ਮੁਟਿਆਰਾਂ ਨੂੰ ਸਟਾਈਲ ਦੇ ਨਾਲ ਕੰਫਰਟ ਦੇ ਰਿਹਾ ‘ਹਾਈ ਬਨ’

ਵੈੱਬ ਡੈਸਕ- ਡਰੈੱਸ, ਜਿਊਲਰੀ ਅਤੇ ਮੇਕਅਪ ਹੀ ਨਹੀਂ, ਇਕ ਚੰਗਾ ਹੇਅਰ ਸਟਾਈਲ ਵੀ ਮੁਟਿਆਰਾਂ ਦੀ ਲੁੱਕ ਨੂੰ ਪੂਰਾ ਕਰਦਾ ਹੈ। ਮੁਟਿਆਰਾਂ ਅਕਸਰ ਮੌਕੇ ਅਤੇ ਆਪਣੇ ਕੰਫਰਟ ਦੇ ਹਿਸਾਬ ਨਾਲ ਹੇਅਰ ਸਟਾਈਲ ਚੁਣਦੀਆਂ ਹਨ। ਗਰਮੀਆਂ ਦੀ ਗੱਲ ਕਰੀਏ ਤਾਂ ਇਸ ਸੀਜ਼ਨ ’ਚ ਹਾਈ ਬਨ (ਜੂੜਾ) ਸਭ ਤੋਂ ਜ਼ਿਆਦਾ ਟ੍ਰੈਂਡ ’ਚ ਹੈ। ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਕੰਮਕਾਜੀ ਔਰਤਾਂ ਤੱਕ, ਹਰ ਉਮਰ ਦੀਆਂ ਮੁਟਿਆਰਾਂ ਤੇ ਔਰਤਾਂ ਹਾਈ ਬਨ ਨੂੰ ਅਪਣਾ ਰਹੀਆਂ ਹਨ। ਭਾਵੇਂ ਇੰਡੀਅਨ ਸੂਟ ਹੋਵੇ, ਵੈਸਟਰਨ ਡਰੈੱਸ ਹੋਵੇ ਜਾਂ ਇੰਡੋ-ਵੈਸਟਰਨ ਫਿਊਜ਼ਨ, ਗਰਮੀਆਂ ’ਚ ਹਾਈ ਬਨ ਹਰ ਲੁੱਕ ਦੇ ਨਾਲ ਜੱਚਦਾ ਹੈ। ਇਹੀ ਵਜ੍ਹਾ ਹੈ ਕਿ ਮੁਟਿਆਰਾਂ ਇਸ ਨੂੰ ਸਭ ਤੋਂ ਜ਼ਿਆਦਾ ਸਟਾਈਲ ਕਰ ਰਹੀਆਂ ਹਨ। ਹਾਈ ਬਨ ਨਾ ਸਿਰਫ਼ ਰਾਇਲ ਅਤੇ ਕਲਾਸੀ ਲੁੱਕ ਦਿੰਦਾ ਹੈ, ਸਗੋਂ ਗਰਮੀ ’ਚ ਵਾਲਾਂ ਨੂੰ ਬੰਨ੍ਹ ਕੇ ਰੱਖਣ ਨਾਲ ਰਾਹਤ ਵੀ ਮਿਲਦੀ ਹੈ।

ਹਾਈ ਬਨ ਨੂੰ ਕਈ ਤਰ੍ਹਾਂ ਨਾਲ ਸਟਾਈਲ ਕੀਤਾ ਜਾਂਦਾ ਹੈ। ਕੁਝ ਮੁਟਿਆਰਾਂ ਇਸ ਨੂੰ ਸਿੰਪਲ ਤਰੀਕੇ ਨਾਲ ਰਬੜ ਬੈਂਡ ਨਾਲ ਬੰਨ੍ਹਣਾ ਪਸੰਦ ਕਰਦੀਆਂ ਹਨ ਤੇ ਕੁਝ ਹੇਅਰ ਕਲਿੱਪ ਜਾਂ ਸਕ੍ਰੰਚੀ ਦੀ ਵਰਤੋਂ ਕਰਦੀਆਂ ਹਨ। ਕਈ ਮੁਟਿਆਰਾਂ ਫਰੰਟ ’ਚ ਫੇਸ ਫ੍ਰੇਮਿੰਗ ਫਲਿਕਸ, ਬ੍ਰੇਡਸ ਜਾਂ ਟਵਿਸਟ ਕੱਢ ਕੇ ਹਾਈ ਬਨ ਬਣਾਉਂਦੀਆਂ ਹਨ, ਜੋ ਲੁੱਕ ਨੂੰ ਹੋਰ ਅਟਰੈਕਟਿਵ ਬਣਾ ਦਿੰਦਾ ਹੈ। ਚੀਰ ਕੱਢ ਕੇ ਬਣਾਇਆ ਗਿਆ ਹਾਈ ਬਨ ਟ੍ਰੈਡੀਸ਼ਨਲ ਅਤੇ ਐਲੀਗੈਂਟ ਲੱਗਦਾ ਹੈ, ਉੱਥੇ ਹੀ ਬਿਨਾਂ ਚੀਰ ਦੇ ਮੈਸੀ ਹਾਈ ਬਨ ਕੈਜ਼ੂਅਲ ਅਤੇ ਕੂਲ ਵਾਈਬ ਦਿੰਦਾ ਹੈ।

ਫਰੰਟ ਤੋਂ ਛੋਟੇ ਵਾਲਾਂ ਨੂੰ ਕਰਲ ਕਰ ਕੇ ਛੱਡਣ ’ਤੇ ਹਾਈ ਬਨ ਮੁਟਿਆਰਾਂ ਨੂੰ ਬੇਹੱਦ ਕਿਊਟ ਲੁੱਕ ਦਿੰਦਾ ਹੈ। ਕੁਝ ਮੁਟਿਆਰਾਂ ਸਾਈਡ ਤੋਂ ਲਾਂਗ ਫਲਿਕਸ ਵੀ ਕੱਢਦੀਆਂ ਹਨ, ਜੋ ਚਿਹਰੇ ਨੂੰ ਸਲਿਮ ਦਿਖਾਉਂਦਾ ਹੈ। ਇੰਡੀਅਨ ਡਰੈੱਸ ਦੇ ਨਾਲ ਮੁਟਿਆਰਾਂ ਹਾਈ ਬਨ ਨੂੰ ਗਜਰੇ, ਫਰੈੱਸ਼ ਫਲਾਵਰ, ਸਟੋਨ ਹੇਅਰ ਅਸੈਸਰੀਜ਼ ਜਾਂ ਐਮਬੈਲਿਸ਼ਡ ਪਿਨ ਨਾਲ ਸਜਾਉਂਦੀਆਂ ਹਨ। ਇਸ ਨਾਲ ਟ੍ਰੈਡੀਸ਼ਨਲ ਲੁੱਕ ਹੋਰ ਨਿਖਰ ਜਾਂਦੀ ਹੈ। ਉੱਥੇ ਹੀ, ਵੈਸਟਰਨ ਵੀਅਰ ’ਚ ਕਲਾਸੀ ਹੇਅਰ ਪਿਨ, ਮੈਟੈਲਿਕ ਕਲਿੱਪ, ਪਰਲ ਅਸੈਸਰੀਜ਼ ਜਾਂ ਮਿਨੀਮਲ ਕਲੌਅ ਕਲਿੱਪ ਦੇ ਨਾਲ ਹਾਈ ਬਨ ਕੈਰੀ ਕੀਤਾ ਜਾ ਰਿਹਾ ਹੈ।

ਹਾਈ ਬਨ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ ਕਿ ਇਹ ਆਸਾਨੀ ਨਾਲ ਅਤੇ ਘੱਟ ਸਮੇਂ ’ਚ ਬਣ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਮੁਟਿਆਰਾਂ ਇਸ ਨੂੰ ਆਫਿਸ ਮੀਟਿੰਗ, ਇੰਟਰਵਿਊ ਤੋਂ ਲੈ ਕੇ ਵਿਆਹ-ਸਮਾਗਮਾਂ ਤੱਕ ਹਰ ਜਗ੍ਹਾ ਕੈਰੀ ਕਰਨਾ ਪਸੰਦ ਕਰਦੀਆਂ ਹਨ। ਇਹ ਪ੍ਰੋਫੈਸ਼ਨਲ ਲੁੱਕ ਵੀ ਦਿੰਦਾ ਹੈ ਅਤੇ ਫੈਸਟਿਵ ਵਾਈਬ ਵੀ। ਬਾਲੀਵੁੱਡ ਅਦਾਕਾਰਾਂ ਤੋਂ ਲੈ ਕੇ ਫੈਸ਼ਨ ਇੰਫਲੂਐਂਸਰ ਤੱਕ, ਸਭ ਨੂੰ ਰੈੱਡ ਕਾਰਪੈਟ ਅਤੇ ਇਵੈਂਟਸ ’ਤੇ ਹਾਈ ਬਨ ’ਚ ਦੇਖਿਆ ਜਾ ਸਕਦਾ ਹੈ। ਕੰਫਰਟ, ਐਲੀਗੈਂਸ ਅਤੇ ਵਰਸੇਟਿਲਿਟੀ ਕਾਰਨ ਹਾਈ ਬਨ ਗਰਮੀਆਂ ਦਾ ਸਭ ਤੋਂ ਫੇਵਰੇਟ ਅਤੇ ਪ੍ਰੈਕਟੀਕਲ ਹੇਅਰ ਸਟਾਈਲ ਬਣ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e