ਵ੍ਹਾਈਟ ਸੂਟ ਦੇ ਨਾਲ ਛਾਏ ‘ਮਲਟੀਕਲਰ ਦੁਪੱਟੇ’

ਵੈੱਬ ਡੈਸਕ- ਅੱਜਕੱਲ ਵ੍ਹਾਈਟ ਸੂਟ ਦੇ ਨਾਲ ਮਲਟੀਕਲਰ ਦੁਪੱਟੇ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣ ਚੁੱਕੇ ਹਨ, ਕਿਉਂਕਿ ਇਹ ਸਾਦਗੀ ਨੂੰ ਰੰਗੀਨ ਅਤੇ ਆਕਰਸ਼ਕ ਬਣਾ ਦਿੰਦੇ ਹਨ। ਮਲਟੀਕਲਰ ਦੁਪੱਟਾ ਵ੍ਹਾਈਟ ਸੂਟ ਨੂੰ ਇਕ ਨਵਾਂ ਰੂਪ ਦਿੰਦਾ ਹੈ। ਇਕ ਚਿੱਟਾ ਕੁੜਤਾ ਅਤੇ ਪਜਾਮਾ ਜਾਂ ਪਲਾਜ਼ੋ ਸੈੱਟ ਦੇ ਨਾਲ ਚਮਕਦਾਰ ਰੰਗਾਂ ਦਾ ਦੁਪੱਟਾ ਸਟਾਈਲ ਕਰਨ ਨਾਲ ਪੂਰਾ ਆਊਟਫਿੱਟ ਜਾਨਦਾਰ ਹੋ ਉੱਠਦਾ ਹੈ। ਆਫਿਸ, ਕਾਲਜ, ਫੈਸਟੀਵਲ ਜਾਂ ਕੈਜ਼ੂਅਲ ਪਾਰਟੀ, ਹਰ ਜਗ੍ਹਾ ਵ੍ਹਾਈਟ ਸੂਟ ਨੂੰ ਮਲਟੀਕਲਰ ਦੁਪੱਟਾ ਨਵੀਂ ਊਰਜਾ ਦਿੰਦਾ ਹੈ।

ਕਈ ਡਿਜ਼ਾਈਨਰ ਹੁਣ ਪ੍ਰਿੰਟਿਡ, ਐਂਬ੍ਰਾਇਡਰਡ, ਡਿਜੀਟਲ ਪ੍ਰਿੰਟ ਅਤੇ ਹੈਂਡਲੂਮ ਵਾਲੇ ਮਲਟੀਕਲਰ ਦੁਪੱਟਿਆਂ ਨੂੰ ਖ਼ਾਸ ਤੌਰ ’ਤੇ ਵ੍ਹਾਈਟ ਸੂਟ ਦੇ ਨਾਲ ਪਹਿਨਣ ਦੀ ਸਲਾਹ ਦਿੰਦੇ ਹਨ। ਮੁਟਿਆਰਾਂ ਮਲਟੀਕਲਰ ਦੁਪੱਟੇ ਨੂੰ ਸਟਾਈਲ ਕਰਨ ਦੇ ਕਈ ਤਰੀਕੇ ਅਪਣਾਉਂਦੀਆਂ ਹਨ। ਕੁਝ ਮੁਟਿਆਰਾਂ ਇਸ ਨੂੰ ਰਵਾਇਤੀ ਤਰੀਕੇ ਨਾਲ ਮੋਢੇ ’ਤੇ ਪਾ ਕੇ ਸਿੰਪਲ ਲੁੱਕ ਬਣਾਉਂਦੀਆਂ ਹਨ ਤੇ ਕੁਝ ਇਸ ਨੂੰ ਬੈਲਟ ਵਾਂਗ ਕਮਰ ’ਤੇ ਬੰਨ੍ਹ ਲੈਂਦੀਆਂ ਹਨ। ਕਈ ਵਾਰ ਤਾਂ ਦੁਪੱਟੇ ਨੂੰ ਓਪਨ ਛੱਡ ਕੇ ਜਾਂ ਇਕ ਪਾਸੇ ਤੋਂ ਲਪੇਟ ਕੇ ਵੀ ਸਟਾਈਲਿਸ਼ ਲੁੱਕ ਕ੍ਰਿਏਟ ਕੀਤੀ ਜਾਂਦੀ ਹੈ। ਵ੍ਹਾਈਟ ਕਿਸੇ ਵੀ ਰੰਗ ਦੇ ਨਾਲ ਪਰਫੈਕਟਲੀ ਮੈਚ ਕਰਦਾ ਹੈ, ਇਸ ਲਈ ਮਲਟੀਕਲਰ ਦੁਪੱਟਾ ਕਦੇ ਵੀ ਓਵਰ ਨਹੀਂ ਲੱਗਦਾ, ਸਗੋਂ ਇਹ ਸੂਟ ਨੂੰ ਜ਼ਿਆਦਾ ਟ੍ਰੈਂਡੀ ਅਤੇ ਮਾਡਰਨ ਬਣਾਉਂਦਾ ਹੈ। ਗਰਮੀਆਂ ’ਚ ਹਲਕੇ ਕਾਟਨ ਜਾਂ ਜਾਰਜੈਟ ਦੇ ਮਲਟੀਕਲਰ ਦੁਪੱਟੇ ਬਹੁਤ ਪਸੰਦ ਕੀਤੇ ਜਾਂਦੇ ਹਨ, ਕਿਉਂਕਿ ਇਹ ਹਲਕੇ ਅਤੇ ਆਰਾਮਦਾਇਕ ਹੁੰਦੇ ਹਨ। ਉੱਥੇ ਹੀ, ਠੰਢ ਦੇ ਮੌਸਮ ’ਚ ਸਿਲਕ ਜਾਂ ਸ਼ਿਫਾਨ ਦੇ ਦੁਪੱਟੇ ਚੁਣੇ ਜਾਂਦੇ ਹਨ, ਜੋ ਥੋੜ੍ਹੇ ਸ਼ਾਈਨੀ ਅਤੇ ਗਲੈਮਰਸ ਲੁੱਕ ਦਿੰਦੇ ਹਨ। ਮਾਰਕੀਟ ’ਚ ਮਲਟੀਕਲਰ ਦੁਪੱਟਿਆਂ ਦੀ ਭਰਮਾਰ ਹੈ।

ਕੁਝ ਦੁਪੱਟਿਆਂ ’ਤੇ ਫੁੱਲਾਂ ਦੇ ਪ੍ਰਿੰਟ, ਜਿਓਮੈਟ੍ਰਿਕ ਪੈਟਰਨ, ਪਸ਼ਮੀਨਾ ਵਰਕ ਜਾਂ ਸੀਕੁਐਂਸ ਵਰਕ ਵੀ ਹੁੰਦਾ ਹੈ, ਜੋ ਵ੍ਹਾਈਟ ਸੂਟ ਨੂੰ ਹੋਰ ਖ਼ੂਬਸੂਰਤ ਬਣਾ ਦਿੰਦਾ ਹੈ। ਕੀਮਤ ਦੇ ਹਿਸਾਬ ਨਾਲ ਵੀ ਇਹ ਦੁਪੱਟੇ ਕਾਫ਼ੀ ਸਸਤੇ ਹੁੰਦੇ ਹਨ। ਮਲਟੀਕਲਰ ਦੁਪੱਟਾ ਨਾ ਸਿਰਫ਼ ਸਟਾਈਲ ਦਿੰਦਾ ਹੈ, ਸਗੋਂ ਮੁਟਿਆਰਾਂ ਦਾ ਕਾਨਫੀਡੈਂਸ ਵੀ ਵਧਾਉਂਦਾ ਹੈ। ਅੱਜਕੱਲ ਕਈ ਇਨਫਲੂਐਂਸਰਜ਼ ਅਤੇ ਸੈਲੀਬ੍ਰਿਟੀ ਵੀ ਵ੍ਹਾਈਟ ਸੂਟ ਦੇ ਨਾਲ ਮਲਟੀਕਲਰ ਦੁਪੱਟੇ ਨੂੰ ਪ੍ਰਮੋਟ ਕਰ ਰਹੀਆਂ ਹਨ। ਸੋਸ਼ਲ ਮੀਡੀਆ ’ਤੇ ਅਜਿਹੇ ਕਈ ਆਊਟਫਿੱਟ ਆਈਡੀਆ ਵੇਖਣ ਨੂੰ ਮਿਲਦੇ ਹਨ, ਜਿੱਥੇ ਮੁਟਿਆਰਾਂ ਇਸ ਕੰਬੀਨੇਸ਼ਨ ਨੂੰ ਵੱਖ-ਵੱਖ ਤਰੀਕੇ ਨਾਲ ਸਟਾਈਲ ਕਰ ਰਹੀਆਂ ਹਨ। ਇਸ ਨਾਲ ਨਵੀਂ ਪੀੜ੍ਹੀ ਨੂੰ ਹੋਰ ਜ਼ਿਆਦਾ ਪ੍ਰੇਰਣਾ ਮਿਲਦੀ ਹੈ। ਮਲਟੀਕਲਰ ਦੁਪੱਟੇ ਨੂੰ ਮੁਟਿਆਰਾਂ ਵ੍ਹਾਈਟ ਸਿੰਪਲ ਸੂਟ ਤੋਂ ਲੈ ਕੇ ਵ੍ਹਾਈਟ ਫਰਾਕ ਸੂਟ, ਵ੍ਹਾਈਟ ਅਨਾਰਕਲੀ ਸੂਟ, ਵ੍ਹਾਈਟ ਪਲਾਜ਼ੋ ਸੂਟ, ਵ੍ਹਾਈਟ ਪਟਿਆਲਾ ਸੂਟ, ਵ੍ਹਾਈਟ ਸ਼ਰਾਰਾ ਸੂਟ ਆਦਿ ਦੇ ਨਾਲ ਸਟਾਈਲ ਕਰ ਰਹੀਆਂ ਹਨ। ਵ੍ਹਾਈਟ ਸੂਟ ਦੇ ਨਾਲ ਮਲਟੀਕਲਰ ਦੁਪੱਟਾ ਮੁਟਿਆਰਾਂ ਦੇ ਫੈਸ਼ਨ ਵਾਰਡਰੋਬ ਦਾ ਲਾਜ਼ਮੀ ਹਿੱਸਾ ਬਣ ਚੁੱਕਾ ਹੈ। ਇਹ ਸਾਦਗੀ ਅਤੇ ਰੰਗਾਂ ਦਾ ਖ਼ੂਬਸੂਰਤ ਸੁਮੇਲ ਹੈ, ਜੋ ਹਰ ਮੌਕੇ ’ਤੇ ਪਰਫੈਕਟ ਲੱਗਦਾ ਹੈ। ਵ੍ਹਾਈਟ ਸੂਟ ਨੂੰ ਬੋਰਿੰਗ ਸਮਝਣ ਵਾਲੀ ਮੁਟਿਆਰ ਇਕ ਸੋਹਣਾ ਮਲਟੀਕਲਰ ਦੁਪੱਟਾ ਟਰਾਈ ਕਰ ਕੇ ਆਪਣੀ ਲੁੱਕ ਨੂੰ ਪੂਰੀ ਤਰ੍ਹਾਂ ਨਵੀਂ ਅਤੇ ਆਕਰਸ਼ਕ ਬਣਾ ਸਕਦੀ ਹੈ।