ਕੈਨੇਡਾ ''ਚ ਦਿਸਿਆ ''ਪੰਜਾਬ'' ਵਰਗਾ ਨਜ਼ਾਰਾ!  ਸ਼ਖਸ ਨੇ ਠੇਲਾ ਲਗਾ ਵੇਚੀਆਂ ਸਬਜੀਆਂ

ਇੰਟਰਨੈਸ਼ਨਲ ਡੈਸਕ- ਹਾਲ ਹੀ ਵਿਚ ਕੈਨੇਡਾ ਦਾ ਇਕ ਵੀਡੀਓ ਵਾਇਰਲ ਹੋਇਆ ਹੈ। ਇਹ ਵਾਇਰਲ ਵੀਡੀਓ ਕਾਫੀ ਚਰਚਾ ਵਿਚ ਹੈ। ਇਸ ਵੀਡੀਓ ਵਿੱਚ ਇੱਕ ਵਿਅਕਤੀ ਕੈਨੇਡਾ ਦੀਆਂ ਸੜਕਾਂ 'ਤੇ ਠੇਲਾ ਲਗਾ ਕੇ ਸਬਜ਼ੀਆਂ ਵੇਚਦਾ ਦਿਖਾਈ ਦੇ ਰਿਹਾ ਹੈ।

ਵਿਅਕਤੀ ਭਾਰਤ ਦੇ ਗਲੀ-ਮੁਹੱਲਿਆਂ ਦੇ ਵਿਕਰੇਤਾਵਾਂ ਵਾਂਗ ਹੀ ਸਬਜ਼ੀਆਂ ਵੇਚਣ ਦੇ ਸਟਾਈਲ ਵਿਚ ਆਵਾਜ਼ ਲਗਾ ਰਿਹਾ ਹੈ। ਫਰਕ ਸਿਰਫ਼ ਇੰਨਾ ਸੀ ਕਿ ਉਹ ਅੰਗਰੇਜ਼ੀ ਵਿੱਚ ਬੋਲ ਰਿਹਾ ਸੀ। ਇਸ ਵੀਡੀਓ ਨੂੰ ਦੇਖਣ ਵਾਲਾ ਕੋਈ ਵੀ ਵਿਅਕਤੀ ਤੁਰੰਤ ਇਸ ਦ੍ਰਿਸ਼ ਵੱਲ ਖਿੱਚਿਆ ਜਾਂਦਾ ਹੈ, ਕਿਉਂਕਿ ਵਿਦੇਸ਼ਾਂ ਵਿੱਚ ਅਜਿਹੇ ਦ੍ਰਿਸ਼ ਬਹੁਤ ਘੱਟ ਹੁੰਦੇ ਹਨ। ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ @mannabanwait ਹੈਂਡਲ ਤੋਂ ਇਹ ਵੀਡੀਓ ਸ਼ੇਅਰ ਕੀਤਾ ਗਿਆ ਹੈ। ਇਸ ਵੀਡੀਓ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ, "ਕੈਨੇਡਾ ਵਿੱਚ ਸਬਜ਼ੀਆਂ ਵੇਚਣੀਆਂ ਸ਼ੁਰੂ ਕਰ ਦਿੱਤੀਆਂ ਜਿਵੇਂ ਇਹ ਪੰਜਾਬ ਹੋਵੇ।"

 

 

 

 

 

View this post on Instagram

 

 

 

 

 

 

 

 

 

 

 

A post shared by Manna { ਮੰਨਾ ਬਣਵੈਤ } (@mannabanwait)

ਵੀਡੀਓ ਵਿੱਚ ਇੱਕ ਵਿਅਕਤੀ ਕਾਲੀ ਹੂਡੀ, ਮੈਚਿੰਗ ਪੈਂਟ ਅਤੇ ਜੁੱਤੇ ਪਹਿਨੇ ਹੋਏ ਤਿੰਨ ਪਹੀਆ ਵਾਲੇ ਹੱਥ ਵਾਲੇ ਠੇਲੇ 'ਤੇ ਵੱਖ-ਵੱਖ ਸਬਜ਼ੀਆਂ ਵੇਚਦਾ ਦੇਖਿਆ ਜਾ ਸਕਦਾ ਹੈ। ਵਿਅਕਤੀ ਠੇਲੇ ਦੀ ਘੰਟੀ ਵਜਾਉਂਦਾ ਹੈ ਅਤੇ ਉੱਚੀ ਆਵਾਜ਼ ਵਿਚ ਬੋਲਦਾ ਹੈ ,"ਤਾਜ਼ੇ ਆਲੂ, ਤਾਜ਼ੀ ਪੱਤਾ ਗੋਭੀ, ਤਾਜ਼ੇ ਟਮਾਟਰ, ਤਾਜ਼ੀਆਂ ਸਬਜ਼ੀਆਂ ਲੈ ਲਓ।" ਵਿਅਕਤੀ ਦੀ ਆਵਾਜ਼ ਸੁਣ ਲੋਕ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਆਏ ਅਤੇ ਉਸ ਵੱਲ ਬੜੀ ਉਤਸੁਕਤਾ ਨਾਲ ਦੇਖ ਰਹੇ ਸਨ।। ਸਥਾਨਕ ਲੋਕਾਂ ਲਈ ਕਿਸੇ ਨੂੰ ਇੰਨੀ ਉੱਚੀ ਆਵਾਜ਼ ਵਿੱਚ ਸਾਮਾਨ ਵੇਚਦੇ ਦੇਖਣਾ ਕੋਈ ਆਮ ਗੱਲ ਨਹੀਂ ਹੈ। ਭਾਰਤ ਵਿੱਚ ਸਾਡੇ ਆਂਢ-ਗੁਆਂਢ ਵਿੱਚ ਫੇਰੀ ਵਾਲਿਆਂ ਅਤੇ ਫਲ ਅਤੇ ਸਬਜ਼ੀਆਂ ਵੇਚਣ ਵਾਲਿਆਂ ਲਈ ਇਸ ਤਰੀਕੇ ਨਾਲ ਆਪਣਾ ਸਾਮਾਨ ਵੇਚਣ ਲਈ ਘੁੰਮਣਾ ਆਮ ਗੱਲ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-  ਅਮਰੀਕਾ-ਈਰਾਨ ਸਮਝੌਤੇ ਦੇ ਉਲਟ ਇਜ਼ਰਾਈਲ ਨੇ ਕਰ'ਤਾ ਵੱਡਾ ਐਲਾਨ

ਇਸ ਵੀਡੀਓ 'ਤੇ ਕਈ ਲੋਕਾਂ ਨੇ ਮਜ਼ਾਕੀਆ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਇੱਕ ਵਿਅਕਤੀ ਨੇ ਲਿਖਿਆ, "ਸ਼ਖਸ ਨੂੰ ਕਹਿਣਾ ਚਾਹੀਦਾ ਹੈ, 'ਆਲੂ ਲੈ ਲਓ, ਟਮਾਟਰ ਲੈ ਲਓ, ਪਿਆਜ਼ ਲੈ ਲਓ।' ਅਜਿਹਾ ਕਰਨ ਨਾਲ ਹੋਰ ਲੋਕ ਆਕਰਸ਼ਿਤ ਹੋਣਗੇ।" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਇਹ ਕੰਮ ਹੈ, ਕੋਈ ਵੱਡਾ ਜਾਂ ਛੋਟਾ ਨਹੀਂ ਹੁੰਦਾ।" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਸ਼ਾਬਾਸ਼, ਭਰਾ।" ਬਹੁਤ ਸਾਰੇ ਲੋਕਾਂ ਨੇ ਇਸੇ ਤਰ੍ਹਾਂ ਦੀਆਂ ਮਜ਼ਾਕੀਆ ਟਿੱਪਣੀਆਂ ਕੀਤੀਆਂ ਹਨ। ਇੱਕ ਨੇ ਤਾਂ ਇਹ ਵੀ ਲਿਖਿਆ, "ਇਹ ਲੋਕ ਕੈਨੇਡਾ ਨੂੰ ਭਾਰਤ ਵਿੱਚ ਬਦਲ ਦੇਣਗੇ।"

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।