ਵੈੱਬ ਡੈਸਕ - ਗਰਮੀ ਦੇ ਮੌਸਮ 'ਚ ਜੇਕਰ ਇਕ ਗਲਾਸ ਠੰਢੀ-ਠੰਢੀ ਅਤੇ ਝੱਗ ਵਾਲੀ ਕੋਲਡ ਕੋਫੀ ਮਿਲ ਜਾਵੇ, ਤਾਂ ਸਾਰੀ ਥਕਾਵਟ ਮਿੰਟਾਂ 'ਚ ਦੂਰ ਹੋ ਜਾਂਦੀ ਹੈ। ਅਕਸਰ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਘਰ 'ਚ ਬਾਜ਼ਾਰ ਵਰਗੀ ਝੱਗ ਵਾਲੀ ਕੋਫੀ ਨਹੀਂ ਬਣਦੀ। ਪਰ ਹੁਣ ਚਿੰਤਾ ਛੱਡੋ! ਅਸੀਂ ਤੁਹਾਡੇ ਲਈ ਲੈ ਕੇ ਆਏ ਹਾਂ ਅਜਿਹਾ ਤਰੀਕਾ, ਜਿਸ ਨਾਲ ਤੁਸੀਂ ਮਿੰਟਾਂ 'ਚ Restaurant Style Cold Coffee ਤਿਆਰ ਕਰ ਸਕੋਗੇ।

ਸਮੱਗਰੀ :-

ਕੋਫੀ ਪਾਊਡਰ - 2 ਚਮਚ
ਖੰਡ - 3 ਚਮਚ (ਸਵਾਦ ਅਨੁਸਾਰ)
ਗਰਮ ਪਾਣੀ - 2 ਚਮਚ
ਠੰਢਾ ਦੁੱਧ - 2 ਕੱਪ (Full Cream)
ਬਰਫ਼ ਦੇ ਟੁਕੜੇ - 4-5
ਚਾਕਲੇਟ ਸਿਰਪ -ਸਜਾਵਟ ਲਈ (ਵਿਕਲਪਿਕ)

ਬਣਾਉਣ ਦਾ ਸਹੀ ਤਰੀਕਾ :-

• ਸਭ ਤੋਂ ਪਹਿਲਾਂ ਇਕ ਕੱਪ 'ਚ ਕੋਫੀ ਪਾਊਡਰ, ਖੰਡ ਅਤੇ 2 ਚਮਚ ਗਰਮ ਪਾਣੀ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ ਜਦੋਂ ਤੱਕ ਖੰਡ ਘੁਲ ਨਾ ਜਾਵੇ।
• ਹੁਣ ਇਕ ਮਿਕਸੀ ਜਾਰ 'ਚ ਇਹ ਕੋਫੀ ਮਿਸ਼ਰਣ, ਬਿਲਕੁਲ ਠੰਢਾ ਦੁੱਧ ਅਤੇ ਬਰਫ਼ ਦੇ ਟੁਕੜੇ ਪਾਓ।
• ਮਿਕਸੀ ਨੂੰ ਲਗਾਤਾਰ ਚਲਾਉਣ ਦੀ ਬਜਾਏ 30 ਸਕਿੰਟ ਲਈ ਚਲਾਓ, ਫਿਰ ਰੁਕੋ ਅਤੇ ਫਿਰ ਚਲਾਓ। ਇਸ ਤਰ੍ਹਾਂ ਕਰਨ ਨਾਲ ਕੋਫੀ ਉੱਪਰ ਬਹੁਤ ਵਧੀਆ ਅਤੇ ਗਾੜ੍ਹੀ ਝੱਗ ਬਣੇਗੀ।
• ਇਕ ਸ਼ੀਸ਼ੇ ਦੇ ਗਲਾਸ ਨੂੰ ਚਾਕਲੇਟ ਸਿਰਪ ਨਾਲ ਸਜਾਓ ਅਤੇ ਉਸ 'ਚ ਤਿਆਰ ਕੀਤੀ ਕੋਫੀ ਪਾਓ।
• ਉੱਪਰੋਂ ਬਚੀ ਹੋਈ ਝੱਗ ਪਾਓ ਅਤੇ ਥੋੜ੍ਹਾ ਜਿਹਾ ਕੋਫੀ ਪਾਊਡਰ ਛਿੜਕ ਕੇ ਠੰਢੀ-ਠੰਢੀ ਸਰਵ ਕਰੋ।