ਤਬਾਹੀ ਦੀ ਆਹਟ! ਇਸ ਦੇਸ਼ ''ਚ ਪਹਿਲੀ ਵਾਰ ਦੇਖਿਆ ਗਿਆ ''ਲਾਲ ਆਸਮਾਨ'' (ਤਸਵੀਰਾਂ)

ਇੰਟਰਨੈਸ਼ਨਲ ਡੈਸਕ- ਬਾਲਕਨ ਦੇਸ਼ ਬੁਲਗਾਰੀਆ ਦੇ ਆਸਮਾਨ ਵਿੱਚ ਪਹਿਲੀ ਵਾਰ ‘ਔਰੋਰਾ ਬੋਰੇਲਿਸ’ ਦੀ ਘਟਨਾ ਵਾਪਰੀ, ਜਿਸ ਨੂੰ ‘ਉੱਤਰੀ ਲਾਈਟਾਂ’ ਵੀ ਕਿਹਾ ਜਾਂਦਾ ਹੈ। ਇਸ ਕਾਰਨ ਬੁਲਗਾਰੀਆ ਦਾ ਆਸਮਾਨ ਲਾਲ ਹੋ ਗਿਆ। ਇਹ ਘਟਨਾ ਐਤਵਾਰ ਸ਼ਾਮ ਦੀ ਹੈ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਲੋਕ ਇਸ 'ਤੇ ਪ੍ਰਤੀਕਿਰਿਆ ਦੇ ਰਹੇ ਹਨ, ਕੁਝ ਇਸ ਨੂੰ ਡਰਾਉਣਾ ਅਤੇ ਵਿਨਾਸ਼ਕਾਰੀ ਕਹਿ ਰਹੇ ਹਨ ਜਦੋਂ ਕਿ ਕੁਝ ਇਸ ਕੁਦਰਤੀ ਘਟਨਾ ਦੀ ਸੁੰਦਰਤਾ ਤੋਂ ਮੋਹਿਤ ਹਨ।

ਮੀਡੀਆ ਰਿਪੋਰਟਾਂ ਅਨੁਸਾਰ ਅਰੋਰਾ ਬੋਰੇਲਿਸ ਦੀ ਇਹ ਘਟਨਾ ਬੁਲਗਾਰੀਆ ਦੇ ਨਾਲ-ਨਾਲ ਰੋਮਾਨੀਆ, ਹੰਗਰੀ, ਚੈੱਕ ਗਣਰਾਜ ਅਤੇ ਯੂਕ੍ਰੇਨ ਦੇ ਆਸਮਾਨ ਵਿੱਚ ਵੀ ਦਿਖਾਈ ਦਿੱਤੀ। ਸ਼ਨੀਵਾਰ ਨੂੰ ਪੋਲੈਂਡ ਅਤੇ ਸਲੋਵਾਕੀਆ ਦੇ ਆਸਮਾਨਾਂ ਵਿੱਚ ਵੀ ਔਰੋਰਾ ਬੋਰੇਲਿਸ ਦੀ ਘਟਨਾ ਦੇਖੀ ਗਈ ਸੀ। ਇਸ ਦੌਰਾਨ ਬ੍ਰਿਟੇਨ ਅਤੇ ਸਲੋਵਾਕੀਆ ਦੇ ਆਸਮਾਨ ਦਾ ਰੰਗ ਚਮਕਦਾਰ ਹਰਾ ਸੀ। ਇਹ ਕੁਦਰਤੀ ਘਟਨਾ ਇਸ ਸਾਲ ਦੇ ਸ਼ੁਰੂ ਵਿੱਚ ਭਾਰਤ ਵਿੱਚ ਵੀ ਵਾਪਰੀ, ਜਦੋਂ ਲੱਦਾਖ ਦਾ ਆਸਮਾਨ ਚਮਕ ਉਠਿਆ ਸੀ।

ਜਾਣੋ ਕੀ ਹੈ Aurora Borealis?

ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਨੇ ਚੀਨ ਦੇ ਰਾਸ਼ਟਰਪਤੀ ਸ਼ੀ ਨਾਲ ਕੀਤੀ ਮੁਲਾਕਾਤ (ਤਸਵੀਰਾਂ)

ਤੁਹਾਨੂੰ ਦੱਸ ਦੇਈਏ ਕਿ ਔਰੋਰਾ ਬੋਰੇਲਿਸ ਦੀ ਘਟਨਾ ਹਜ਼ਾਰਾਂ ਸਾਲਾਂ ਤੋਂ ਮਨੁੱਖਾਂ ਨੂੰ ਹੈਰਾਨ ਕਰ ਰਹੀ ਹੈ। ਔਰੋਰਾ ਬੋਰੇਲਿਸ ਪ੍ਰਕਾਸ਼ ਦੀਆਂ ਤਰੰਗਾਂ ਹਨ ਜੋ ਸੂਰਜ ਤੋਂ ਆਉਣ ਵਾਲੇ ਊਰਜਾ ਕਣਾਂ ਦੁਆਰਾ ਬਣਾਈਆਂ ਜਾਂਦੀਆਂ ਹਨ। ਦਰਅਸਲ ਇਹ ਊਰਜਾ ਕਣ ਸਾਢੇ 4 ਕਰੋੜ ਮੀਲ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਧਰਤੀ ਵੱਲ ਆਉਂਦੇ ਹਨ ਪਰ ਧਰਤੀ ਦੇ ਚੁੰਬਕੀ ਖੇਤਰ ਕਾਰਨ ਇਹ ਧਰਤੀ ਤੱਕ ਨਹੀਂ ਪਹੁੰਚ ਪਾਉਂਦੇ ਅਤੇ ਚੁੰਬਕੀ ਖੇਤਰ ਦੇ ਪ੍ਰਭਾਵ ਕਾਰਨ ਸੂਰਜ ਤੋਂ ਆਉਣ ਵਾਲੇ ਇਹ ਊਰਜਾ ਕਣ ਉੱਤਰੀ ਅਤੇ ਦੱਖਣੀ ਧਰੁਵ ਵੱਲ ਚਲੇ ਜਾਂਦੇ ਹਨ। ਇਸ ਸਾਰੀ ਪ੍ਰਕਿਰਿਆ ਵਿੱਚ ਇੱਕ ਆਕਾਸ਼ੀ ਘਟਨਾ ਵਾਪਰਦੀ ਹੈ ਜਿਸ ਕਾਰਨ ਅਸਮਾਨ ਵੱਖ-ਵੱਖ ਰੰਗਾਂ ਵਿੱਚ ਚਮਕਦਾ ਹੈ। ਇਸ ਕੁਦਰਤੀ ਘਟਨਾ ਵਿੱਚ ਆਸਮਾਨ ਦਾ ਰੰਗ ਵਿਸ਼ੇਸ਼ ਗੈਸ ਕਣਾਂ 'ਤੇ ਨਿਰਭਰ ਕਰਦਾ ਹੈ, ਜਿਵੇਂ ਕਿ ਜੇਕਰ ਊਰਜਾ ਕਣਾਂ ਅਤੇ ਚੁੰਬਕੀ ਖੇਤਰ ਦੇ ਟਕਰਾਉਣ ਕਾਰਨ ਆਕਸੀਜਨ ਦੇ ਕਣ ਨਿਕਲਦੇ ਹਨ, ਤਾਂ ਅਸਮਾਨ ਦਾ ਰੰਗ ਹਲਕਾ ਹਰਾ ਦਿਖਾਈ ਦਿੰਦਾ ਹੈ। ਜੇਕਰ ਨਾਈਟ੍ਰੋਜਨ ਛੱਡੀ ਜਾਂਦੀ ਹੈ ਤਾਂ ਆਸਮਾਨ ਦਾ ਰੰਗ ਬੁਲਗਾਰੀਆ ਵਾਂਗ ਲਾਲ ਦਿਖਾਈ ਦਿੰਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।