ਪਾਤਾਲ ਲੋਕ ’ਚ ਵਸਿਆ ਹੈ ਇਹ ਪਿੰਡ, ਜ਼ਮੀਨ ਤੋਂ 3000 ਫੁੱਟ ਹੇਠਾਂ ਰਹਿੰਦੇ ਹਨ ਲੋਕ!
Monday, Aug 22, 2022 - 01:23 PM (IST)
ਨਵੀਂ ਦਿੱਲੀ/ਅਮਰੀਕਾ (ਇੰਟ.) : ਤੁਸੀਂ ਕਹਾਣੀਆਂ ਵਿਚ ਸਵਰਗ ਲੋਕ ਤੇ ਪਾਤਾਲ ਲੋਕ ਬਾਰੇ ਜ਼ਰੂਰ ਸੁਣਿਆ ਹੋਵੇਗਾ। ਕਿਹਾ ਜਾਂਦਾ ਹੈ ਕਿ ਪਾਤਾਲ ਲੋਕ ਜ਼ਮੀਨ ਦੇ ਹੇਠਾਂ ਵਸਿਆ ਹੈ। ਹਾਲਾਂਕਿ ਇਹ ਸਿਰਫ਼ ਕਿੱਸੇ-ਕਹਾਣੀਆਂ ਵਿਚ ਹੀ ਸੁਣਨ ਤੇ ਵੇਖਣ ਨੂੰ ਮਿਲਦੇ ਹਨ ਪਰ ਇਕ ਅਜਿਹਾ ਪਿੰਡ ਹੈ ਜੋ ਜ਼ਮੀਨ ਤੋਂ ਹਜ਼ਾਰਾਂ ਫੁੱਟ ਹੇਠਾਂ ਵਸਿਆ ਹੋਇਆ ਹੈ। ਇਹ ਪਿੰਡ ਅਮਰੀਕਾ ਦੇ ਗ੍ਰੈਂਡ ਕੈਨਿਅਨ ਦੇ ਹਵਾਸੂ ਕੈਨਿਅਨ ਵਿਚ ਹੈ। ਇਸ ਪਿੰਡ ਦਾ ਨਾਂ ਸੁਪਾਈ ਹੈ।
ਇਹ ਵੀ ਪੜ੍ਹੋ: ਅਧਿਐਨ 'ਚ ਦਾਅਵਾ, ਸਿਗਰਟਨੋਸ਼ੀ ਕਰਨ ਵਾਲੇ ਦੇ ਨੇੜੇ-ਤੇੜੇ ਰਹਿਣ ਵਾਲੇ ਲੋਕਾਂ ਨੂੰ ਕੈਂਸਰ ਦਾ ਖ਼ਤਰਾ ਵੱਧ
ਡੂੰਘੀ ਖੱਡ ’ਚ ਵਸਿਆ ਹੈ ਇਹ ਪਿੰਡ
ਇਹ ਪਿੰਡ ਹਵਾਸੂ ਕੈਨਿਅਨ ਨੇੜੇ ਇਕ ਡੂੰਘੀ ਖੱਡ ਵਿਚ ਵਸਿਆ ਹੋਇਆ ਹੈ। ਇਸ ਪਿੰਡ ਨੂੰ ਪੂਰੀ ਦੁਨੀਆ ’ਚ ਇੰਟਰਨੈੱਟ ’ਤੇ ਕਾਫੀ ਸਰਚ ਕੀਤਾ ਜਾਂਦਾ ਹੈ। ਐਡਵੈਂਚਰ ਦੇ ਸ਼ੌਕੀਨ ਲੋਕ ਹਰ ਸਾਲ ਇੱਥੇ ਘੁੰਮਣ ਲਈ ਆਉਂਦੇ ਹਨ। ਹਰ ਸਾਲ ਦੁਨੀਆ ਭਰ ’ਚੋਂ ਲਗਭਗ ਸਾਢੇ 5 ਲੱਖ ਲੋਕ ਇਸ ਨੂੰ ਦੇਖਣ ਲਈ ਐਰੀਜ਼ੋਨਾ ਆਉਂਦੇ ਹਨ।
ਪਿੰਡ ’ਚ ਰਹਿੰਦੇ ਹਨ ਰੈੱਡ ਇੰਡੀਅਨਸ
ਦੱਸਿਆ ਜਾਂਦਾ ਹੈ ਕਿ ਇਸ ਪਿੰਡ ਦੀ ਕੁਲ ਆਬਾਦੀ 208 ਹੈ। ਪਿੰਡ ਦੇ ਵਸਨੀਕ ਅਮਰੀਕਾ ਦੇ ਮੂਲ ਵਾਸੀ ਰੈੱਡ ਇੰਡੀਅਨਸ ਹਨ। ਦੱਸ ਦੇਈਏ ਕਿ ਆਧੁਨਿਕ ਯੁੱਗ ਵਿਚ ਵੀ ਇਹ ਪਿੰਡ ਦੁਨੀਆ ਨਾਲੋਂ ਕੱਟਿਆ ਹੋਇਆ ਹੈ, ਜਿਸ ਦਾ ਕਾਰਨ ਇਸ ਦਾ ਜ਼ਮੀਨ ਅੰਦਰ ਵਸਿਆ ਹੋਣਾ ਹੈ। ਇਸ ਪਿੰਡ ਵਿਚ ਆਵਾਜਾਈ ਦੇ ਸਾਧਨ ਵੀ ਸੀਮਤ ਹਨ। ਪਿੰਡ ਤਕ ਪਹੁੰਚਣ ਲਈ ਔਖਾ ਪੈਦਲ ਸਫ਼ਰ ਕਰਨਾ ਪੈਂਦਾ ਹੈ। ਲੋਕ ਇੱਥੇ ਪਹੁੰਚਣ ਲਈ ਖੱਚਰਾਂ ਦੀ ਵਰਤੋਂ ਵੀ ਕਰਦੇ ਹਨ। ਕੁਝ ਲੋਕ ਇੱਥੇ ਪਹੁੰਚਣ ਲਈ ਹਵਾਈ ਜਹਾਜ਼ ਦੀ ਵਰਤੋਂ ਕਰਦੇ ਹਨ ਜੋ ਪਿੰਡ ਨੂੰ ਨਜ਼ਦੀਕੀ ਹਾਈਵੇਅ ਨਾਲ ਜੋੜਦਾ ਹੈ। ਇੰਨਾ ਹੀ ਨਹੀਂ, ਇਸ ਪਿੰਡ ਵਿਚ ਅੱਜ ਵੀ ਚਿੱਠੀਆਂ ਲਿਆਉਣ-ਲਿਜਾਣ ਦਾ ਕੰਮ ਖੱਚਰਾਂ ਰਾਹੀਂ ਕੀਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ: ਹੈਰਾਨੀਜਨਕ! ਪ੍ਰੇਮਿਕਾ ਦੀ ਇਕ ‘ਕਿੱਸ’ ਨੇ ਜੇਲ੍ਹ 'ਚ ਬੰਦ ਪ੍ਰੇਮੀ ਦੀ ਲਈ ਜਾਨ
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
