ਮੁਟਿਆਰਾਂ ਨੂੰ ਸਟਾਈਲਿਸ਼ ਅਤੇ ਕਾਨਫੀਡੈਂਟ ਲੁਕ ਦੇ ਰਹੇ ਲੈਸ-ਅਪ ਬੂਟ

ਵੈੱਬ ਡੈਸਕ- ਫੈਸ਼ਨ ਦੀ ਦੁਨੀਆ ’ਚ ਫੁੱਟਵੀਅਰ ਸਿਰਫ਼ ਪੈਰਾਂ ਦੀ ਸੁਰੱਖਿਆ ਨਹੀਂ ਕਰਦੇ, ਸਗੋਂ ਪੂਰੇ ਆਊਟਫਿੱਟ ਨੂੰ ਇਕ ਨਵੀਂ ਦਿੱਖ ਦਿੰਦੇ ਹਨ। ਭਾਰਤੀ ਮੁਟਿਆਰਾਂ ਅੱਜਕੱਲ ਲੈਸ-ਅਪ ਬੂਟਾਂ ਨੂੰ ਆਪਣੇ ਸਟਾਈਲ ਦਾ ਲਾਜ਼ਮੀ ਹਿੱਸਾ ਬਣਾ ਰਹੀਆਂ ਹਨ। ਇਹ ਬੂਟ ਨਾ ਸਿਰਫ ਟ੍ਰੈਂਡੀ ਹਨ, ਸਗੋਂ ਇੰਡੀਅਨ ਐਥਨਿਕ ਲੁਕ ਤੋਂ ਲੈ ਕੇ ਵੈਸਟਰਨ ਆਊਟਫਿੱਟਸ ਤੱਕ ਹਰ ਸਟਾਈਲ ਨਾਲ ਸ਼ਾਨਦਾਰ ਤਰੀਕੇ ਨਾਲ ਮੈਚ ਕਰਦੇ ਹਨ। ਭਾਵੇਂ ਕੈਜ਼ੂਅਲ ਰੁਟੀਨ ਹੋਵੇ ਜਾਂ ਪਾਰਟੀ, ਫੋਟੋਸ਼ੂਟ ਜਾਂ ਕੈਫੇ ਹੈਂਗਆਊਟ, ਲੈਸ-ਅਪ ਬੂਟ ਪਹਿਨ ਕੇ ਮੁਟਿਆਰਾਂ ਖੁਦ ਨੂੰ ਜ਼ਿਆਦਾ ਸਟਾਈਲਿਸ਼ ਅਤੇ ਆਕਰਸ਼ਕ ਮਹਿਸੂਸ ਕਰਦੀਆਂ ਹਨ। ਲੈਸ-ਅਪ ਬੂਟ ਵੱਖ-ਵੱਖ ਲੰਬਾਈ ’ਚ ਉਪਲਬਧ ਹਨ। ਐਂਕਲ-ਲੈਂਥ ਸਭ ਤੋਂ ਲੋਕਪ੍ਰਿਯ ਹੈ, ਜੋ ਜੀਨਸ ਜਾਂ ਸਕਰਟ ਦੇ ਨਾਲ ਪਰਫੈਕਟ ਲੱਗਦਾ ਹੈ। ਇਸ ਤੋਂ ਇਲਾਵਾ ਮਿਡ-ਕਾਫ (ਨੀ-ਲੈਂਥ) ਅਤੇ ਕਦੇ-ਕਦੇ ਓਵਰ-ਦਿ-ਨੀ ਜਾਂ ਲਾਂਗ ਬੂਟ ਵੀ ਟ੍ਰੈਂਡ ’ਚ ਰਹਿੰਦੇ ਹਨ। ਇਨ੍ਹਾਂ ਦੀ ਮੁੱਖ ਖ਼ਾਸੀਅਤ ਲੈਸ ਦਾ ਡਿਜ਼ਾਈਨ ਹੈ, ਜੋ ਬੂਟ ਨੂੰ ਮਾਡਰਨ ਟੱਚ ਦਿੰਦਾ ਹੈ। ਲੈਸ ਦੀ ਵਜ੍ਹਾ ਨਾਲ ਫਿਟਿੰਗ ਨੂੰ ਆਪਣੀ ਜ਼ਰੂਰਤ ਅਨੁਸਾਰ ਐਡਜਸਟ ਕਰਨਾ ਆਸਾਨ ਹੁੰਦਾ ਹੈ। ਟਾਈਟ ਪਹਿਨ ਕੇ ਸਲਿਮ ਲੁਕ ਜਾਂ ਲੂਜ਼ ਰੱਖ ਕੇ ਰਿਲੈਕਸਡ ਫੀਲ ਹੁੰਦਾ ਹੈ।

ਕਈ ਡਿਜ਼ਾਈਨਾਂ ’ਚ ਐਕਸਟਰਾ ਡਿਟੇਲਿੰਗ ਜਿਵੇਂ ਮੈਟਲ ਬੱਕਲ, ਰਿਵੇਟਸ, ਸਟੱਡਸ, ਐਂਬ੍ਰਾਇਡਰੀ, ਚੇਨ ਜਾਂ ਕੱਟ-ਆਊਟ ਪੈਟਰਨ ਵੀ ਜੋੜੇ ਜਾਂਦੇ ਹਨ, ਜੋ ਬੂਟ ਨੂੰ ਪ੍ਰੀਮੀਅਮ ਅਤੇ ਯੂਨੀਕ ਬਣਾਉਂਦੇ ਹਨ। ਕਲਰ ਪੈਲੇਟ ’ਚ ਬਲੈਕ ਸਭ ਤੋਂ ਕਲਾਸਿਕ ਅਤੇ ਵਰਸੇਟਾਈਲ ਚੋਣ ਹੈ, ਜੋ ਲੱਗਭਗ ਹਰ ਆਊਟਫਿੱਟ ਦੇ ਨਾਲ ਜਾਂਦਾ ਹੈ। ਬਰਾਊਨ, ਚਾਕਲੇਟ, ਟੈਨ ਅਤੇ ਕੌਫੀ ਸ਼ੇਡਸ ਨੈਚੁਰਲ ਅਤੇ ਅਰਥੀ ਵਾਈਬਸ ਦਿੰਦੇ ਹਨ, ਜਦੋਂ ਕਿ ਗ੍ਰੇਅ, ਬਲਿਊ, ਬਰਗੰਡੀ ਜਾਂ ਬੋਲਡ ਰੈੱਡ ਵਰਗੇ ਕਲਰ ਸਟੇਟਮੈਂਟ ਪੀਸ ਬਣ ਜਾਂਦੇ ਹਨ। ਮਟੀਰੀਅਲ ਦੀ ਗੱਲ ਕਰੀਏ ਤਾਂ ਜੈਨੂਇਨ ਲੈਦਰ ਸਭ ਤੋਂ ਜ਼ਿਆਦਾ ਪਸੰਦ ਕੀਤਾ ਜਾਂਦਾ ਹੈ, ਕਿਉਂਕਿ ਇਹ ਟਿਕਾਊ ਅਤੇ ਐਲੀਗੈਂਟ ਹੁੰਦਾ ਹੈ। ਇਸ ਤੋਂ ਇਲਾਵਾ ਸੂਡੇ, ਵੈਲਵੇਟ, ਫੇਕ ਲੈਦਰ ਜਾਂ ਮਿਕਸਡ ਫੈਬਰਿਕ ਵਾਲੇ ਬੂਟ ਵੀ ਉਪਲਬਧ ਹਨ, ਜੋ ਵਿੰਟਰ ਸੀਜ਼ਨ ’ਚ ਖਾਸ ਤੌਰ ’ਤੇ ਟ੍ਰੈਂਡ ਕਰਦੇ ਹਨ। ਸੋਲ ਅਤੇ ਹੀਲ ਆਪਸ਼ਨਜ਼ ਵੀ ਭਿੰਨ ਹਨ। ਫਲੈਟ ਸੋਲ ਵਾਲੇ ਕੰਫਰਟ ਨੂੰ ਪਹਿਲ ਦੇਣ ਵਾਲਿਆਂ ਲਈ, ਜਦੋਂ ਕਿ ਪਲੇਟਫਾਰਮ ਸੋਲ ਜਾਂ 2-4 ਇੰਚ ਹੀਲ ਵਾਲੇ ਹਾਈਟ ਅਤੇ ਗ੍ਰੇਸ ਵਧਾਉਣ ਲਈ ਬੈਸਟ ਰਹਿੰਦੇ ਹਨ।

ਅਸੈਸਰੀਜ਼ ਜਿਵੇਂ ਵੱਡੇ ਸਨਗਲਾਸਿਜ਼, ਸਟੇਟਮੈਂਟ ਵਾਚ, ਲੇਅਰਡ ਬ੍ਰੈਸਲੇਟ, ਕ੍ਰਾਸਬਾਡੀ ਬੈਗ ਜਾਂ ਹੈਟ ਜੋੜ ਕੇ ਲੁਕ ਨੂੰ ਕੰਪਲੀਟ ਕਰਨ ਦੇ ਨਾਲ-ਨਾਲ ਹੋਰ ਵੀ ਖੂਬਸੂਰਤ ਬਣਾਇਆ ਜਾ ਸਕਦਾ ਹੈ। ਲੈਸ-ਅਪ ਬੂਟਾਂ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਉਨ੍ਹਾਂ ਦਾ ਟ੍ਰੈਂਡ ਕਦੇ ਫਿੱਕਾ ਨਹੀਂ ਪੈਂਦਾ। ਇਹ ਕਲਾਸਿਕ ਤੋਂ ਲੈ ਕੇ ਮਾਡਰਨ ਫੈਸ਼ਨ ਤੱਕ ਹਰ ਦੌਰ ’ਚ ਫਿੱਟ ਬੈਠਦੇ ਹਨ। ਪਹਿਨਣ ਵਾਲੇ ਨੂੰ ਇਹ ਬੂਟ ਸਪੈਸ਼ਲ ਅਤੇ ਕਾਨਫੀਡੈਂਟ ਫੀਲ ਕਰਵਾਉਂਦੇ ਹਨ, ਕਿਉਂਕਿ ਇਨ੍ਹਾਂ ਦੀ ਐੱਜੀ ਅਤੇ ਸਟ੍ਰਾਂਗ ਪ੍ਰੈਜ਼ੈਂਸ ਦੂਜਿਆਂ ਤੋਂ ਵੱਖਰਾ ਬਣਾਉਂਦੀ ਹੈ। ਆਫਿਸ, ਕਾਲਜ, ਟ੍ਰੈਵਲ ਜਾਂ ਫੈਸਟੀਵਲ ’ਚ ਇਹ ਬੂਟ ਮੁਟਿਆਰਾਂ ਦੇ ਸਟਾਈਲ ਨੂੰ ਨਿਖਾਰਦੇ ਹਨ ਅਤੇ ਉਨ੍ਹਾਂ ਨੂੰ ਹਮੇਸ਼ਾ ਟ੍ਰੈਂਡੀ ਰੱਖਦੇ ਹਨ। ਕੁੱਲ ਮਿਲਾ ਕੇ, ਲੈਸ-ਅਪ ਬੂਟ ਅੱਜ ਦੀ ਨੌਜਵਾਨ ਪੀੜ੍ਹੀ ਲਈ ਸਿਰਫ਼ ਫੁੱਟਵੀਅਰ ਨਹੀਂ, ਸਗੋਂ ਪਰਸਨੈਲਿਟੀ ਦਾ ਇਕ ਮਜ਼ਬੂਤ ਸਟੇਟਮੈਂਟ ਬਣ ਚੁੱਕੇ ਹਨ।