਅਜਿਹੇ ਹਨ ਜੋ ਮੁਟਿਆਰਾਂ ਦੇ ਦਿਲ ਨੂੰ ਛੂਹ ਲੈਂਦੇ ਹਨ। ਇਨ੍ਹਾਂ ’ਚੋਂ ਇਕ ਹੈ ਟੂ-ਟੋਨ ਸ਼ਿਮਰੀ ਸਾੜ੍ਹੀ। ਇਹ ਸਾੜ੍ਹੀ ਨਾ ਸਿਰਫ ਦੇਖਣ ’ਚ ਬਹੁਤ ਆਕਰਸ਼ਕ ਅਤੇ ਟ੍ਰੈਂਡੀ ਹੈ, ਸਗੋਂ ਇਸ ਨੂੰ ਪਹਿਨਣ ਵਾਲੀਆਂ ਮੁਟਿਆਰਾਂ ਖੁਦ ਨੂੰ ਕਾਫੀ ਸਪੈਸ਼ਲ ਅਤੇ ਕਾਨਫੀਡੈਂਟ ਮਹਿਸੂਸ ਕਰਦੀਆਂ ਹਨ। ਟੂ-ਟੋਨ ਸ਼ਿਮਰੀ ਸਾੜ੍ਹੀ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸ ਦਾ ਦੋ ਰੰਗਾਂ ਦਾ ਸੁਮੇਲ (ਕੰਬੀਨੇਸ਼ਨ) ਅਤੇ ਸ਼ਿਮਰੀ ਫਿਨਿਸ਼ ਹੈ। ਜਦੋਂ ਸਾੜ੍ਹੀ ਹਿੱਲਦੀ ਹੈ ਜਾਂ ਬਾਡੀ ਮੂਵਮੈਂਟ ਹੁੰਦੀ ਹੈ, ਤਾਂ ਦੋਵੇਂ ਟੋਨ ਵੱਖ-ਵੱਖ ਚਮਕ ਦਿਖਾਉਂਦੇ ਹਨ। ਸ਼ਿਮਰੀ ਕਾਰਨ ਇਹ ਸਾੜ੍ਹੀ ਦਿਨ ਦੇ ਫੰਕਸ਼ਨ ’ਚ ਵੀ ਚਮਕਦੀ ਹੈ ਅਤੇ ਰਾਤ ਦੀ ਪਾਰਟੀ ਜਾਂ ਵੈਡਿੰਗ ’ਚ ਤਾਂ ਹੋਰ ਵੀ ਜ਼ਿਆਦਾ ਜਗਮਗਾਉਂਦੀ ਹੈ। ਲਾਈਟਵੇਟ ਫੈਬਰਿਕ ਜਿਵੇਂ ਸਿਲਕ, ਸ਼ਿਫੌਨ ਜਾਂ ਜਾਰਜੈੱਟ ’ਚ ਉਪਲਬਧ ਹੋਣ ਕਾਰਨ ਇਹ ਸਾੜ੍ਹੀ ਪੂਰਾ ਦਿਨ ਪਹਿਨਣ ’ਚ ਬੇਹੱਦ ਆਰਾਮਦਾਇਕ ਹੁੰਦੀ ਹੈ। ਭਾਰੀ ਸਾੜ੍ਹੀਆਂ ਤੋਂ ਥਕਾਵਟ ਮਹਿਸੂਸ ਕਰਨ ਵਾਲੀਆਂ ਮੁਟਿਆਰਾਂ ਹੁਣ ਇਨ੍ਹਾਂ ਲਾਈਟਵੇਟ ਟੂ-ਟੋਨ ਸ਼ਿਮਰੀ ਸਾੜ੍ਹੀਆਂ ਨੂੰ ਪਹਿਲ ਦੇ ਰਹੀਆਂ ਹਨ, ਕਿਉਂਕਿ ਇਨ੍ਹਾਂ ਨੂੰ ਆਸਾਨੀ ਨਾਲ ਕੈਰੀ ਕੀਤਾ ਜਾ ਸਕਦਾ ਹੈ ਅਤੇ ਪੂਰਾ ਦਿਨ ਸਟਾਈਲਿਸ਼ ਲੁੱਕ ਬਰਕਰਾਰ ਰਹਿੰਦੀ ਹੈ।

ਟ੍ਰੈਂਡਿੰਗ ਕਲਰ ਕੰਬੀਨੇਸ਼ਨ ਦੀ ਗੱਲ ਕਰੀਏ ਤਾਂ ਮੁਟਿਆਰਾਂ ਰੈੱਡ-ਮੈਰੂਨ, ਰੈੱਡ-ਗੋਲਡਨ, ਮੈਰੂਨ-ਗੋਲਡਨ, ਬਲੂ-ਗੋਲਡਨ, ਗ੍ਰੀਨ-ਗੋਲਡਨ, ਪਰਪਲ-ਗੋਲਡਨ, ਪਰਪਲ-ਸਿਲਵਰ, ਬਲੈਕ-ਸਿਲਵਰ ਅਤੇ ਬਲੈਕ-ਗੋਲਡਨ ਵਰਗੀਆਂ ਟੂ-ਟੋਨ ਸ਼ਿਮਰੀ ਸਾੜ੍ਹੀਆਂ ਨੂੰ ਕਾਫੀ ਪਸੰਦ ਕਰ ਰਹੀਆਂ ਹਨ। ਇਹ ਰੰਗ ਨਾ ਸਿਰਫ ਆਕਰਸ਼ਕ ਹਨ ਸਗੋਂ ਹਰ ਉਮਰ ਅਤੇ ਹਰ ਸਕਿਨ ਟੋਨ ਵਾਲੀਆਂ ਔਰਤਾਂ ’ਤੇ ਖੂਬ ਜੱਚਦੇ ਹਨ। ਗੋਲਡਨ ਅਤੇ ਸਿਲਵਰ ਦੀ ਸ਼ਿਮਰੀ ਇਨ੍ਹਾਂ ਸਾੜ੍ਹੀਆਂ ਨੂੰ ਇਕ ਲਗਜ਼ਰੀ ਅਤੇ ਗਲੈਮਰਸ ਲੁੱਕ ਦਿੰਦੀ ਹੈ, ਜਿਸ ਨਾਲ ਕੋਈ ਵੀ ਮੁਟਿਆਰ ਕਿਸੇ ਵੀ ਫੰਕਸ਼ਨ ’ਚ ਸਾਰਿਆਂ ਦੀਆਂ ਨਜ਼ਰਾਂ ਦਾ ਕੇਂਦਰ ਬਣ ਜਾਂਦੀ ਹੈ। ਇਨ੍ਹਾਂ ਸਾੜ੍ਹੀਆਂ ਨੂੰ ਸਟਾਈਲ ਕਰਨ ਦਾ ਤਰੀਕਾ ਵੀ ਕਾਫੀ ਆਸਾਨ ਅਤੇ ਮਾਡਰਨ ਹੈ। ਮੁਟਿਆਰਾਂ ਇਨ੍ਹਾਂ ਨੂੰ ਮਿਨੀਮਲ ਜਿਊਲਰੀ ਨਾਲ ਪਹਿਨਣਾ ਪਸੰਦ ਕਰਦੀਆਂ ਹਨ। ਹਲਕੀ ਗੋਲਡਨ ਜਿਊਲਰੀ ਇਨ੍ਹਾਂ ਸਾੜ੍ਹੀਆਂ ਦੇ ਨਾਲ ਪਰਫੈਕਟ ਮੈਚ ਕਰਦੀ ਹੈ। ਕੁਝ ਔਰਤਾਂ ਸਾੜ੍ਹੀ ਦੇ ਕਲਰ ਨਾਲ ਮੈਚਿੰਗ ਜਿਊਲਰੀ ਵੀ ਚੁਣਦੀਆਂ ਹਨ। ਅਸੈਸਰੀਜ਼ ਦੀ ਗੱਲ ਕਰੀਏ ਤਾਂ ਸ਼ਿਮਰੀ ਕਲੱਚ ਬੈਗ ਇਨ੍ਹਾਂ ਸਾੜ੍ਹੀਆਂ ਦੇ ਨਾਲ ਬਹੁਤ ਟ੍ਰੈਂਡੀ ਲੱਗਦਾ ਹੈ।

ਹੇਅਰ ਸਟਾਈਲ ’ਚ ਓਪਨ ਹੇਅਰ, ਸਾਫਟ ਵੇਵਜ਼ ਜਾਂ ਹਲਕਾ ਜਿਹਾ ਹੇਅਰਡੂ (ਜੂੜਾ) ਮੁਟਿਆਰਾਂ ਦਾ ਮਨਪਸੰਦ ਆਪਸ਼ਨ ਹੈ। ਫੁੱਟਵੀਅਰ ’ਚ ਹਾਈ ਹੀਲਜ਼, ਪਲੇਟਫਾਰਮ ਹੀਲ ਸੈਂਡਲ ਜਾਂ ਸਟਾਈਲਿਸ਼ ਫਲੈਟਸ ਦੇ ਨਾਲ ਇਹ ਸਾੜ੍ਹੀਆਂ ਬੇਹੱਦ ਐਲੀਗੈਂਟ ਲੱਗਦੀਆਂ ਹਨ। ਟੂ-ਟੋਨ ਸ਼ਿਮਰੀ ਸਾੜ੍ਹੀ ਦੀ ਲੋਕਪ੍ਰਿਯਤਾ ਦਾ ਸਭ ਤੋਂ ਵੱਡਾ ਕਾਰਨ ਇਹ ਹੈ ਕਿ ਇਹ ਪ੍ਰੰਪਰਾ ਅਤੇ ਮਾਡਰਨ ਫੈਸ਼ਨ ਦਾ ਬਿਹਤਰੀਨ ਮਿਸ਼ਰਣ ਹੈ। ਇਕ ਪਾਸੇ ਇਹ ਭਾਰਤੀ ਸੱਭਿਆਚਾਰ ਨੂੰ ਬਣਾਈ ਰੱਖਦੀ ਹੈ, ਦੂਜੇ ਪਾਸੇ ਨੌਜਵਾਨ ਪੀੜ੍ਹੀ ਦੀਆਂ ਸਟਾਈਲਿਸ਼ ਜ਼ਰੂਰਤਾਂ ਨੂੰ ਪੂਰਾ ਕਰਦੀ ਹੈ। ਅੱਜ-ਕੱਲ੍ਹ ਸੋਸ਼ਲ ਮੀਡੀਆ ’ਤੇ ਵੀ ਮੁਟਿਆਰਾਂ ਇਨ੍ਹਾਂ ਸਾੜ੍ਹੀਆਂ ਨੂੰ ਪਹਿਨ ਕੇ ਰੀਲਸ ਅਤੇ ਫੋਟੋਆਂ ਸ਼ੇਅਰ ਕਰ ਰਹੀਆਂ ਹਨ, ਜਿਸ ਨਾਲ ਇਹ ਟ੍ਰੈਂਡ ਹੋਰ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਭਾਵੇਂ ਕੋਈ ਵਿਆਹ ਦਾ ਫੰਕਸ਼ਨ ਹੋਵੇ, ਮਹਿੰਦੀ, ਸੰਗੀਤ ਜਾਂ ਕੋਈ ਕਾਰਪੋਰੇਟ ਇਵੈਂਟ, ਟੂ-ਟੋਨ ਸ਼ਿਮਰੀ ਸਾੜ੍ਹੀ ਹਰ ਜਗ੍ਹਾ ਪਰਫੈਕਟ ਚੁਆਇਸ ਸਾਬਤ ਹੋ ਰਹੀ ਹੈ। ਲਾਈਟਵੇਟ ਹੋਣ, ਚਮਕਦਾਰ ਲੁੱਕ ਦੇਣ ਅਤੇ ਆਸਾਨੀ ਨਾਲ ਸਟਾਈਲ ਕੀਤੇ ਜਾਣ ਦੀ ਵਜ੍ਹਾ ਨਾਲ ਇਹ ਮੁਟਿਆਰਾਂ ਦੀ ਟਾਪ ਪਸੰਦ ਬਣ ਚੁੱਕੀ ਹੈ। ਕਿਸੇ ਸਪੈਸ਼ਲ ਮੌਕੇ ’ਤੇ ਵੱਖਰੀ ਅਤੇ ਯਾਦਗਾਰ ਲੁੱਕ ਲਈ ਟੂ-ਟੋਨ ਸ਼ਿਮਰੀ ਸਾੜ੍ਹੀ ਮੁਟਿਆਰਾਂ ਦੀ ਫੇਵਰੇਟ ਬਣੀ ਹੋਈ ਹੈ। ਇਹ ਨਾ ਸਿਰਫ ਸੁੰਦਰਤਾ ਵਧਾਉਂਦੀ ਹੈ, ਸਗੋਂ ਮੁਟਿਆਰਾਂ ਨੂੰ ਪੂਰਾ ਦਿਨ ਕਾਨਫੀਡੈਂਟ ਅਤੇ ਕੰਫਰਟੇਬਲ ਵੀ ਫੀਲ ਕਰਵਾਉਂਦੀ ਹੈ।