‘ਲਾਂਗ ਫਰਾਕ’ ਸੂਟ ਬਣੇ ਮੁਟਿਆਰਾਂ ਤੇ ਔਰਤਾਂ ਦੀ ਪਹਿਲੀ ਪਸੰਦ

ਵੈੱਬ ਡੈਸਕ- ਭਾਰਤੀ ਪਹਿਰਾਵਿਆਂ ’ਚ ਸੂਟ ਦਾ ਕ੍ਰੇਜ਼ ਹਮੇਸ਼ਾ ਤੋਂ ਰਿਹਾ ਹੈ। ਇਸ ’ਚ ਸਿੰਪਲ ਸੂਟ, ਪਟਿਆਲਾ ਸੂਟ, ਪਲਾਜ਼ੋ ਸੂਟ, ਨਾਇਰਾ ਕੱਟ, ਅਨਾਰਕਲੀ ਤੋਂ ਲੈ ਕੇ ਫਰਾਕ ਸੂਟ ਤੱਕ ਢੇਰਾਂ ਆਪਸ਼ਨਜ਼ ਹਨ। ਇਨ੍ਹਾਂ ਸਭ ’ਚ ਲਾਂਗ ਫਰਾਕ ਸੂਟ ਅੱਜਕੱਲ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਬਣ ਕੇ ਉੱਭਰਿਆ ਹੈ। ਇਸ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ, ਇਸ ਦਾ ਸਟਾਈਲ ਅਤੇ ਕੰਫਰਟ ਦਾ ਬਿਹਤਰੀਨ ਸੁਮੇਲ ਹੈ।

ਲਾਂਗ ਫਰਾਕ ਸੂਟ ਪਹਿਨਣ ’ਤੇ ਇਕ ਯੂਨੀਕ ਅਤੇ ਅਟ੍ਰੈਕਟਿਵ ਲੁੱਕ ਮਿਲਦੀ ਹੈ, ਜੋ ਹਰ ਮੌਕੇ ’ਤੇ ਸਪੈਸ਼ਲ ਫੀਲ ਕਰਵਾਉਂਦੀ ਹੈ। ਇਸ ਦੀ ਲਾਂਗ ਫਰਾਕ ਕੁਝ-ਕੁਝ ਗਾਊਨ ਵਰਗੀ ਗ੍ਰੇਸ ਦਿੰਦੀ ਹੈ, ਇਸ ਲਈ ਇਹ ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਆਫ਼ਿਸ ਜਾਣ ਵਾਲੀਆਂ ਔਰਤਾਂ ਤੱਕ ਸਭ ਨੂੰ ਪਸੰਦ ਆ ਰਿਹਾ ਹੈ। ਗਰਮੀ ਦੇ ਮੌਸਮ ’ਚ ਹਲਕੇ ਫੈਬਰਿਕ ਵਾਲੇ ਲਾਂਗ ਫਰਾਕ ਸੂਟ ਦੀ ਡਿਮਾਂਡ ਸਭ ਤੋਂ ਜ਼ਿਆਦਾ ਹੈ। ਕਾਟਨ, ਰੇਯਾਨ, ਮਲਮਲ ਅਤੇ ਜੌਰਜੈੱਟ ਵਰਗੇ ਸਾਫ਼ਟ ਫੈਬਰਿਕ ’ਚ ਬਣੇ ਸੂਟ ਪੂਰਾ ਦਿਨ ਕੰਫਰਟੇਬਲ ਫੀਲ ਕਰਵਾਉਂਦੇ ਹਨ। ਲਾਈਟ ਕਲਰ ਜਿਵੇਂ ਕ੍ਰੀਮ, ਵ੍ਹਾਈਟ, ਲੈਮਨ ਯੈਲੋ, ਪੇਸਟਲ ਸ਼ੇਡਸ ਮੁਟਿਆਰਾਂ ਨੂੰ ਖੂਬ ਪਸੰਦ ਆ ਰਹੇ ਹਨ।

ਉੱਥੇ ਹੀ, ਫੈਸਟਿਵ ਲੁੱਕ ਲਈ ਡਾਰਕ ਸ਼ੇਡਸ ’ਚ ਗ੍ਰੀਨ, ਰਾਇਲ ਬਲੂ, ਮੈਰੂਨ, ਬਲੈਕ ਅਤੇ ਰੈੱਡ ਕਲਰ ਵੀ ਟ੍ਰੈਂਡ ’ਚ ਹਨ। ਲਾਂਗ ਫਰਾਕ ਸੂਟ ਪ੍ਰਿੰਟਿਡ ਅਤੇ ਪਲੇਨ ਦੋਵਾਂ ਆਪਸ਼ਨਜ਼ ’ਚ ਮਿਲਦੇ ਹਨ। ਫਰਾਕ ਦੀ ਗੱਲ ਕਰੀਏ ਤਾਂ ਇਸ ’ਚ ਟਿਯਰਡ ਫਰਾਕ, ਪਲੀਟਿਡ ਫਰਾਕ, ਏ-ਲਾਈਨ ਫਰਾਕ ਅਤੇ ਸਿੰਪਲ ਲਾਂਗ ਫਰਾਕ ਵਰਗੇ ਕਈ ਡਿਜ਼ਾਈਨ ਮੌਜੂਦ ਹਨ। ਨੈੱਕਲਾਈਨ ’ਚ ਵੀ ਵੈਰਾਇਟੀ ਹੈ। ਵੀ-ਨੈੱਕ, ਬੋਟ ਨੈੱਕ, ਸੁਕੇਅਰ ਨੈੱਕ ਅਤੇ ਸਵੀਟਹਾਰਟ ਨੈੱਕ ਸਭ ਟ੍ਰੈਂਡ ’ਚ ਹਨ। ਬੈਕ ਨੈੱਕ ਡਿਜ਼ਾਈਨ ’ਚ ਡੋਰੀ, ਲਟਕਣ ਅਤੇ ਡੀਪ ਬੈਕ ਸਟਾਈਲ ਮੁਟਿਆਰਾਂ ਨੂੰ ਆਕਰਸ਼ਿਤ ਕਰ ਰਿਹਾ ਹੈ।

ਬਾਟਮ ਵੀਅਰ ਦੀ ਗੱਲ ਕਰੀਏ ਤਾਂ ਇਸ ਦੇ ਨਾਲ ਪਲਾਜ਼ੋ, ਸ਼ਰਾਰਾ, ਚੂੜੀਦਾਰ ਅਤੇ ਪੈਂਟ ਸਟਾਈਲ ਸਭ ਚੱਲਦੇ ਹਨ। ਕਈ ਸੈੱਟਾਂ ’ਚ ਸਟ੍ਰੇਟ ਪੈਂਟ ਮਿਲਦੀ ਹੈ ਤੇ ਕੁਝ ’ਚ ਫਲੇਅਰਡ ਪਲਾਜ਼ੋ ਦਿੱਤਾ ਜਾਂਦਾ ਹੈ, ਜੋ ਪੂਰੀ ਲੁੱਕ ਹੋਰ ਰਾਇਲ ਬਣਾ ਦਿੰਦਾ ਹੈ। ਇਸ ਦੀ ਵੱਡੀ ਘੇਰੇ ਵਾਲੀ ਫਰਾਕ ਮੂਵਮੈਂਟ ’ਚ ਬਹੁਤ ਕੰਫਰਟੇਬਲ ਲੱਗਦੀ ਹੈ, ਇਸ ਲਈ ਸ਼ਾਪਿੰਗ, ਆਊਟਿੰਗ, ਕਾਲਜ ਤੋਂ ਲੈ ਕੇ ਫੰਕਸ਼ਨ ਤੱਕ ਹਰ ਜਗ੍ਹਾ ਇਸ ਨੂੰ ਪਹਿਨਿਆ ਜਾ ਸਕਦਾ ਹੈ। ਆਮ ਦਿਨਾਂ ’ਚ ਸਿੰਪਲ ਕਾਟਨ ਫਰਾਕ ਸੂਟ ਬੈਸਟ ਹੈ।

ਉੱਥੇ ਹੀ, ਸਪੈਸ਼ਲ ਓਕੇਜ਼ਨ ’ਤੇ ਹੈਵੀ ਐਂਬ੍ਰਾਇਡਰੀ, ਗੋਟਾ-ਪੱਤੀ, ਮਿਰਰ ਵਰਕ ਅਤੇ ਜ਼ਰੀ ਵਰਕ ਵਾਲੇ ਸੂਟ ਮੁਟਿਆਰਾਂ ਦੀ ਲੁੱਕ ਨੂੰ ਚਾਰ ਚੰਨ ਲਾ ਰਹੇ ਹਨ। ਲਾਂਗ ਫਰਾਕ ਸੂਟ ਦੇ ਨਾਲ ਦੁਪੱਟੇ ਨੂੰ ਕਈ ਤਰ੍ਹਾਂ ਨਾਲ ਕੈਰੀ ਕੀਤਾ ਜਾ ਸਕਦਾ ਹੈ। ਜਿਊਲਰੀ ’ਚ ਲਾਈਟ ਆਕਸੀਡਾਈਜ਼ਡ ਤੋਂ ਲੈ ਕੇ ਹੈਵੀ ਕੁੰਦਨ ਸੈੱਟ ਤੱਕ ਸਭ ਮੈਚ ਕਰਦਾ ਹੈ। ਫੁਟਵੀਅਰ ’ਚ ਹੀਲਜ਼, ਫਲੈਟ ਜੁੱਤੀ, ਕੋਲ੍ਹਾਪੁਰੀ ਅਤੇ ਬਲਾਕ ਹੀਲਜ਼ ਸੈਂਡਲ ਇਸ ਨਾਲ ਪਰਫੈਕਟ ਲੱਗਦੇ ਹਨ। ਕੁੱਲ ਮਿਲਾ ਕੇ ਕੰਫਰਟ, ਸਟਾਈਲ ਅਤੇ ਰਾਇਲ ਲੁੱਕ ਕਾਰਨ ਲਾਂਗ ਫਰਾਕ ਸੂਟ ਨੇ ਅੱਜ ਹਰ ਉਮਰ ਦੀਆਂ ਔਰਤਾਂ ਦੇ ਦਿਲ ’ਚ ਖਾਸ ਜਗ੍ਹਾ ਬਣਾ ਲਈ ਹੈ।