ਜਾਨਸਨ ਦੇ ਬ੍ਰੈਗਜ਼ਿਟ ਸਮਝੌਤੇ 'ਤੇ ਦਸਤਖਤ ਦੇ ਨਾਲ ਬ੍ਰਿਟੇਨ 'ਚ 'ਨਵਾਂ ਅਧਿਆਏ' ਸ਼ੁਰੂ
01/25/2020 1:32:30 PM
ਲੰਡਨ- ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਯੂਰਪੀ ਸੰਘ ਤੋਂ ਵੱਖ ਹੋਣ ਦੇ ਸਮਝੌਤੇ 'ਤੇ ਸ਼ੁੱਕਰਵਾਰ ਨੂੰ ਦਸਤਖਤ ਕਰ ਦਿੱਤੇ ਹਨ ਤੇ ਇਸ ਦੇ ਨਾਲ ਹੀ ਉਹਨਾਂ ਨੇ ਦੇਸ਼ ਵਿਚ ਇਕ ਨਵੇਂ ਅਧਿਆਏ ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਇਸ ਸਮਝੌਤੇ 'ਤੇ ਦਸਤਖਤ ਕਰਨ ਦੇ ਨਾਲ ਹੀ ਬ੍ਰਿਟੇਨ ਨੇ ਯੂਰਪੀ ਸੰਘ ਦੀ ਦਹਾਕਿਆਂ ਪੁਰਾਣੀ ਆਪਣੀ ਮੈਂਬਰਤਾ ਨੂੰ ਖਤਮ ਕਰ ਦਿੱਤਾ ਹੈ ਤੇ ਕਈ ਸਾਲਾਂ ਦੀ ਦੇਰੀ ਤੇ ਘਰੇਲੂ ਵਿਵਾਦ ਤੋਂ ਬਾਅਦ ਆਪਣੇ ਨੇੜਲੇ ਗੁਆਂਢੀਆਂ ਤੇ ਵਪਾਰਕ ਸਹਿਯੋਗੀਆਂ ਦਾ ਸਾਥ ਛੱਡ ਦਿੱਤਾ ਹੈ।
ਜਾਨਸਨ ਨੇ ਇਕ ਬਿਆਨ ਵਿਚ ਕਿਹਾ ਕਿ ਵੱਖ ਹੋਣ ਦੇ ਸਮਝੌਤੇ 'ਤੇ ਦਸਤਖਤ ਕਰਨਾ ਬਹੁਤ ਸ਼ਾਨਦਾਰ ਪਲ ਹੈ, ਜਿਸ ਦੇ ਨਾਲ ਆਖਿਰਕਾਰ 2016 ਦੀ ਰਾਇਸ਼ੁਮਾਰੀ ਦਾ ਨਤੀਜਾ ਸਿੱਧ ਹੋਇਆ ਤੇ ਕਈ ਸਾਲਾਂ ਦੀ ਬਹਿਸ ਤੇ ਵੰਡ ਦਾ ਅੰਤ ਹੋਇਆ। ਉਹਨਾਂ ਨੇ ਇਸ ਮੌਕੇ ਦੀ ਇਕ ਤਸਵੀਰ ਵੀ ਟਵੀਟ ਕੀਤੀ ਤੇ ਲਿਖਿਆ ਕਿ ਇਹ ਦਸਤਖਤ ਸਾਡੇ ਦੇਸ਼ ਦੇ ਇਤਿਹਾਸ ਵਿਚ ਇਕ ਨਵਾਂ ਅਧਿਆਏ ਹੈ। ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਸਵੇਰੇ ਬੰਦ ਕਮਰੇ ਵਿਚ ਹੋਏ ਸਮਾਗਮ ਵਿਚ ਯੂਰਪੀ ਸੰਘ ਮੁਖੀ ਉਰਸੁਲਾ ਵੋਨ ਦੇਰ ਲਿਯੇਨ ਤੇ ਚਾਰਲਸ ਮਿਸ਼ੇਲ ਨੇ ਸਮਝੌਤੇ 'ਤੇ ਦਸਤਖਤ ਕੀਤੇ।
Today I have signed the Withdrawal Agreement for the UK to leave the EU on January 31st, honouring the democratic mandate of the British people.
— Boris Johnson (@BorisJohnson) January 24, 2020
This signature heralds a new chapter in our nation’s history. pic.twitter.com/IaGTeeL2is
ਅਗਲੇ ਹਫਤੇ ਬੁੱਧਵਾਰ ਨੂੰ ਇਸ ਸਮਝੌਤੇ ਦੀ ਕਾਪੀ ਯੂਰਪੀ ਸੰਘ ਵਿਚ ਭੇਜੀ ਜਾਵੇਗੀ ਤੇ ਵੀਰਵਾਰ ਨੂੰ ਯੂਰਪੀ ਸੰਘ ਦੇ ਮੈਂਬਰ ਦੇਸ਼ਾਂ ਦੇ ਡਿਪਲੋਮੈਟ ਲਿਖਤ ਵਿਚ ਸਮਝੌਤੇ ਨੂੰ ਮਨਜ਼ੂਰੀ ਦੇਣਗੇ। ਮਹਾਰਾਣੀ ਐਲਿਜ਼ਾਬੇਥ ਦੂਜੀ ਨੇ ਵੀਰਵਾਰ ਨੂੰ ਸਮਝੌਤੇ ਨੂੰ ਆਪਣੀ ਰਸਮੀ ਮਨਜ਼ੂਰੀ ਦੇ ਦਿੱਤੀ ਸੀ ਤੇ ਯੂਰਪੀ ਸੰਘ ਦੇ ਆਉਣ ਵਾਲੇ ਕੁਝ ਦਿਨਾਂ ਵਿਚ ਆਖਰੀ ਰਸਮਾਂ ਨੂੰ ਪੂਰਾ ਕਰਨ ਦੀ ਸੰਭਾਵਨਾ ਹੈ।