ਦੁੱਧ ਮੂੰਹੇ ਬੱਚੇ ਨੂੰ ਔਰਤ ਨੇ ਫੁੱਟਬਾਲ ਵਾਂਗ ਹਵਾ 'ਚ ਉਛਾਲਿਆ, ਸੱਚ ਸਾਹਮਣੇ ਆਉਣ 'ਤੇ ਲੋਕ ਹੋਏ ਹੈਰਾਨ

ਇੰਟਰਨੈਸ਼ਨਲ ਡੈਸਕ- ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਦੇਖਿਆ ਜਾ ਸਕਦਾ ਹੈ ਕਿ ਨੀਲੇ ਰੰਗ ਦਾ ਗਾਊਨ ਪਹਿਨੇ ਇਕ ਔਰਤ ਦੁੱਧ ਮੂੰਹੇ ਬੱਚੇ ਨੂੰ ਹਵਾ 'ਚ ਉਛਾਲ ਕੇ ਪਿੱਛੇ ਸੁੱਟ ਦਿੰਦੀ ਹੈ। ਇਹ ਭਿਆਨਕ ਮੰਜ਼ਰ ਦੇਖ ਕੇ ਦਿਲ ਦੀ ਧੜਕਣ ਪਲ ਭਰ ਲਈ ਰੁਕ ਜਾਂਦੀ ਹੈ। ਹਰ ਕਿਸੇ ਦੇ ਮਨ ਵਿੱਚ ਖਿਆਲ ਆਉਂਦਾ ਹੈ ਕਿ ਅੱਗੇ ਕੀ ਹੋਵੇਗਾ? ਪਰ ਪਿੱਛੇ ਮੌਜੂਦ ਕਈ ਔਰਤਾਂ ਬੱਚੇ ਨੂੰ ਫੜਨ ਦੀ ਬਜਾਏ ਉਥੋਂ ਹਟ ਜਾਂਦੀਆਂ ਹਨ। ਜਦੋਂ ਨੀਲੇ ਗਾਊਨ ਵਾਲੀ ਔਰਤ ਨੇ ਪਿੱਛੇ ਮੁੜ ਕੇ ਦੇਖਿਆ ਤਾਂ ਪਤਾ ਲੱਗਾ ਕਿ ਬੱਚਾ ਹੇਠਾਂ ਡਿੱਗ ਪਿਆ ਹੈ ਪਰ ਔਰਤ ਦੇ ਚਿਹਰੇ 'ਤੇ ਹਾਵ-ਭਾਵ ਸਾਫ਼ ਦਿਖਾਈ ਦੇ ਰਹੇ ਹਨ ਜਿਵੇਂ ਕੁਝ ਹੋਇਆ ਹੀ ਨਾ ਹੋਵੇ। ਇਸ ਦਾ ਕਾਰਨ ਵੀ ਕੁਝ ਸਮੇਂ ਬਾਅਦ ਪਤਾ ਲੱਗ ਜਾਂਦਾ ਹੈ। ਜਿਵੇਂ ਹੀ ਕੈਮਰਾ ਨੇੜੇ ਜਾਂਦਾ ਹੈ, ਇਹ ਸਪੱਸ਼ਟ ਹੋ ਜਾਂਦਾ ਹੈ ਕਿ ਬੱਚਾ ਅਸਲੀ ਨਹੀਂ ਸੀ। ਪਰ ਪਹਿਲੀ ਵਾਰ ਇਸ ਦ੍ਰਿਸ਼ ਨੂੰ ਵੇਖਣ ਵਾਲੇ ਬਹੁਤੇ ਲੋਕ ਉਲਝਣ ਵਿਚ ਪੈ ਗਏ।

ਵਾਇਰਲ ਹੋ ਰਹੀ ਇਸ ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਇਹ ਔਰਤਾਂ ਇੱਕ ਗੇਮ ਖੇਡ ਰਹੀਆਂ ਹਨ। ਇਨ੍ਹਾਂ 'ਚੋਂ ਨੀਲੇ ਗਾਊਨ 'ਚ ਔਰਤ ਦੇ ਹੱਥ 'ਚ ਇਕ ਖਿਡੌਣਾ ਬੱਚਾ ਨਜ਼ਰ ਆ ਰਿਹਾ ਹੈ, ਜੋ ਬਿਲਕੁਲ ਅਸਲੀ ਬੱਚੇ ਵਰਗਾ ਹੈ। ਪਿੱਛੇ ਮੌਜੂਦ ਔਰਤਾਂ ਵੀ ਮੁਸਕਰਾ ਰਹੀਆਂ ਹਨ। ਨੀਲੇ ਗਾਊਨ ਵਾਲੀ ਔਰਤ ਗਿਣਤੀ ਕਰ ਕੇ ਖਿਡੌਣਾ ਬੱਚੇ ਨੂੰ ਜ਼ੋਰ ਨਾਲ ਹਵਾ ਵਿਚ ਉਛਾਲ ਕੇ ਪਿੱਛੇ ਸੁੱਟ ਦਿੰਦੀ ਹੈ। ਜਿਵੇਂ ਹੀ ਖਿਡੌਣਾ ਬੱਚਾ ਦੂਜੀਆਂ ਔਰਤਾਂ ਦੇ ਨੇੜੇ ਜਾਂਦਾ ਹੈ, ਉਹ ਸਾਰੀਆਂ ਅੱਗੇ-ਪਿੱਛੇ ਭੱਜਣ ਲੱਗ ਪੈਂਦੀਆਂ ਹਨ। ਨੀਲੇ ਗਾਊਨ ਵਾਲੀ ਔਰਤ ਪਿੱਛੇ ਮੁੜ ਕੇ ਪੁੱਛਦੀ ਹੈ ਕਿ ਕੀ ਹੋਇਆ? ਫਿਰ ਉਹ ਮੁਸਕਰਾਉਂਦੇ ਹੋਏ ਮੁੜਦੀ ਹੈ। ਹਾਲਾਂਕਿ ਇਹ ਕਿਹੜੀ ਗੇਮ ਹੈ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲ ਸਕੀ ਹੈ ਪਰ ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਹੈਰਾਨ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਰਾਮ ਮੰਦਰ ਦੀ ਪ੍ਰਤੀਕ੍ਰਿਤੀ ਨਿਊਯਾਰਕ 'ਚ 'ਭਾਰਤ ਦਿਵਸ' 'ਤੇ ਹੋਣ ਵਾਲੀ ਪਰੇਡ ਦਾ ਹੋਵੇਗੀ ਹਿੱਸਾ

ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ 'ਤੇ @beauty_forever_hair ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਔਰਤ ਦੇ ਹੱਥ 'ਚ ਫੜੇ ਖਿਡੌਣਾ ਬੱਚੇ ਨੂੰ ਦੇਖ ਕੇ ਲੱਗਦਾ ਹੈ ਜਿਵੇਂ ਉਹ ਵੀ ਮੁਸਕਰਾ ਰਿਹਾ ਹੋਵੇ। ਹੁਣ ਤੱਕ ਇਸ ਵੀਡੀਓ ਨੂੰ 32 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਇਸ ਦੇ ਨਾਲ ਹੀ ਇਸ ਨੂੰ 19 ਹਜ਼ਾਰ ਲੋਕਾਂ ਨੇ ਲਾਈਕ ਕੀਤਾ ਹੈ, ਜਦਕਿ ਪੰਜ ਸੌ ਤੋਂ ਵੱਧ ਕਮੈਂਟਸ ਆ ਚੁੱਕੇ ਹਨ। ਗਿਲਿਅਨ (@gillianscott46) ਨਾਮ ਦੇ ਇੱਕ ਯੂਜ਼ਰ ਨੇ ਲਿਖਿਆ ਹੈ ਕਿ ਪਹਿਲਾਂ ਮੈਂ ਸੋਚਿਆ ਕਿ ਇਹ ਇੱਕ ਅਸਲੀ ਬੱਚਾ ਹੈ। ਜਦੋਂ ਕਿ ਨਤਾਲੀਆ (@songbird1977) ਨੇ ਟਿੱਪਣੀ ਕੀਤੀ ਕਿ ਇਸ ਵਿੱਚ ਕੁਝ ਵੀ ਮਜ਼ਾਕੀਆ ਨਹੀਂ ਹੈ। ਇਸ ਗੇਮ ਬਾਰੇ ਦੱਸਦੇ ਹੋਏ ਜੇਨਾ (@jenafrumes) ਨੇ ਲਿਖਿਆ ਹੈ ਕਿ ਇਸ ਦੇ ਪਿੱਛੇ ਮੌਜੂਦ ਔਰਤਾਂ 'ਚੋਂ ਕੋਈ ਵੀ ਗਰਭਵਤੀ ਨਹੀਂ ਹੋਣਾ ਚਾਹੁੰਦੀ। ਇਹ ਇੱਕ ਮਜ਼ੇਦਾਰ ਬੇਬੀ ਸ਼ਾਵਰ ਵਿਚਾਰ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।