ਇਕ ਖਾਸ ਉਦੇਸ਼ ਲਈ ਦੱਖਣੀ ਅਫਰੀਕਾ ''ਚ ਬਿਨਾਂ ਕੱਪੜਿਆਂ ਦੇ ਸੜਕਾਂ ''ਤੇ ਉਤਰੇ ਲੋਕ

ਕੈਪਟਾਊਨ (ਬਿਊਰੋ): ਦੁਨੀਆ ਭਰ ਵਿਚ ਲੋਕਾਂ ਵੱਲੋਂ ਪ੍ਰਦਰਸ਼ਨ ਲਈ ਅਨੋਖੇ ਤਰੀਕੇ ਵਰਤੇ ਜਾਂਦੇ ਰਹੇ ਹਨ। ਹੁਣ ਦੱਖਣੀ ਅਫਰੀਕਾ ਦੇ ਇਕ ਪ੍ਰਦਰਸ਼ਨ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਦੱਖਣੀ ਅਫਰੀਕਾ ਦੇ ਕੈਪਟਾਊਨ ਸ਼ਹਿਰ ਵਿਚ ਹਜ਼ਾਰਾਂ ਦੀ ਗਿਣਤੀ ਵਿਚ ਬੀਬੀਆਂ ਅਤੇ ਪੁਰਸ਼ਾਂ ਨੇ ਨਿਊਡ ਹੋਕੇ ਸਾਇਕਲ ਰੈਲੀ ਕੱਢੀ। ਇਸ 'ਵਰਲਡ ਨੇਕਡ ਬਾਈਕ ਰਾਈਡ' ਦਾ ਆਯੋਜਨ ਜੈਵਿਕ ਬਾਲਣ ਖ਼ਿਲਾਫ਼ ਅਤੇ ਸੁਰੱਖਿਅਤ ਢੰਗ ਨਾਲ ਸਾਇਕਲ ਚਲਾਉਣ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਲਈ ਕੀਤਾ ਗਿਆ।

ਇਹ ਲਗਾਤਾਰ 18ਵਾਂ ਸਾਲ ਹੈ ਜਦੋਂ ਹਜ਼ਾਰਾਂ ਦੀ ਗਿਣਤੀ ਵਿਚ ਪੁਰਸ਼ ਅਤੇ ਬੀਬੀਆਂ ਨੇ ਆਪਣੇ ਸਾਰੇ ਕੱਪੜੇ ਉਤਾਰ ਕੇ ਸਾਇਕਲ ਚਲਾਈ ਅਤੇ ਜਾਗਰੂਕਤਾ ਦਾ ਸੰਦੇਸ਼ ਦਿੱਤਾ।

ਇਸ ਪ੍ਰੋਗਰਾਮ ਦੇ ਫੇਸਬੁੱਕ ਪੇਜ 'ਤੇ ਲਿਖਿਆ ਗਿਆ,''ਤੁਹਾਡੀ ਡਰੈੱਸ ਤੁਹਾਡੇ 'ਤੇ ਨਿਰਭਰ ਹੈ। ਇਸ ਤਰ੍ਹਾਂ ਦਾ ਕੱਪੜਾ ਪਾਓ ਜਿਸ ਨਾਲ ਤੁਸੀਂ ਧਰਤੀ ਨੂੰ ਬਚਾਉਣ ਲਈ ਉਹਨਾਂ ਦਾ ਧਿਆਨ ਖਿੱਚ ਸਕੋ। ਕੱਪੜੇ ਨਾ ਪਾਏ ਹੋਣ ਦੇ ਬਾਵਜੂਦ ਕਈ ਲੋਕਾਂ ਨੇ ਕੋਰੋਨਾ ਵਾਇਰਸ ਤੋਂ ਬਚਾਅ ਲਈ ਆਪਣੇ ਚਿਹਰੇ ਨੂੰ ਮਾਸਕ ਨਾਲ ਢੱਕਿਆ ਹੋਇਆ ਸੀ। 

ਇਹ ਆਯੋਜਕ ਹੁਣ 14 ਅਗਸਤ ਨੂੰ ਬ੍ਰਿਟੇਨ ਵਿਚ ਵੀ ਇਸ ਤਰ੍ਹਾਂ ਦੀ ਰੈਲੀ ਕੱਢਣ ਦੀ ਯੋਜਨਾ ਬਣਾ ਰਹੇ ਹਨ।

ਇੱਥੇ ਦੱਸ ਦਈਏ ਕਿ ਪਹਿਲੀ ਵਾਰ ਨਿਊਡ ਹੋ ਕੇ ਸਾਇਕਲ ਰੈਲੀ ਜੂਨ 2004 ਵਿਚ ਕੱਢੀ ਗਈ ਸੀ। ਇਸ ਰੈਲੀ ਦੇ ਸੰਸਥਾਪਕ ਕੈਨੇਡਾ ਦੇ ਰਹਿਣ ਵਾਲੇ ਸਮਾਜਿਕ ਕਾਰਕੁਨ ਅਤੇ ਫਿਲਮ ਨਿਰਮਾਤਾ ਕੋਨਰਾਡ ਸ਼ਿਮਿਡਟ ਸਨ।

ਪੜ੍ਹੋ ਇਹ ਅਹਿਮ ਖਬਰ - ਇਟਲੀ : ਕੋਰੋਨਾ ਪੀੜਤਾਂ ਦੀ ਯਾਦ 'ਚ 18 ਮਾਰਚ ਨੂੰ ਮਨਾਇਆ ਜਾਵੇਗਾ ਨੈਸ਼ਨਲ ਡੇਅ

ਇਸ ਰੈਲੀ ਦਾ ਉਦੇਸ਼ ਤੇਲ 'ਤੇ ਨਿਰਭਰਤਾ ਖ਼ਤਮ ਕਰਨੀ ਸੀ। ਹੁਣ ਸਾਲ ਵਿਚ ਦੋ ਵਾਰ ਲੋਕ ਨਿਊਡ ਹੋ ਕੇ ਰੈਲੀ ਕੱਢਦੇ ਹਨ। ਕੈਪਟਾਊਨ ਵਿਚ ਪ੍ਰਦਰਸ਼ਨ ਕਰ ਰਹੇ ਲੋਕ ਜੈਵਿਕ ਬਾਲਣ 'ਤੇ ਨਿਰਭਰਤਾ, ਜਲਵਾਯੂ ਤਬਦੀਲੀ, ਖਪਤਕਾਰਵਾਦ, ਪੁਰਸ਼ ਕੰਟਰੋਲ ਆਦਿ ਸੰਬੰਧੀ ਪ੍ਰਦਰਸ਼ਨ ਕਰ ਰਹੇ ਹਨ।