ਮੁਟਿਆਰਾਂ ’ਚ ਛਾਇਆ ਫਲਾਵਰ ਪ੍ਰਿੰਟਿਡ ਟਾਪ ਕੁੜਤੀ ਦਾ ਜਾਦੂ

ਵੈੱਬ ਡੈਸਕ- ਗਰਮੀਆਂ ਦਾ ਮੌਸਮ ਸ਼ੁਰੂ ਹੋਣ ਵਾਲਾ ਹੈ ਅਤੇ ਮੁਟਿਆਰਾਂ ਪਹਿਲਾਂ ਤੋਂ ਹੀ ਆਪਣੇ ਵਾਰਡਰੋਬ ਨੂੰ ਰਿਫਰੈਸ਼ ਕਰਨ ’ਚ ਜੁਟ ਗਈਆਂ ਹਨ। ਇਸ ਸੀਜ਼ਨ ’ਚ ਫਲਾਵਰ ਪ੍ਰਿੰਟਿਡ ਸਮਰ ਵੇਅਰ ਦਾ ਕਰੇਜ਼ ਬੁਲੰਦੀਆਂ ’ਚ ਹੈ। ਖਾਸ ਕਰ ਕੇ ਫਲਾਵਰ ਪ੍ਰਿੰਟਿਡ ਟਾਪ ਕੁੜਤੀਆਂ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣ ਚੁੱਕੀਆਂ ਹਨ। ਇਹ ਕੁੜਤੀਆਂ ਨਾ ਸਿਰਫ ਟ੍ਰੈਂਡੀ ਅਤੇ ਮਾਡਰਨ ਲੁੱਕ ਦਿੰਦੀਆਂ ਹਨ, ਸਗੋਂ ਪਹਿਨਣ ’ਚ ਬੇਹੱਦ ਆਰਾਮਦਾਇਕ ਵੀ ਹੁੰਦੀਆਂ ਹਨ। ਫਲਾਵਰ ਪ੍ਰਿੰਟਿਡ ਟਾਪ ਕੁੜਤੀ ਦਾ ਫੈਸ਼ਨ ਕਦੇ ਪੁਰਾਣਾ ਨਹੀਂ ਪੈਂਦਾ। ਇਨ੍ਹਾਂ ’ਚ ਸਟ੍ਰੇਟ ਕੁੜਤੀ ਟਾਪ, ਫਰਾਕ ਸਟਾਈਲ ਕੁੜਤੀ ਟਾਪ, ਅਨਾਰਕਲੀ-ਇੰਸਪਾਇਰਡ ਟਾਪ ਅਤੇ ਹੋਰ ਡਿਜ਼ਾਈਨਰ ਵੈਰਾਇਟੀ ਸ਼ਾਮਲ ਹੈ। ਸਲੀਵਜ਼ ਦੇ ਮਾਮਲੇ ’ਚ ਵੀ ਢੇਰ ਸਾਰੇ ਬਦਲ ਹਨ। ਫੁੱਲ ਸਲੀਵਜ਼, ਥ੍ਰੀ-ਫੋਰਥ ਸਲੀਵਜ਼, ਹਾਫ ਸਲੀਵਜ਼ ਜਾਂ ਪੂਰੀ ਤਰ੍ਹਾਂ ਸਲੀਵਲੈੱਸ ਡਿਜ਼ਾਈਨ ਦੇਖੇ ਜਾ ਸਕਦੇ ਹਨ।
ਗਰਮੀ ਦੇ ਮੌਸਮ ਨੂੰ ਧਿਆਨ ’ਚ ਰੱਖਦੇ ਹੋਏ ਜ਼ਿਆਦਾਤਰ ਮੁਟਿਆਰਾਂ ਹਾਫ ਸਲੀਵਜ਼ ਜਾਂ ਸਲੀਵਲੈੱਸ ਆਪਸ਼ਨ ਨੂੰ ਚੁਣ ਰਹੀਆਂ ਹਨ। ਨੈੱਕਲਾਈਨ ਦੀ ਵਿਭਿੰਨਤਾ ਵੀ ਇਨ੍ਹਾਂ ਕੁੜਤੀਆਂ ਦੀ ਖ਼ਾਸੀਅਤ ਹੈ। ਇਸ ’ਚ ਵੀ-ਨੈੱਕ, ਰਾਊਂਡ ਨੈੱਕ, ਸਕੁਏਅਰ ਨੈੱਕ, ਸਵੀਟਹਾਰਟ ਨੈੱਕ, ਆਫ-ਸ਼ੋਲਡਰ, ਹਾਈ ਨੈੱਕ ਅਤੇ ਕਈ ਹੋਰ ਸਟਾਈਲ ਉਪਲਬਧ ਹਨ। ਫਲਾਵਰ ਪ੍ਰਿੰਟਸ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ’ਚ ਅਣਗਿਣਤ ਵੈਰਾਇਟੀ ਦੇਖਣ ਨੂੰ ਮਿਲਦੀ ਹੈ। ਛੋਟੇ-ਛੋਟੇ ਫੁੱਲਾਂ ਤੋਂ ਲੈ ਕੇ ਵੱਡੇ ਬੋਲਡ ਫਲੋਰਲ ਪੈਟਰਨ ਤੱਕ, ਸਿੰਗਲ ਕਲਰ ਤੋਂ ਮਲਟੀ-ਕਲਰ ਅਤੇ ਡੁਅਲ-ਟੋਨ ਪ੍ਰਿੰਟਸ ਤੱਕ ਸਭ ਕੁਝ ਮੌਜੂਦ ਹੈ।

ਇਨ੍ਹਾਂ ਟਾਪ ਕੁੜਤੀਆਂ ਦੀ ਸਭ ਤੋਂ ਵੱਡੀ ਖੂਬੀ ਉਨ੍ਹਾਂ ਦੀ ਵਰਸਟੈਲਿਟੀ ਹੈ। ਇਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਦੇ ਬਾਟਮ ਵੇਅਰ ਦੇ ਨਾਲ ਆਸਾਨੀ ਨਾਲ ਸਟਾਈਲ ਕੀਤਾ ਜਾ ਸਕਦਾ ਹੈ। ਜੀਨਸ ਦੇ ਨਾਲ ਤਾਂ ਇਹ ਕਮਾਲ ਦੀਆਂ ਲੱਗਦੀਆਂ ਹਨ। ਸਕਿਨੀ ਜੀਨਸ, ਬੈਗੀ ਜੀਨਸ, ਸਟ੍ਰੇਟ ਜੀਨਸ ਜਾਂ ਫਲੇਅਰਡ ਜੀਨਸ ਹਰ ਕੌਮਬੀਨੇਸ਼ਨ ਵੱਖਰੀ ਲੁੱਕ ਦਿੰਦਾ ਹੈ। ਇਸ ਤੋਂ ਇਲਾਵਾ ਪਲਾਜ਼ੋ, ਸ਼ਰਾਰਾ, ਪੈਂਟਸ, ਲੈਗਿੰਗਜ਼ ਅਤੇ ਇੱਥੋਂ ਤੱਕ ਕਿ ਸਕਰਟਸ ਦੇ ਨਾਲ ਵੀ ਇਨ੍ਹਾਂ ਨੂੰ ਪਰਫੈਕਟਲੀ ਮੈਚ ਕੀਤਾ ਜਾ ਸਕਦਾ ਹੈ। ਕੈਜ਼ੁਅਲ ਆਊਟਿੰਗ ਲਈ ਜੀਨਸ-ਪਲਾਜ਼ੋ ਕੌਮਬੋ ਪਸੰਦ ਕੀਤਾ ਜਾ ਰਿਹਾ ਹੈ, ਜਦਕਿ ਪਾਰਟੀ ਜਾਂ ਫੈਮਿਲੀ ਫੰਕਸ਼ਨ ਲਈ ਸ਼ਰਾਰਾ ਜਾਂ ਪਲਾਜ਼ੋ ਦੇ ਨਾਲ ਸਟਾਈਲਿੰਗ ਜ਼ਿਆਦਾ ਦੇਖੀ ਜਾ ਰਹੀ ਹੈ।

ਐਕਸੈਸਰੀਜ਼ ਇਨ੍ਹਾਂ ਕੁੜਤੀਆਂ ਦੀ ਲੁੱਕ ਨੂੰ ਹੋਰ ਨਿਖਾਰਦੀਆਂ ਹਨ। ਮੁਟਿਆਰਾਂ ਇਨ੍ਹਾਂ ਦੇ ਨਾਲ ਮਿਨੀਮਲ ਜਿਊਲਰੀ ਜਿਵੇਂ ਸਟੱਡ ਈਅਰਰਿੰਗਜ਼, ਡੈਲੀਕੇਟ ਨੈੱਕਲੈੱਸ ਜਾਂ ਸਟੇਟਮੈਂਟ ਬੈਂਗਲਜ਼ ਚੁਣ ਰਹੀਆਂ ਹਨ। ਹੈਂਡਬੈਗ, ਸਲਿੰਗ ਬੈਗ, ਕਲੱਚ ਜਾਂ ਟੋਟ ਬੈਗ ਦਾ ਇਸਤੇਮਾਲ ਆਮ ਹੈ। ਸਨਗਲਾਸਿਜ਼, ਸਕਾਰਫ ਜਾਂ ਹੈਟਸ ਨੂੰ ਵੀ ਸਟਾਈਲ ’ਚ ਸ਼ਾਮਲ ਕੀਤਾ ਜਾ ਰਿਹਾ ਹੈ। ਫੁੱਟਵੇਅਰ ’ਚ ਕੰਫਰਟ ਅਤੇ ਸਟਾਈਲ ਦਾ ਬੈਲੇਂਸ ਬਣਾਏ ਰੱਖਣ ਲਈ ਫਲੈਟ ਸੈਂਡਲਜ਼, ਵੈੱਜ ਹੀਲਜ਼, ਹਾਈ ਹੀਲਜ਼, ਲੋਫਰਜ਼, ਸਨੀਕਰਜ਼ ਅਤੇ ਕੋਲ੍ਹਾਪੁਰੀ ਚੱਪਲ ਵਰਗੀ ਵੈਰਾਇਟੀ ਦੇਖੀ ਜਾ ਰਹੀ ਹੈ। ਕੁੱਲ ਮਿਲਾ ਕੇ, ਫਲਾਵਰ ਪ੍ਰਿੰਟਿਡ ਟਾਪ ਕੁੜਤੀ ਇਸ ਗਰਮੀ ਦਾ ਸਭ ਤੋਂ ਹਾਟ ਟ੍ਰੈਂਡ ਹੈ। ਇਹ ਨਾ ਸਿਰਫ ਫੈਸ਼ਨੇਬਲ ਹੈ, ਸਗੋਂ ਗਰਮ ਮੌਸਮ ’ਚ ਕੂਲ ਅਤੇ ਕੰਫਰਟੇਬਲ ਵੀ ਰਹਿੰਦੀ ਹੈ। ਮੁਟਿਆਰਾਂ ਇਸ ਨੂੰ ਅਪਣਾ ਕੇ ਆਪਣੀ ਰੋਜ਼ਾਨਾ ਦੀ ਲੁੱਕ ਨੂੰ ਸਟਾਈਲਿਸ਼ ਅਤੇ ਖੂਬਸੂਰਤ ਬਣਾ ਰਹੀਆਂ ਹਨ। ਜੋ ਵੀ ਮੁਟਿਆਰਾਂ ਸਮਰ ਵੇਅਰ ’ਚ ਕੁਝ ਨਵਾਂ ਟ੍ਰਾਈ ਕਰਨਾ ਚਾਹੁੰਦੀਆਂ ਹਨ, ਉਹ ਫਲਾਵਰ ਪ੍ਰਿੰਟਿਡ ਟਾਪ ਕੁੜਤੀ ਨੂੰ ਆਪਣੀ ਵਾਰਡਰੋਬ ਦਾ ਬੈਸਟ ਐਡੀਸ਼ਨ ਬਣਾ ਰਹੀਆਂ ਹਨ।