ਸਮੁੰਦਰੀ ਚਟਾਨ ''ਤੇ ਬਣਿਆ ਹੈ ਇੰਡੋਨੈਸ਼ੀਆ ਦਾ ਇਹ ਮਸ਼ਹੂਰ ਮੰਦਰ

ਨਵੀਂਦਿੱਲੀ—ਭਾਰਤੀ ਸੰਸਕ੍ਰਿਤੀ ਅਤੇ ਧਰਮ ਦਾ ਪ੍ਰਭਾਵ ਨਾ ਕੇਵਲ ਭਾਰਤ 'ਚ ਬਲਕਿ ਪੂਰੇ ਵਿਸ਼ਵ 'ਚ ਦਿਖਾਈ ਦਿੰਦਾ ਹੈ। ਇੱਥੇ ਇੰਡੋਨੇਸ਼ੀਆ 'ਚ ਹਿੰਦੂ ਪਰੰਪਰਾਵਾਂ ਅਤੇ ਮੰਦਰਾਂ ਦੀ ਬਹੁਤ ਮਹੱਤਤਾ ਹੈ। ਇੰਡੋਨੈਸ਼ੀਆ 'ਚ ਕਈ ਪ੍ਰਸਿੱਧ ਮੰਦਰ ਹਨ, ਜੋ ਹਰ ਕਿਸੇ ਨੂੰ ਆਪਣੀ ਵੱਲ ਆਕਰਸ਼ਿਤ ਕਰਦੇ ਹਨ। ਅੱਜ ਅਸੀਂ ਤੁਹਾਨੂੰ ਇੰਡੋਨੈਸ਼ੀਆ ਇਕ ਅਜਿਹੇ ਪ੍ਰਸਿੱਧ ਮੰਦਰ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸਦੀ ਗਿਣਤੀ ਵਿਸ਼ਵ ਦੇ ਸ਼ਭ ਤੋਂ ਖੂਬਸੂਰਤ ਮੰਦਰਾਂ 'ਚ ਹੁੰਦੀ ਹੈ। ਆਓ ਦੇਖਦੇ ਹਾਂ ਇੰਡੋਨੈਸ਼ੀਆ ਦੇ ਇਸ ਮੰਦਰ ਦਾ ਇਤਿਹਾਸ ਅਤੇ ਖੂਬੀਆਂ।

ਇੰਡੋਨੈਸ਼ੀਆ ਦਾ ਤਨਹਾ ਲੋਟ ਮੰਦਰ, ਵਾਲੀ
ਭਗਵਾਨ ਵਿਸ਼ਨੂ ਨੂੰ ਸਮਰਪਿਤ ਇਹ ਮੰਦਰ ਇੰਡੋਨੈਸ਼ੀਆ ਦੇ ਵਾਲੀ 'ਚ ਇਕ ਵਿਸ਼ਾਲ ਸਮੁੰਦਰੀ ਚਟਾਨ 'ਤੇ ਬਣਿਆ ਹੋਇਆ ਹੈ। ਆਪਣੀ ਕੁਦਰਤੀ ਸੁੰਦਰਤਾ ਦੇ ਲਈ ਪ੍ਰਸਿੱਧ ਇਹ ਮੰਦਰ 16ਵੀਂ ਸ਼ਤਾਬਦੀ 'ਚ ਬਣਿਆ ਸੀ। ਇਹ ਮੰਦਰ ਵਾਲੀ ਦੀਪ ਦੇ ਹਿੰਦੂਆਂ ਦੀ ਆਸਥਾ ਦਾ ਵੱਡਾ ਕੇਂਦਰ ਮੰਨਿਆ ਜਾਂਦਾ ਹੈ।


ਇਸ ਚਟਾਨ ਦੀ ਚੋਟੀ 'ਤੇ ਸੈਲਾਨੀਆਂ ਦੇ ਲਈ ਰੈਸਟੋਰੈਂਟ ਬਣਾਏ ਗਏ ਹਨ। ਦੱਸਿਆ ਜਾਂਦਾ ਹੈ ਕਿ ਤੱਟ 'ਤੇ ਸਥਿਤ ਇਸ ਮੰਦਰ ਨੂੰ ਹਜ਼ਾਰਾਂ ਸਾਲਾਂ ਦੇ ਦੌਰਾਨ ਸਮੁੰਦਰੀ ਪਾਣੀ ਦੇ ਜਵਾਰ ਤੋਂ ਹੋਏ  ਸ਼ਰਣ ਦੇ ਫਲਸਰੂਪ ਇਹ ਆਕਾਰ ਪ੍ਰਾਪਤ ਹੋਇਆ ਸੀ, ਜੋ ਇਸ ਮੰਦਰ ਨੂੰ ਹੋਰ ਵੀ ਖੂਬਸੂਰਤ ਬਣਾਉਂਦਾ ਹੈ।
ਮੰਦਰ ਦਾ ਇਤਿਹਾਸ

ਮੰਨਿਆ ਜਾਂਦਾ ਹੈ ਪੂਰਾ ਤਨਾਹ ਲੋਤ ਦਾ ਨਿਰਮਾਣ 16ਵੀਂ ਸ਼ਤਾਬਦੀ 'ਚ ਪੁਜਾਰੀ ਨਿਰਧਨ ਨੇ ਕਰਾਇਆ ਸੀ, ਜਿਸ ਨੂੰ ਇਸ ਸਥਾਨ ਦੀ ਸੁੰਦਰਤਾ ਨੇ ਮੋਹ ਲਿਆ ਸੀ। ਕੁਝ ਮਛਵਾਰਿਆਂ ਨੇ ਉਨ੍ਹਾਂ ਨੂੰ ਦੇਖਿਆ ਤੇ ਉਨ੍ਹਾਂ ਉਪਹਾਰ ਪ੍ਰਦਾਨ ਕੀਤਾ। ਉਨ੍ਹਾਂ ਨੇ ਮਛਵਰਿਆਂ ਨੂੰ ਇਸ ਸਥਾਨ 'ਤੇ ਵਾਲੀ ਦੇ ਸਮੁੰਦਰੀ ਦੇਵਤਾ ਦੇ ਮੰਦਰ ਦੇ ਨਿਰਮਾਣ ਲਈ ਕਿਹਾ।