ਅਮਰੀਕਾ ਸਮੇਤ 150 ਦੇਸ਼ ਮੀਥੇਨ ਨਿਕਾਸ 30 ਫੀਸਦੀ ਘਟਾਉਣ ਨੂੰ ਤਿਆਰ

ਇੰਟਰਨੈਸ਼ਨਲ ਡੈਸਕ- ਯੂ. ਏ. ਈ. ਵਿੱਚ ਹੋਈ ਗਲੋਬਲ ਕਲਾਈਮੇਟ ਕਾਨਫਰੰਸ (ਸੀ. ਓ. ਪੀ.-28) ਇੱਕ ਮੀਲ ਦਾ ਪੱਥਰ ਸਾਬਤ ਹੋਈ ਹੈ। ਕਾਨਫਰੰਸ ਵਿੱਚ, ਦੁਨੀਆ ਭਰ ਦੀਆਂ ਇੱਕ ਦਰਜਨ ਤੋਂ ਵੱਧ ਪਰਉਪਕਾਰੀ ਸੰਸਥਾਵਾਂ ਨੇ ਘੋਸ਼ਣਾ ਕੀਤੀ ਕਿ ਉਹ ਇੱਕ ਪ੍ਰਮੁੱਖ ਗ੍ਰੀਨਹਾਉਸ ਗੈਸ ਮੀਥੇਨ ਨਾਲ ਨਜਿੱਠਣ ਲਈ ਤਿੰਨ ਸਾਲਾਂ ਵਿੱਚ 45 ਕਰੋੜ ਡਾਲਰ (ਲਗਭਗ 3700 ਕਰੋੜ ਰੁਪਏ) ਦਾ ਨਿਵੇਸ਼ ਕਰਨਗੇ। ਇਸ ਵਿੱਚ ਬੇਜੋਸ ਅਰਥ ਫੰਡ, ਬਲੂਮਬਰਗ ਫਿਲੈਂਥਰੋਪੀਜ਼ ਅਤੇ ਸਕੋਈਆ ਕਲਾਈਮੇਟ ਫਾਊਂਡੇਸ਼ਨ ਸ਼ਾਮਲ ਹਨ।

ਇਹ ਵੀ ਪੜ੍ਹੋ : ਇਜ਼ਰਾਈਲੀ ਜਨਤਾ ਨੇਤਨਯਾਹੂ ਤੋਂ ਹੈ ਗ਼ੁੱਸਾ, ਪਰ ਉਹ PM ਬਣੇ ਰਹਿਣਗੇ

ਇਹ ਸੰਸਥਾਵਾਂ ਗ੍ਰੀਨਹਾਉਸ ਗੈਸਾਂ ਨੂੰ ਪੜਾਅਵਾਰ ਤਰੀਕੇ ਨਾਲ ਘੱਟ ਕਰਨ ਵਿੱਚ ਤੇਜ਼ੀ ਲਿਆਉਣ ਵਿੱਚ ਮਦਦ ਕਰਨਗੀਆਂ। 150 ਤੋਂ ਵੱਧ ਦੇਸ਼ਾਂ ਨੇ ਅਮਰੀਕਾ ਅਤੇ ਯੂਰਪੀ ਸੰਘ ਦੀ ਅਗਵਾਈ ਵਾਲੇ ਗਲੋਬਲ ਮੀਥੇਨ ਅਹਿਦ ਤਹਿਤ 2030 ਤੱਕ ਮਿਥੇਨ ਨਿਕਾਸੀ ਨੂੰ 2020 ਦੇ ਪੱਧਰ ਤੋਂ 30% ਘਟਾਉਣ ਦਾ ਵਾਅਦਾ ਕੀਤਾ ਹੈ। ਨਾਸਾ ਦਾ ਅੰਦਾਜ਼ਾ ਹੈ ਕਿ ਅੱਜ ਦੇ ਲਗਭਗ 60 ਪ੍ਰਤੀਸ਼ਤ ਮੀਥੇਨ ਨਿਕਾਸੀ ਮਨੁੱਖੀ ਗਤੀਵਿਧੀਆਂ ਕਾਰਨ ਹੁੰਦੀ ਹੈ। ਪਸ਼ੂ ਧਨ ਅਤੇ ਝੋਨੇ ਦੀ ਖੇਤੀ ਇਸ ਦਾ ਵੱਡਾ ਕਾਰਨ ਹਨ।

ਇਹ ਵੀ ਪੜ੍ਹੋ : ਅਮਰੀਕਾ-ਕੈਨੇਡਾ ਆਪਣੇ ਨਾਗਰਿਕਾਂ ਦੇ ਹੱਕ 'ਚ ਖੜ੍ਹਦੇ ਨੇ, ਖਾਲਿਸਤਾਨੀ ਜਾਂ ਵੱਖਵਾਦੀ ਦੇ ਹੱਕ 'ਚ ਨਹੀ- ਜੱਸੀ’

ਗਲੋਬਲ ਧਾਰਮਿਕ ਨੇਤਾਵਾਂ, ਵਿਗਿਆਨੀਆਂ ਨੇ ਕਾਨਫਰੰਸ ਦੇ ਚੌਥੇ ਦਿਨ ਐਤਵਾਰ ਨੂੰ ਪਹਿਲੇ ਫੇਥ ਪੈਵੇਲੀਅਨ ਦਾ ਉਦਘਾਟਨ ਕੀਤਾ। ਇਹ ਆਪਣੀ ਕਿਸਮ ਦਾ ਪਹਿਲਾ ਪਵੇਲੀਅਨ ਹੈ। ਇਸ ਵਿੱਚ ਜਲਵਾਯੂ ਸੰਕਟ ਨਾਲ ਨਜਿੱਠਣ ਵਿੱਚ ਧਾਰਮਿਕ ਭਾਈਚਾਰਿਆਂ ਅਤੇ ਸੰਸਥਾਵਾਂ ਦੀ ਭੂਮਿਕਾ ਬਾਰੇ ਚਰਚਾ ਕੀਤੀ ਜਾਵੇਗੀ। ਆਪਣੇ ਵੀਡੀਓ ਸੰਬੋਧਨ 'ਚ ਪੋਪ ਫਰਾਂਸਿਸ ਨੇ ਕਿਹਾ, ਅੱਜ ਦੁਨੀਆ ਨੂੰ ਅਜਿਹੇ ਗਠਜੋੜਾਂ ਦੀ ਲੋੜ ਹੈ, ਜੋ ਕਿਸੇ ਦੇ ਖਿਲਾਫ ਨਹੀਂ ਸਗੋਂ ਸਾਰਿਆਂ ਦੇ ਭਲੇ ਲਈ ਹੋਣ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8