ਚਿਹਰੇ ਤੇ ਵਾਲਾਂ ਨੂੰ ਚਮਕਦਾਰ ਬਣਾਉਣ ਲਈ ਬੇਹੱਦ ਕਾਰਗਰ ਨੇ ਇਹ ਛੋਟੇ-ਛੋਟੇ ਬਿਊਟੀ ਟਿਪਸ
05/14/2022 4:48:53 PM
ਨਵੀਂ ਦਿੱਲੀ- ਖੂਬਸੂਰਤ ਚਿਹਰਾ ਹਰ ਕਿਸੇ ਨੂੰ ਪਸੰਦ ਹੁੰਦਾ ਹੈ। ਪਰ ਅੱਜ ਕੱਲ੍ਹ ਦੇ ਬਿਊਟੀ ਪ੍ਰੋਡੈਕਸਟ ਚਿਹਰੇ ਦਾ ਨਿਖਾਰ ਖੋਹ ਰਹੇ ਹਨ। ਰੰਗਤ ਵੀ ਦਿਨ ਪ੍ਰਤੀਦਿਨ ਫਿੱਕੀ ਪੈਂਦੀ ਜਾ ਰਹੀ ਹੈ। ਪਾਰਲਰ ਜਾ ਕੇ ਚਿਹਰੇ 'ਤੇ ਚਮਕ ਨਹੀਂ ਆ ਪਾਉਂਦੀ। ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਤਰੀਕੇ ਦੱਸਾਂਗੇ ਜੋ ਤੁਹਾਡੀ ਬਿਊਟੀ ਨਿਖਾਰਨ 'ਚ ਤੁਹਾਡੀ ਮਦਦ ਕਰਨਗੇ। ਆਓ ਜਾਣਦੇ ਹਾਂ ਉਨ੍ਹਾਂ ਦੇ ਬਾਰੇ 'ਚ...
ਕੈਸਟਰ ਆਇਲ ਦਾ ਕਰੋ ਇਸਤੇਮਾਲ
ਡਿੱਗਦੀਆਂ ਪਲਕਾਂ ਨੂੰ ਝੜਣ ਤੋਂ ਰੋਕਣ ਲਈ ਕੈਸਟਰ ਆਇਲ ਦੀ ਵਰਤੋਂ ਬਹੁਤ ਹੀ ਕਾਰਗਰ ਹੈ
ਸਾਂਵਲੀ ਚਮੜੀ ਦੀ ਨਿਖਾਰੋ ਰੰਗਤ
ਸਾਂਵਲੇ ਰੰਗ ਦੀ ਚਮੜੀ ਨੂੰ ਨਿਖਾਰਨ ਲਈ ਵੇਸਣ 'ਚ ਥੋੜ੍ਹਾ ਜਿਹਾ ਕੱਚਾ ਦੁੱਧ ਤੇ ਹਲਦੀ ਪਾਊਡਰ ਮਿਲਾ ਕੇ ਪੇਸਟ ਬਣਾਓ ਅਤੇ ਚਿਹਰੇ ’ਤੇ ਲਗਾਓ।
ਮੋਟੀਆਂ ਅਤੇ ਸੰਘਣੀਆਂ ਪਲਕਾਂ ਲਈ
ਪਲਕਾਂ ਨੂੰ ਸੰਘਣਾ ਅਤੇ ਮੋਟਾ ਕਰਨ ਲਈ ਆਰੰਡੀ ਦੇ ਤੇਲ ਦੀ ਵਰਤੋਂ ਬਹੁਤ ਹੀ ਕਾਰਗਰ ਹੈ ਪਰ ਯਾਦ ਰਹੇ ਕਿ ਅੱਖਾਂ 'ਚ ਨਾ ਜਾ ਪਾਏ।
ਝੁਰੜੀਆਂ ਹੋਣਗੀਆਂ ਖਤਮ
ਝੁਰੜੀਆਂ ਨੂੰ ਸਮਾਪਤ ਕਰਨ ਲਈ ਸ਼ਹਿਦ 'ਚ ਬਦਾਮ ਪੀਸ ਕੇ ਮਿਲਾਓ ਤੇ ਫਿਰ ਇਸ ਪੇਸਟ ਨੂੰ ਚਿਹਰੇ ’ਕੇ 15 ਮਿੰਟਾਂ ਲਈ ਲਗਾ ਕੇ ਛੱਡ
ਦਿਓ।
ਰੁੱਖੇ ਵਾਲ ਹੋਣਗੇ ਮੁਲਾਇਮ
ਵਾਲਾਂ 'ਚ ਸਿੱਕਰੀ ਦੀ ਸਮੱਸਿਆ ਪੈਦਾ ਹੋ ਗਈ ਹੈ ਤਾਂ ਵਾਲਾਂ 'ਚ ਜੈਤੂਨ ਦਾ ਤੇਲ ਹਲਕਾ ਕੋਸਾ ਕਰਕੇ ਉਸ 'ਚ ਨਿੰਬੂ ਦੇ ਰਸ ਦੀਆਂ 3-4 ਬੂੰਦਾਂ ਮਿਲਾ ਕੇ ਉਸ ਨੂੰ ਵਾਲਾਂ 'ਚ ਲਗਾਓ। ਇਸ ਦੀ ਵਰਤੋਂ ਨਾਲ ਸਿੱਕਰੀ ਤੋਂ ਫਾਇਦਾ ਮਿਲੇਗਾ।
ਕਿੱਲ ਮੁਹਾਸਿਆਂ ਦੇ ਦਾਗ ਹੋਣਗੇ ਦੂਰ
ਕਿੱਲ ਮੁਹਾਸਿਆਂ ਦੇ ਧੱਬਿਆਂ ਨੂੰ ਦੂਰ ਕਰਨ ਲਈ ਚੌਲਾਂ ਦੇ ਆਟੇ 'ਚ ਮਸੂਰ ਦੀ ਦਾਲ ਦਾ ਆਟਾ ਤੇ ਹਲਦੀ ਨੂੰ ਕੱਚੇ ਪਪੀਤੇ ਦੇ ਰਸ 'ਚ ਪੇਸਟ ਬਣਾ ਕੇ ਚਿਹਰੇ ’ਤੇ ਲਗਾਓ ਅਤੇ ਸੁੱਕਣ ’ਤੇ ਚਿਹਰਾ ਧੋ ਲਓ।
ਚੇਚਕ ਦੇ ਦਾਗ ਹੋਣਗੇ ਘੱਟ
ਚੇਚਕ ਦੇ ਦਾਗ ਨੂੰ ਹਲਕਾ ਕਰਨ ਲਈ ਆਂਡੇ ਦੀ ਸਫੈਦੀ 'ਚ ਨਿੰਬੂ ਦੇ ਰਸ ਦੀਆਂ ਕੁਝ ਬੂੰਦਾਂ ਮਿਲਾ ਕੇ ਇਸ ਮਿਸ਼ਰਣ ਨੂੰ ਬਰੱਸ਼ ਦੀ ਸਹਾਇਤਾ ਨਾਲ ਲਗਾਓ। ਆਂਡੇ ਦੀ ਜਗ੍ਹਾ ਤੁਸੀਂ ਦਹੀਂ ਦੀ ਵਰਤੋਂ ਵੀ ਕਰ ਸਕਦੇ ਹੋ।
ਸਿੱਕਰੀ ਦੀ ਸਮੱਸਿਆ
ਸਿੱਕਰੀ ਦੀ ਸਮੱਸਿਆ ਦੇ ਹੱਲ ਲਈ ਪਿਆਜ਼ ਦੇ ਰਸ ਨੂੰ ਵਾਲਾਂ ਦੀਆਂ ਜੜ੍ਹਾਂ 'ਚ ਲਗਾਓ ਤੇ ਸੁੱਕ ਜਾਣ ’ਤੇ ਧੋ ਲਓ।