ਭੰਨਤੋੜ ਤੋਂ ਡੇਢ ਸਾਲ ਬਾਅਦ ਨਿਊਯਾਰਕ 'ਚ ਮਹਾਤਮਾ ਗਾਂਧੀ ਦੇ ਨਵੇਂ ਬੁੱਤ ਦਾ ਕੀਤਾ ਗਿਆ ਉਦਘਾਟਨ

ਨਿਊਯਾਰਕ (ਏਜੰਸੀ) : ਨਿਊਯਾਰਕ ਸਿਟੀ ਦੇ ਮੇਅਰ ਐਰਿਕ ਐਡਮਜ਼ ਅਤੇ ਭਾਰਤੀ-ਅਮਰੀਕੀ ਰਾਜ ਵਿਧਾਨ ਸਭਾ ਮੈਂਬਰ ਜੈਨੀਫਰ ਰਾਜਕੁਮਾਰ ਨੇ ਇੱਥੇ ਕੁਈਨਜ਼ ਵਿੱਚ ਇੱਕ ਹਿੰਦੂ ਮੰਦਰ ਦੇ ਬਾਹਰ ਮਹਾਤਮਾ ਗਾਂਧੀ ਦੇ ਨਵੇਂ ਬੁੱਤ ਦਾ ਉਦਘਾਟਨ ਕੀਤਾ। ਇਕ ਸਾਲ ਤੋਂ ਵੱਧ ਸਮਾਂ ਪਹਿਲਾਂ 2 ਵਾਰ ਤੋੜੇ ਗਏ ਬੁੱਤ ਦੀ ਥਾਂ ਇਹ ਬੁੱਤ ਲਗਾਇਆ ਗਿਆ ਹੈ। ਰਿਚਮੰਡ ਹਿੱਲ ਦੀ 111ਵੀਂ ਸਟਰੀਟ 'ਤੇ ਸ਼੍ਰੀ ਤੁਲਸੀ ਮੰਦਰ ਦੇ ਸਾਹਮਣੇ ਸਥਿਤ, ਗਾਂਧੀ ਦੇ ਬੁੱਤ ਨੂੰ 3 ਅਤੇ 16 ਅਗਸਤ 2022 ਨੂੰ ਕੁੱਝ ਸ਼ਰਾਰਤੀ ਅਨਸਰਾਂ ਵੱਲੋਂ ਤੋੜ ਦਿੱਤਾ ਗਿਆ ਸੀ ਅਤੇ ਸਪਰੇਅ ਨਾਲ ਇਤਰਾਜ਼ਯੋਗ ਸ਼ਬਦ ਲਿਖ ਗਏ ਸਨ। 

ਇਹ ਵੀ ਪੜ੍ਹੋ: ਭਾਰਤੀ ਵਿਦਿਆਰਥੀ ਦਾ ਅਮਰੀਕਾ 'ਚ ਬੇਰਹਿਮੀ ਨਾਲ ਕਤਲ, ਹਥੌੜੇ ਨਾਲ ਕੀਤੇ ਗਏ 50 ਵਾਰ

ਮੇਅਰ ਐਡਮਜ਼ ਨੇ ਪਿਛਲੇ ਹਫ਼ਤੇ ਬੁੱਤ ਦਾ ਉਦਘਾਟਨ ਕਰਦੇ ਹੋਏ ਕਿਹਾ, "ਪਿਛਲੇ ਸਾਲ, ਦੱਖਣੀ ਰਿਚਮੰਡ ਹਿੱਲ ਵਿੱਚ ਗਾਂਧੀ ਦੇ ਬੁੱਤ ਦੀ ਭੰਨਤੋੜ ਕੀਤੀ ਗਈ ਸੀ ਪਰ ਸਾਡੀ ਏਕਤਾ ਅਤੇ ਪੁਨਰ ਨਿਰਮਾਣ ਦੀ ਭਾਵਨਾ ਨਸ਼ਟ ਨਹੀਂ ਹੋਈ ਸੀ। ਅੱਜ, ਅਸੀਂ ਭਾਈਚਾਰੇ ਨਾਲ ਖੜੇ ਹੋ ਕੇ ਇੱਕ ਆਵਾਜ਼ ਵਿੱਚ ਇਹ ਕਹਿੰਦੇ ਹਾਂ ਕਿ ਸਾਡੇ ਸ਼ਹਿਰ ਵਿੱਚ ਨਫ਼ਰਤ ਦੀ ਕੋਈ ਥਾਂ ਨਹੀਂ ਹੈ।" ਉਨ੍ਹਾਂ ਪਿਛਲੇ ਹਫ਼ਤੇ ਦੱਖਣੀ ਰਿਚਮੰਡ ਹਿੱਲ ਵਿੱਚ ਸ਼੍ਰੀ ਤੁਲਸੀ ਮੰਦਿਰ ਦੇ ਬਾਹਰ ਨਵੇਂ ਬੁੱਤ ਦੇ ਉਦਘਾਟਨ ਤੋਂ ਬਾਅਦ ਕਿਹਾ, ਅਸੀਂ ਨਿਆਂ ਦੀਆਂ ਉਨ੍ਹਾਂ ਕਦਰਾਂ-ਕੀਮਤਾਂ ਨੂੰ ਅਪਣਾਉਂਦੇ ਹਾਂ, ਜਿਸ ਲਈ ਗਾਂਧੀ ਨੇ ਆਪਣਾ ਜੀਵਨ ਦਿੱਤਾ।'

ਇਹ ਵੀ ਪੜ੍ਹੋ: ਗੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਰੋਕਣ ਲਈ ਟੈਕਸਾਸ ਨੂੰ ਮਿਲਿਆ 25 ਸੂਬਿਆਂ ਦਾ ਸਮਰਥਨ, ਬਾਈਡੇਨ ਸਰਕਾਰ ਨਾਲ ਵਧਿਆ ਵਿਵਾਦ

EXCITING! Watch myself and @NYCMayor unveil the new Mahatma Gandhi Statue at Tulsi Mandir at the site of last year’s hateful vandalism. It was a historic moment for our Richmond Hill community as we came together to show that our love will conquer all hate. pic.twitter.com/Vt0m7BaQqW

— Assemblywoman Jenifer Rajkumar (@JeniferRajkumar) January 22, 2024

ਉਥੇ ਹੀ ਰਾਜਕੁਮਾਰ ਨੇ ਇਸ ਘਟਨਾ ਨੂੰ ਹਿੰਦੂਆਂ ਅਤੇ ਭਾਰਤੀਆਂ ਵਿਰੁੱਧ ਨਫ਼ਰਤੀ ਅਪਰਾਧ ਵਜੋਂ ਜਾਂਚ ਕਰਨ ਦੀ ਮੰਗ ਕੀਤੀ। ਉਨ੍ਹਾਂ ਨੇ ਐਕਸ 'ਤੇ ਸਮਾਰੋਹ ਦੀ ਇੱਕ ਵੀਡੀਓ ਪੋਸਟ ਕੀਤੀ ਅਤੇ ਕਿਹਾ ਕਿ ਮੇਅਰ ਐਡਮਜ਼ ਦੇ ਨਾਲ ਬੁੱਤ ਦਾ ਉਦਘਾਟਨ ਕਰਨਾ "ਰੋਮਾਂਚਕ" ਸੀ। ਉਨ੍ਹਾਂ ਲਿਖਿਆ, "ਖ਼ੁਦ ਨੂੰ ਅਤੇ NYC ਮੇਅਰ ਨੂੰ ਪਿਛਲੇ ਸਾਲ ਦੀ ਨਫ਼ਰਤ ਭਰੀ ਭੰਨਤੋੜ ਵਾਲੀ ਥਾਂ 'ਤੇ ਤੁਲਸੀ ਮੰਦਰ ਵਿਖੇ ਨਵੀਂ ਮਹਾਤਮਾ ਗਾਂਧੀ ਦੇ ਬੁੱਤ ਦਾ ਉਦਘਾਟਨ ਕਰਦੇ ਹੋਏ ਦੇਖ ਕੇ ਰੋਮਾਂਚਕ ਹਾਂ! ਇਹ ਸਾਡੇ ਰਿਚਮੰਡ ਹਿੱਲ ਭਾਈਚਾਰੇ ਲਈ ਇੱਕ ਇਤਿਹਾਸਕ ਪਲ ਸੀ ਕਿਉਂਕਿ ਅਸੀਂ ਇਹ ਦਿਖਾਉਣ ਲਈ ਇਕੱਠੇ ਹੋਏ ਸੀ ਕਿ ਸਾਡਾ ਪਿਆਰ ਸਾਰੀਆਂ ਨਫ਼ਰਤਾਂ ਨੂੰ ਜਿੱਤ ਲਵੇਗਾ।"

ਇਹ ਵੀ ਪੜ੍ਹੋ: ਪਾਕਿਸਤਾਨ: ਨਵਾਜ਼ ਸ਼ਰੀਫ਼ ਦੀ ਟੋਪੀ ਨੇ ਖੜ੍ਹਾ ਕੀਤਾ ਨਵਾਂ ਵਿਵਾਦ, ਹਰ ਪਾਸੇ ਹੋ ਰਹੀ ਆਲੋਚਨਾ, ਜਾਣੋ ਵਜ੍ਹਾ

ਨਿਊਯਾਰਕ ਪੁਲਸ ਵਿਭਾਗ (NYPD) ਦੇ ਅਨੁਸਾਰ, 6 ਅਣਪਛਾਤੇ ਵਿਅਕਤੀਆਂ, ਜਿਨ੍ਹਾਂ ਦੀ ਉਮਰ 25 ਤੋਂ 30 ਸਾਲ ਦੇ ਵਿਚਕਾਰ ਸੀ, ਨੂੰ ਨਿਗਰਾਨੀ ਵੀਡੀਓ ਵਿਚ ਬੁੱਤ ਨੂੰ ਤੋੜਦੇ ਹੋਏ ਦੇਖਿਆ ਗਿਆ ਸੀ, ਜਿਸ ਤੋਂ ਬਾਅਦ ਉਹ 2 ਵੱਖ-ਵੱਖ ਕਾਰਾਂ, ਇੱਕ ਚਿੱਟੀ ਮਰਸਡੀਜ਼ ਬੈਂਜ਼ ਅਤੇ ਇੱਕ ਗੂੜੇ ਰੰਗ ਦੀ ਟੋਇਟਾ ਕੈਮਰੀ ਵਿਚ ਸਵਾਰ ਹੋ ਕੇ ਭੱਜ ਗਏ ਸਨ। ਹਮਲੇ ਦੇ ਇੱਕ ਮਹੀਨੇ ਬਾਅਦ, 27 ਸਾਲਾ ਸੁਖਪਾਲ ਸਿੰਘ, ਜੋ ਕਿ ਸਮੂਹ ਦਾ ਹਿੱਸਾ ਸੀ, ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਨਫ਼ਰਤੀ ਅਪਰਾਧਾਂ ਦਾ ਦੋਸ਼ ਲਗਾਇਆ ਗਿਆ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ।