ਮੁਟਿਆਰਾਂ ਨੂੰ ਸਟਾਈਲਿਸ਼ ਲੁੱਕ ਦੇ ਰਹੇ ਹਨ ਸ਼ਰਟ ਟਾਪ

ਵੈੱਬ ਡੈਸਕ- ਅੱਜ ਦੇ ਫੈਸ਼ਨ ਟਰੈਂਡ ਵਿਚ ਸ਼ਰਟ ਟਾਪ ਮੁਟਿਆਰਾਂ ਦੇ ਸਭ ਤੋਂ ਮਨਪਸੰਦ ਕੱਪੜਿਆਂ ਵਿਚ ਸ਼ਾਮਲ ਹੋ ਗਏ ਹਨ। ਪਹਿਲਾਂ ਜਿੱਥੇ ਸ਼ਰਟ ਨੂੰ ਸਿਰਫ਼ ਫਾਰਮਲ ਵੇਅਰ ਮੰਨਿਆ ਜਾਂਦਾ ਸੀ, ਉੱਥੇ ਹੀ ਹੁਣ ਡਿਜ਼ਾਈਨਰ ਸ਼ਰਟ ਟਾਪ ਹਰ ਮੌਕੇ ਲਈ ਬੈਸਟ ਆਪਸ਼ਨ ਬਣ ਗਏ ਹਨ। ਕਾਲਰ ਡਿਜ਼ਾਈਨ, ਫਰੰਟ ਬਟਨ ਅਤੇ ਸਮਾਰਟ ਸਲੀਵਜ਼ ਦੀ ਵਜ੍ਹਾ ਨਾਲ ਇਹ ਦੇਖਣ ਵਿਚ ਬੇਹੱਦ ਆਕਰਸ਼ਕ ਲੱਗਦੇ ਹਨ। ਇਨ੍ਹਾਂ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਇਨ੍ਹਾਂ ਨੂੰ ਕੋਈ ਵੀ ਮੁਟਿਆਰ ਜਾਂ ਔਰਤ ਆਸਾਨੀ ਨਾਲ ਕੈਰੀ ਕਰ ਸਕਦੀ ਹੈ ਅਤੇ ਇਹ ਹਰ ਬਾਡੀ ਟਾਈਪ ’ਤੇ ਖੂਬਸੂਰਤ ਲੱਗਦੇ ਹਨ। ਸ਼ਰਟ ਟਾਪ ਮੁਟਿਆਰਾਂ ਦੇ ਮਨਪਸੰਦ ਇਸ ਲਈ ਵੀ ਬਣੇ ਹੋਏ ਹਨ, ਕਿਉਂਕਿ ਇਨ੍ਹਾਂ ਨੂੰ ਹਰ ਤਰ੍ਹਾਂ ਦੇ ਬਾਟਮ ਨਾਲ ਸਟਾਈਲ ਕੀਤਾ ਜਾ ਸਕਦਾ ਹੈ।

ਦਫਤਰ ਜਾਣ ਵਾਲੀਆਂ ਮੁਟਿਆਰਾਂ ਫਾਰਮਲ ਪੈਂਟ ਨਾਲ ਪਲੇਨ ਸ਼ਰਟ ਟਾਪ ਪਹਿਨ ਕੇ ਪ੍ਰੋਫੈਸ਼ਨਲ ਅਤੇ ਕਲਾਸੀ ਲੁੱਕ ਪਾ ਸਕਦੀਆਂ ਹਨ। ਕਾਲਜ ਅਤੇ ਦੋਸਤਾਂ ਨਾਲ ਆਊਟਿੰਗ ਲਈ ਜੀਨਸ ਨਾਲ ਪ੍ਰਿੰਟਿਡ ਜਾਂ ਓਵਰਸਾਈਜ਼ ਸ਼ਰਟ ਟਾਪ ਸਭ ਤੋਂ ਕੰਫਰਟੇਬਲ ਅਤੇ ਟਰੈਂਡੀ ਕੰਬੀਨੇਸ਼ਨ ਹੈ। ਪਲਾਜ਼ੋ ਅਤੇ ਪਲਾਜ਼ੋ ਪੈਂਟ ਨਾਲ ਲਾਂਗ ਸ਼ਰਟ ਟਾਪ ਇੰਡੋ-ਵੈਸਟਰਨ ਟੱਚ ਦਿੰਦਾ ਹੈ। ਗਰਮੀਆਂ ਵਿਚ ਸ਼ਾਰਟਸ ਨਾਲ ਹਾਫ਼ ਸਲੀਵ ਸ਼ਰਟ ਟਾਪ ਅਤੇ ਸ਼ਾਰਟ ਸਕਰਟ ਨਾਲ ਲੂਜ਼ ਫਿੱਟ ਸ਼ਰਟ ਟਾਪ ਕਾਫ਼ੀ ਸਟਾਈਲਿਸ਼ ਲੱਗਦੇ ਹਨ।

ਇਸ ਤੋਂ ਇਲਾਵਾ ਲਾਂਗ ਸਕਰਟ ਨਾਲ ਪ੍ਰਿੰਟਿਡ ਸ਼ਰਟ ਟਾਪ ਅਤੇ ਪ੍ਰਿੰਟਿਡ ਲਾਂਗ ਸਕਰਟ ਨਾਲ ਪਲੇਨ ਸ਼ਰਟ ਟਾਪ ਦਾ ਕੰਟ੍ਰਾਸਟ ਲੁੱਕ ਵੀ ਅੱਜਕੱਲ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਤਰ੍ਹਾਂ ਸ਼ਰਟ ਟਾਪ ਹਰ ਤਰ੍ਹਾਂ ਦੇ ਬਾਟਮ ਨਾਲ ਬਹੁਤ ਜੱਚਦੇ ਹਨ। ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ ਮਾਰਕੀਟ ਵਿਚ ਪਲੇਨ, ਪ੍ਰਿੰਟਿਡ ਅਤੇ ਐਂਬ੍ਰਾਇਡਰੀ ਵਾਲੇ ਸਾਰੇ ਤਰ੍ਹਾਂ ਦੇ ਸ਼ਰਟ ਟਾਪ ਆਸਾਨੀ ਨਾਲ ਮਿਲ ਜਾਂਦੇ ਹਨ। ਆਫ਼ਿਸ ਲਈ ਚਿੱਟੇ, ਕਰੀਮ ਅਤੇ ਪੈਸਟਲ ਸ਼ੇਡ ਦੇ ਪਲੇਨ ਸ਼ਰਟ ਟਾਪ ਜ਼ਿਆਦਾ ਪਸੰਦ ਕੀਤੇ ਜਾਂਦੇ ਹਨ, ਜਦਕਿ ਪਿਕਨਿਕ, ਟ੍ਰੈਵਲ ਅਤੇ ਕੈਜ਼ੂਅਲ ਮੀਟਅੱਪ ਲਈ ਫਲੋਰਲ, ਚੈੱਕ ਅਤੇ ਐਬਸਟ੍ਰੈਕਟ ਪ੍ਰਿੰਟ ਵਾਲੇ ਟਾਪ ਟਰੈਂਡ ਵਿਚ ਹਨ।

ਕੁਝ ਮੁਟਿਆਰਾਂ ਸ਼ਰਟ ਟਾਪ ਨੂੰ ਬਾਟਮ ਵਿਚ ਪੂਰੀ ਤਰ੍ਹਾਂ ਟੱਕ ਕਰ ਕੇ ਫਾਰਮਲ ਲੁੱਕ ਦਿੰਦੀਆਂ ਹਨ ਤਾਂ ਕੁਝ ਇਸ ਨੂੰ ਬਾਹਰ ਰੱਖ ਕੇ ਰਿਲੈਕਸਡ ਵਾਈਬ ਦਿੰਦੀਆਂ ਹਨ। ਉੱਥੇ ਹੀ ਹਾਫ਼ ਟੱਕ ਸਟਾਈਲ ਵੀ ਅੱਜਕੱਲ ਦਾ ਸਭ ਤੋਂ ਪੋਪੂਲਰ ਟਰੈਂਡ ਬਣ ਗਿਆ ਹੈ। ਸ਼ਰਟ ਟਾਪ ਸਿਰਫ਼ ਆਮ ਮੁਟਿਆਰਾਂ ਤੱਕ ਹੀ ਸੀਮਤ ਨਹੀਂ ਹਨ। ਬਾਲੀਵੁੱਡ ਅਭਿਨੇਤਰੀਆਂ ਵੀ ਏਅਰਪੋਰਟ ਲੁੱਕ ਤੋਂ ਲੈ ਕੇ ਈਵੈਂਟਸ ਤੱਕ ਵਿਚ ਵੱਖ-ਵੱਖ ਸਟਾਈਲ ਦੇ ਸ਼ਰਟ ਟਾਪ ਪਹਿਨਦੀਆਂ ਨਜ਼ਰ ਆਉਂਦੀਆਂ ਹਨ। ਫਿੱਟਿਡ ਸ਼ਰਟ ਟਾਪ ਤੋਂ ਲੈ ਕੇ ਓਵਰਸਾਈਜ਼ ਅਤੇ ਬੁਆਏਫ੍ਰੈਂਡ ਫਿੱਟ ਤੱਕ, ਹਰ ਸਟਾਈਲ ਅੱਜ ਉਪਲਬਧ ਹੈ। ਓਵਰਸਾਈਜ਼ ਸ਼ਰਟ ਟਾਪ ਗਰਮੀ ਤੋਂ ਰਾਹਤ ਦੇਣ ਦੇ ਨਾਲ-ਨਾਲ ਐਕਟਿਵ ਅਤੇ ਯੂਨੀਕ ਲੁੱਕ ਵੀ ਦਿੰਦੇ ਹਨ।