ਤਾਲਿਬਾਨ ਦੀਆਂ ਅਪਮਾਨਜਨਕ ਵਿਦਿਅਕ ਨੀਤੀਆਂ ਮੁੰਡਿਆਂ ਨੂੰ ਵੀ ਨੁਕਸਾਨ ਪਹੁੰਚਾ ਰਹੀਆਂ ਹਨ

ਇਸਲਾਮਾਬਾਦ, (ਭਾਸ਼ਾ) : ਅੰਤਰਰਾਸ਼ਟਰੀ ਮਨੁੱਖੀ ਅਧਿਕਾਰ ਸੰਗਠਨ ‘ਹਿਊਮਨ ਰਾਈਟਸ ਵਾਚ’ ਵੱਲੋਂ ਬੁੱਧਵਾਰ ਨੂੰ ਪ੍ਰਕਾਸ਼ਿਤ ਇਕ ਰਿਪੋਰਟ ਅਨੁਸਾਰ ਤਾਲਿਬਾਨ ਦੀਆਂ ‘ਅਪਮਾਨਜਨਕ’ ਵਿਦਿਅਕ ਨੀਤੀਆਂ ਅਫਗਾਨਿਸਤਾਨ ਵਿਚ ਕੁੜੀਆਂ ਦੇ ਨਾਲ ਮੁੰਡਿਆਂ ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਹਨ। ਸੈਕੰਡਰੀ ਸਕੂਲਾਂ ਅਤੇ ਯੂਨੀਵਰਸਿਟੀਆਂ ਵਿੱਚ ਕੁੜੀਆਂ ਅਤੇ ਔਰਤਾਂ ਦੇ ਦਾਖਲੇ 'ਤੇ ਤਾਲਿਬਾਨ ਦੀ ਪਾਬੰਦੀ ਦੀ ਦੁਨੀਆ ਭਰ ਵਿੱਚ ਨਿੰਦਾ ਕੀਤੀ ਗਈ ਹੈ, ਪਰ ਮਨੁੱਖੀ ਅਧਿਕਾਰ ਸਮੂਹਾਂ ਦਾ ਕਹਿਣਾ ਹੈ ਕਿ ਮੁੰਡਿਆਂ ਦੀ ਸਿੱਖਿਆ 'ਤੇ ਡੂੰਘੇ ਪ੍ਰਭਾਵ ਵੱਲ ਬਹੁਤ ਘੱਟ ਧਿਆਨ ਦਿੱਤਾ ਗਿਆ ਹੈ। 

ਇਹ ਵੀ ਪੜ੍ਹੋ : ਆਸਟ੍ਰੇਲੀਆ: ਡੂੰਘੇ ਪੁਲਾੜ 'ਚ ਸੰਚਾਰ ਲਈ ਸਮਰੱਥ 'ਟੈਲੀਸਕੋਪ' ਸਥਾਪਿਤ

ਔਰਤਾਂ ਸਮੇਤ ਯੋਗ ਅਧਿਆਪਕਾਂ ਨੂੰ ਹਟਾਉਣਾ, ਪਾਠਕ੍ਰਮ ਵਿੱਚ ਪਿਛਾਖੜੀ ਤਬਦੀਲੀਆਂ ਅਤੇ ਸਰੀਰਕ ਸਜ਼ਾਵਾਂ ਵਿੱਚ ਵਾਧੇ ਨੇ ਵਿਦਿਆਰਥੀਆਂ ਵਿੱਚ ਸਕੂਲ ਜਾਣ ਦਾ ਡਰ ਪੈਦਾ ਕੀਤਾ ਅਤੇ ਉਨ੍ਹਾਂ ਦੀ ਹਾਜ਼ਰੀ ਘਟਾ ਦਿੱਤੀ। ਤਾਲਿਬਾਨ ਨੇ ਮੁੰਡਿਆਂ ਦੇ ਸਕੂਲਾਂ ਵਿੱਚੋਂ ਸਾਰੀਆਂ ਮਹਿਲਾ ਅਧਿਆਪਕਾਂ ਨੂੰ ਬਰਖਾਸਤ ਕਰ ਦਿੱਤਾ, ਮੁੰਡਿਆਂ ਨੂੰ ਅਯੋਗ ਲੋਕਾਂ ਦੁਆਰਾ ਪੜ੍ਹਾਇਆ ਗਿਆ ਜਾਂ ਉਹਨਾਂ ਦੀਆਂ ਕਲਾਸਾਂ ਵਿੱਚ ਕੋਈ ਅਧਿਆਪਕ ਨਹੀਂ ਸੀ। ਮੁੰਡਿਆਂ ਅਤੇ ਮਾਪਿਆਂ ਨੇ ਮਨੁੱਖੀ ਅਧਿਕਾਰ ਸਮੂਹਾਂ ਨੂੰ ਸਰੀਰਕ ਸਜ਼ਾ ਵਿੱਚ ਵਾਧੇ ਬਾਰੇ ਦੱਸਿਆ।

ਉਨ੍ਹਾਂ ਕਿਹਾ ਕਿ ਅਧਿਕਾਰੀ ਸਕੂਲ ਵਿੱਚ ਮੌਜੂਦ ਹਰ ਕਿਸੇ ਦੇ ਸਾਹਮਣੇ ਮੁੰਡਿਆਂ ਨੂੰ ਵਾਲ ਕੱਟਣ, ਜਾਂ ਕੱਪੜਿਆਂ ਨੂੰ ਲੈ ਕੇ ਜਾਂ ਮੋਬਾਈਲ ਰੱਖਣ ਕਾਰਨ ਕੁੱਟਦੇ ਹਨ। ਤਾਲਿਬਾਨ ਨੇ ਕਲਾ, ਖੇਡਾਂ, ਅੰਗਰੇਜ਼ੀ ਅਤੇ ਨਾਗਰਿਕ ਸਿੱਖਿਆ ਵਰਗੇ ਵਿਸ਼ਿਆਂ ਨੂੰ ਹਟਾ ਦਿੱਤਾ ਹੈ। ਰਿਪੋਰਟ ਲਿਖਣ ਵਾਲੇ ਸਹਿਰ ਫਿਤਰਤ ਨੇ ਕਿਹਾ, “ਤਾਲਿਬਾਨ ਕੁੜੀਆਂ ਦੇ ਨਾਲ-ਨਾਲ ਮੁੰਡਿਆਂ ਲਈ ਅਫਗਾਨ ਸਿੱਖਿਆ ਪ੍ਰਣਾਲੀ ਨੂੰ ਨਾ ਪੂਰਾ ਹੋਣ ਵਾਲਾ ਨੁਕਸਾਨ ਪਹੁੰਚਾ ਰਿਹਾ ਹੈ। ਦੇਸ਼ ਦੇ ਪੂਰੇ ਸਕੂਲ ਪ੍ਰਣਾਲੀ ਨੂੰ ਨੁਕਸਾਨ ਪਹੁੰਚਾ ਕੇ, ਉਹ ਇੱਕ ਪੀੜ੍ਹੀ ਨੂੰ ਮਿਆਰੀ ਸਿੱਖਿਆ ਤੋਂ ਵਾਂਝੇ ਕਰਨ ਦਾ ਜੋਖਮ ਲੈ ਰਹੇ ਹਨ।''

ਇਹ ਵੀ ਪੜ੍ਹੋ : ਬ੍ਰਿਟੇਨ : 25 ਫ਼ੀਸਦੀ ਮਾਤਾ-ਪਿਤਾ ਫੀਸ ਦੇ ਲਈ ਜ਼ਰੂਰਤਾਂ ਨਾਲ ਕਰ ਰਹੇ ਨੇ ਸਮਝੌਤਾ

ਇਸ ਰਿਪੋਰਟ 'ਤੇ ਤਾਲਿਬਾਨ ਸਰਕਾਰ ਦੇ ਬੁਲਾਰੇ ਟਿੱਪਣੀ ਲਈ ਉਪਲਬਧ ਨਹੀਂ ਸਨ। ਤਾਲਿਬਾਨ ਮਦਰੱਸਿਆਂ ਜਾਂ ਧਾਰਮਿਕ ਸਕੂਲਾਂ 'ਤੇ ਧਿਆਨ ਕੇਂਦ੍ਰਤ ਕਰਦੇ ਹੋਏ, ਬੁਨਿਆਦੀ ਸਾਖਰਤਾ ਨਾਲੋਂ ਇਸਲਾਮਿਕ ਗਿਆਨ ਨੂੰ ਤਰਜੀਹ ਦੇ ਰਿਹਾ ਹੈ। 2021 ਵਿੱਚ ਸੱਤਾ 'ਤੇ ਕਾਬਜ਼ ਹੋਣ ਤੋਂ ਬਾਅਦ, ਤਾਲਿਬਾਨ ਨੇ ਜਨਤਕ ਜੀਵਨ ਅਤੇ ਕੰਮ ਦੇ ਜ਼ਿਆਦਾਤਰ ਖੇਤਰਾਂ ਵਿੱਚ ਔਰਤਾਂ ਅਤੇ ਕੁੜੀਆਂ ਦੇ ਕੰਮ ਨੂੰ ਬੰਦ ਕਰ ਦਿੱਤਾ ਹੈ ਤੇ ਕੁੜੀਆਂ ਦੇ ਛੇਵੀਂ ਜਮਾਤ ਤੋਂ ਅੱਗੇ ਪੜ੍ਹਨ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।