ਅਜਿਹਾ ਦੇਸ਼ ਜਿਥੇ ਕਦੇ ਨਹੀਂ ਹੋਏ Election! ਜਾਣੋਂ ਕੀ ਹੈ ਕਾਰਨ

ਵੈੱਬ ਡੈਸਕ : ਅੱਜ ਭਾਰਤ ਵਿਚ ਵਨ ਨੇਸ਼ਨ ਵਨ ਇਲੈਕਸ਼ਨ ਦੀ ਗੱਲ ਹੋ ਰਹੀ ਹੈ। ਪਰ ਦੁਨੀਆ ਵਿਚ ਇਕ ਅਜਿਹਾ ਵੀ ਮੁਲਕ ਹੈ ਜਿਥੇ ਕਦੇ ਵੀ ਚੋਣਾਂ ਨਹੀਂ ਹੋਈਆਂ। ਪਹਿਲਾਂ ਇਹ ਦੇਸ਼ ਦੂਜੇ ਦੇਸ਼ਾਂ ਦੇ ਅਧੀਰ ਰਿਹਾ। ਕਈ ਸਾਲਾਂ ਤਕ ਸੁਤੰਤਰਤਾ ਦੇ ਲਈ ਲੜਾਈ ਲੜੀ। ਉਸ ਤੋਂ ਬਾਅਦ ਜਦੋਂ ਆਜ਼ਾਦ ਹੋਇਆ ਉਦੋਂ ਤੋਂ ਉਥੇ ਕਦੀ ਚੋਣਾਂ ਨਹੀਂ ਹੋਏ ਹਨ।

ਆਜ਼ਾਦੀ ਮਿਲਣ ਦੇ ਬਾਅਦ ਤੋਂ ਇਸ ਦੇਸ਼ ਵਿਚ ਅੱਜਤਕ ਕਦੇ ਚੋਣਾਂ ਨਹੀਂ ਹੋਈਆਂ 1993 ਤੋਂ ਲੈ ਕੇ ਅਜੇ ਤਕ ਇਥੇ ਇਕੋ ਵਿਅਕਤੀ ਸ਼ਾਸਨ ਕਰ ਰਿਹਾ ਹੈ। ਅਫਰੀਕਾ ਮਹਾਦੇਸ਼ ਵਿਚ ਸਥਿਤ ਇਸ ਦੇਸ਼ ਦਾ ਨਾਂ ਹੈ ਇਰੀਟ੍ਰਿਆ, ਇਥੇ ਕਦੇ ਵੀ ਚੋਣ ਨਹੀਂ ਹੋਈ ਹੈ। ਇਰੀਟ੍ਰਿਆ ਨੇ 30 ਸਾਲ ਦੇ ਯੁੱਧ ਤੋਂ ਬਾਅਦ 1993 ਵਿਚ ਇਥੋਪੀਆ ਤੋਂ ਸੁਤੰਤਰਤਾ ਹਾਸਲ ਕੀਤੀ। ਰਾਸ਼ਟਰਪਤੀ ਇਸਾਈਸ ਅਫਵਰਕੀ ਨੇ 1993 ਵਿਚ ਇਰੀਟ੍ਰਿਆ ਦੇ ਸੁਤੰਤਰ ਦੇਸ਼ ਬਣਨ ਤੋਂ ਬਾਅਦ ਤੋਂ ਹੀ ਇਸ ਦੇਸ਼ ਉੱਤੇ ਸ਼ਾਸਨ ਕੀਤਾ ਹੈ। 

ਇਸ ਦੇਸ਼ ਵਿਚ ਰਾਸ਼ਟਰਪਤੀ ਇਸਾਈਸ ਅਫਵਰਕੀ ਦੀ ਪੀਪੁਲਸ ਫਰੰਟ ਫਾਰ ਡੈਮੋਕਰੇਸੀ ਐਂਡ ਜਸਟਿਸ ਹੀ ਇਕਲੌਤੀ ਸਿਆਸੀ ਪਾਰਟੀ ਹੈ। ਇਸ ਤੋਂ ਇਲਾਵਾ ਹੋਰ ਕੋਈ ਦੂਜੀ ਪਾਰਟੀ ਨਹੀਂ ਹੈ। 1997 ਵਿਚ ਇਕ ਰਾਸ਼ਟਰਪਤੀ ਚੋਣ ਕਰਵਾਉਣ ਦੀ ਤਿਆਰੀ ਕੀਤੀ ਗਈ ਸੀ ਪਰ ਇਹ ਕਦੇ ਵੀ ਮੁਮਕਿਨ ਨਹੀਂ ਹੋ ਸਕਿਆ। ਨਾਲ ਹੀ ਇਥੇ ਕਦੇ ਸੰਵਿਧਾਨ ਨੂੰ ਵੀ ਲਾਗੂ ਨਹੀਂ ਕੀਤਾ ਗਿਆ ਹੈ।

ਇਸਾਈਸ ਅਫਵਰਕੀ 1966 ਵਿਚ ਉਹ ਇਥੋਪੀਆ ਤੋਂ ਸੁਤੰਤਰਤਾ ਦੀ ਲੜਾਈ ਵਿਚ ਸ਼ਾਮਲ ਹੋ ਗਏ ਤੇ ਬਾਅਦ ਵਿਚ ਇਰੀਟ੍ਰਿਆ ਪੀਪਲਸ ਲਿਬਰੇਸ਼ਨ ਫਰੰਟ ਦੀ ਸਥਾਪਨਾ ਕੀਤੀ ਤੇ ਇਸ ਦੀ ਅਗਵਾਈ ਕੀਤੀ। ਸੁਤੰਤਰਤਾ ਦੇ ਲਈ 1993 ਦੀ ਰਾਏਸ਼ੁਮਾਰੀ ਤੋਂ ਬਾਅਦ ਉਨ੍ਹਾਂ ਨੂੰ ਰਾਸ਼ਟਰਪਤੀ ਤੇ ਸੰਸਦ ਦਾ ਪ੍ਰਧਾਨ ਚੁਣਿਆ ਗਿਆ, ਜਿਸ ਨਾਲ ਉਨ੍ਹਾਂ ਨੂੰ ਸਰਕਾਰ ਦੀ ਕਾਰਵਾਈ ਤੇ ਵਿਧਾਇਕੀ ਦੋਵਾਂ ਸ਼ਾਖਾਵਾਂ ਉੱਤੇ ਕੰਟਰੋਲ ਮਿਲਿਆ।

ਇਰੀਟ੍ਰਿਆ ਇਕ ਪੱਖੀ ਰਾਜ ਤੇ ਵਧੇਰੇ ਫੌਜੀ ਸਮਾਜ ਹੈ। ਇਸ ਨੂੰ ਸਰਕਾਰ ਨੇ ਇਥੋਪੀਆ ਦੇ ਨਾਲ ਜੰਗ ਦੇ ਖਤਰੇ ਦਾ ਹਵਾਲਾ ਦੇ ਕੇ ਸਹੀ ਠਹਿਰਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਸੰਘਰਸ਼ ਤੇ ਗੰਭੀਰ ਸੋਕੇ ਦੀ ਲੰਬੀ ਮਿਆਦ ਨੇ ਇਰੀਟ੍ਰਿਆ ਦੀ ਖੇਤੀ ਅਰਥਵਿਵਸਥਾ ਨੂੰ ਬਹੁਤ ਜ਼ਿਆਦਾ ਪ੍ਰਭਾਵਿਤ ਕੀਤਾ ਹੈ ਤੇ ਇਹ ਅਫਰੀਕਾ ਦੇ ਸਭ ਤੋਂ ਗਰੀਬ ਦੇਸ਼ਾਂ ਵਿਚੋਂ ਇਕ ਬਣਿਆ ਹੋਇਆ ਹੈ।