ਟਰੰਪ ਨੇ ਰੱਦ ਕੀਤੀ ਤਾਲਿਬਾਨ ਨਾਲ ਸ਼ਾਂਤੀ ਵਾਰਤਾ, ਇਹ ਹੈ ਵਜ੍ਹਾ

ਵਾਸ਼ਿੰਗਟਨ (ਬਿਊਰੋ)— ਕਾਬੁਲ ਵਿਚ ਇਕ ਅਮਰੀਕੀ ਫੌਜੀ ਦੀ ਹੱਤਿਆ ਦੇ ਬਾਅਦ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਅਫਗਾਨਿਸਤਾਨ ਵਿਚ ਤਾਲਿਬਾਨ ਨਾਲ ਸ਼ਾਂਤੀ ਵਾਰਤਾ ਰੱਦ ਕਰ ਦਿੱਤੀ ਹੈ। ਇਸ ਦੀ ਜਾਣਕਾਰੀ ਖੁਦ ਟਰੰਪ ਨੇ ਇਕ ਟਵੀਟ ਜ਼ਰੀਏ ਦਿੱਤੀ। ਟਰੰਪ ਨੇ ਟਵੀਟ ਵਿਚ ਲਿਖਿਆ,''ਕਾਬੁਲ ਵਿਚ ਇਕ ਹਮਲੇ ਵਿਚ ਸਾਡੇ ਇਕ ਮਹਾਨ ਫੌਜੀ ਅਤੇ 11 ਲੋਕਾਂ ਦੀ ਮੌਤ ਹੋ ਗਈ। ਮੈਂ ਤੁਰੰਤ ਪ੍ਰਭਾਵ ਨਾਲ ਇਹ ਮੀਟਿੰਗ ਰੱਦ ਕਰਦਾ ਹਾਂ ਅਤੇ ਸ਼ਾਂਤੀ ਸਮਝੌਤੇ ਨੂੰ ਵੀ ਬੰਦ ਕਰਦਾ ਹਾਂ।'' ਟਰੰਪ ਨੇ ਕਿਹਾ ਕਿ ਸੌਦੇਬਾਜ਼ੀ ਦੀ ਸਥਿਤੀ ਨੂੰ ਮਜ਼ਬੂਤ ਕਰਨ ਲਈ ਕਿੰਝ ਕੁਝ ਲੋਕ ਦੂਜੇ ਲੋਕਾਂ ਨੂੰ ਮਾਰ ਸਕਦੇ ਹਨ।

....an attack in Kabul that killed one of our great great soldiers, and 11 other people. I immediately cancelled the meeting and called off peace negotiations. What kind of people would kill so many in order to seemingly strengthen their bargaining position? They didn’t, they....

— Donald J. Trump (@realDonaldTrump) September 7, 2019

ਟਰੰਪ ਨੇ ਅੱਗੇ ਕਿਹਾ,''ਤਾਲਿਬਾਨ ਨੇ ਸਥਿਤੀ ਨੂੰ ਹੋਰ ਬਦਤਰ ਬਣਾ ਦਿੱਤਾ ਹੈ। ਜੇਕਰ ਉਹ ਇਨ੍ਹਾਂ ਮਹੱਤਵਪੂਰਣ ਸ਼ਾਂਤੀ ਵਾਰਤਾ ਦੌਰਾਨ ਜੰਗਬੰਦੀ ਲਈ ਸਹਿਮਤ ਨਹੀਂ ਹੋ ਸਕਦੇ ਹਨ ਅਤੇ ਇੱਥੇ ਤੱਕ ਕਿ 12 ਬੇਕਸੂਰ ਲੋਕਾਂ ਨੂੰ ਮਾਰ ਸਕਦੇ ਹਨ ਤਾਂ ਸ਼ਾਇਦ ਉਹ ਇਕ ਸਾਰਥਕ ਸਮਝੌਤੇ 'ਤੇ ਗੱਲਬਾਤ ਕਰਨ ਦੀ ਤਾਕਤ ਨਹੀਂ ਰੱਖਦੇ। ਕਿੰਨੇ ਹੋਰ ਸਾਲਾਂ ਤੱਕ ਉਹ ਲੜਨ ਲਈ ਤਿਆਰ ਹਨ? ਟਰੰਪ ਨੇ ਟਵੀਟ ਵਿਚ ਦੱਸਿਆ ਕਿ ਵੱਡੇ ਤਾਲਿਬਾਨੀ ਨੇਤਾ ਅਤੇ ਅਫਗਾਨਿਸਤਾਨ ਦੇ ਰਾਸ਼ਟਰਪਤੀ ਐਤਵਾਰ ਨੂੰ ਗੁਪਤ ਤਰੀਕੇ ਨਾਲ ਕੈਂਪ ਡੈਵਿਡ ਵਿਚ ਉਨ੍ਹਾਂ ਨਾਲ ਮਿਲਣ ਆ ਰਹੇ ਸਨ। ਅੱਜ ਰਾਤ ਉਨ੍ਹਾਂ ਨੇ ਅਮਰੀਕਾ ਆਉਣਾ ਸੀ। ਇਹ ਸਾਫ ਹੋ ਗਿਆ ਕਿ ਬਦਕਿਸਮਤੀ ਨਾਲ ਝੂਠੇ ਲਾਭ ਲੈਣ ਲਈ ਉਨ੍ਹਾਂ ਨੇ ਅਜਿਹਾ ਕੀਤਾ।

Unbeknownst to almost everyone, the major Taliban leaders and, separately, the President of Afghanistan, were going to secretly meet with me at Camp David on Sunday. They were coming to the United States tonight. Unfortunately, in order to build false leverage, they admitted to..

— Donald J. Trump (@realDonaldTrump) September 7, 2019

ਸ਼ੁੱਕਰਵਾਰ ਨੂੰ ਪਹਿਲਾਂ ਦੱਸਿਆ ਗਿਆ ਸੀ ਕਿ ਅਫਗਾਨ ਦੇ ਰਾਸ਼ਟਰਪਤੀ ਅਸ਼ਰਫ ਗਨੀ 13 ਮੈਂਬਰੀ ਵਫਦ ਨਾਲ ਸ਼ਨੀਵਾਰ ਨੂੰ ਅਮਰੀਕਾ ਦੀ ਯਾਤਰਾ ਕਰਨਗੇ ਅਤੇ 9 ਸਤੰਬਰ ਨੂੰ ਰਾਸ਼ਟਰਪਤੀ ਟਰੰਪ ਨਾਲ ਮੁਲਾਕਾਤ ਕਰਨਗੇ। ਟਰੰਪ ਨੇ ਇਸ ਤੋਂ ਪਹਿਲਾਂ ਹੀ ਸਾਫ ਕਰ ਦਿੱਤਾ ਕਿ ਉਹ ਫੌਜੀ ਦੀ ਹੱਤਿਆ ਕਾਰਨ ਬੈਠਕ ਰੱਦ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਅਫਗਾਨ ਸਰਕਾਰ ਨੇ ਅਮਰੀਕਾ ਅਤੇ ਤਾਲਿਬਾਨ ਵਿਚ ਸ਼ਾਂਤੀ ਸਮਝੌਤੇ ਦੇ ਨਕਰਾਤਮਕ ਪਹਿਲੂਆਂ 'ਤੇ ਚਿੰਤਾ ਜ਼ਾਹਰ ਕੀਤੀ ਸੀ।