ਇਸ ਥਾਂ 'ਤੇ ਸਾਹ ਲੈਣ ਨਾਲ ਹੋ ਜਾਂਦੀ ਹੈ ਮੌਤ, ਦੁਨੀਆ ਦੇ ਨਕਸ਼ੇ ਤੋਂ ਹਟਾਇਆ ਗਿਆ ਇਹ ਜ਼ਹਿਰੀਲਾ ਸ਼ਹਿਰ

ਇੰਟਰਨੈਸ਼ਨਲ ਡੈਸਕ (ਬਿਊਰੋ) ਦੁਨੀਆ ਵਿਚ ਕਈ ਥਾਵਾਂ ਵੱਖ-ਵੱਖ ਕਾਰਨਾਂ ਕਰਕੇ ਮਸ਼ਹੂਰ ਹਨ। ਕੁਝ ਆਪਣੀ ਖੂਬਸੂਰਤੀ ਕਾਰਨ, ਕੁਝ ਇਤਿਹਾਸ ਅਤੇ ਕੁਝ ਕਿਸੇ ਹੋਰ ਕਾਰਨ। ਅੱਜ ਅਸੀਂ ਜਿਸ ਜਗ੍ਹਾ ਬਾਰੇ ਗੱਲ ਕਰਨ ਜਾ ਰਹੇ ਹਾਂ, ਉਹ ਹੁਣ ਉਜਾੜ ਹੈ। ਅਥਾਰਟੀ ਨੇ ਇਸ ਪੂਰੇ ਸ਼ਹਿਰ ਨੂੰ 31 ਅਗਸਤ ਨੂੰ ਖਾਲੀ ਕਰਵਾ ਦਿੱਤਾ ਸੀ। ਲੋਕਾਂ ਨੂੰ ਦੱਸਿਆ ਗਿਆ ਕਿ ਸਮੇਂ ਸੀਮਾ ਤੱਕ ਸ਼ਹਿਰ ਖਾਲੀ ਕਰ ਦੇਣਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਹੁਣ ਇਹ ਸਥਾਨ ਮਨੁੱਖਾਂ ਦੇ ਰਹਿਣ ਲਈ ਬਿਲਕੁਲ ਵੀ ਸੁਰੱਖਿਅਤ ਨਹੀਂ ਹੈ। ਇਸ ਨੂੰ ਹਮੇਸ਼ਾ ਲਈ ਖਾਲੀ ਕਰਾ ਦਿੱਤਾ ਗਿਆ ਹੈ।

ਆਸਟ੍ਰੇਲੀਆ ਦੇ ਵਿਟੇਨਮ ਨੂੰ 'ਮਾਈਨਿੰਗ ਟਾਊਨ' ਵਜੋਂ ਵੀ ਜਾਣਿਆ ਜਾਂਦਾ ਹੈ। ਪਰ ਹੁਣ ਇਸਨੂੰ ਆਸਟ੍ਰੇਲੀਆ ਦਾ ਚਰਨੋਬਲ ਕਿਹਾ ਜਾ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਸ਼ਹਿਰ ਦੀ ਹਵਾ ਇੰਨੀ ਜ਼ਹਿਰੀਲੀ ਹੋ ਗਈ ਸੀ ਕਿ ਇੱਥੇ ਸਾਹ ਲੈਣਾ ਵੀ ਔਖਾ ਹੋ ਗਿਆ ਸੀ। ਇਥੇ ਸਾਹ ਲੈਣ 'ਤੇ ਵੀ ਮਰਨ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਰਿਹਾ ਸੀ। ਇਸ ਕਾਰਨ ਸਾਰੇ ਵਸਨੀਕਾਂ ਨੂੰ ਕਸਬੇ ਵਿੱਚੋਂ ਕੱਢ ਦਿੱਤਾ ਗਿਆ ਅਤੇ ਇਸ ਨੂੰ ਹਮੇਸ਼ਾ ਲਈ ਬੰਦ ਕਰ ਦਿੱਤਾ ਗਿਆ। ਹੁਣ ਇਸ ਕਸਬੇ ਨੂੰ ਨਕਸ਼ੇ ਤੋਂ ਹਟਾਉਣ ਦੀਆਂ ਤਿਆਰੀਆਂ ਲਗਭਗ ਮੁਕੰਮਲ ਹੋ ਚੁੱਕੀਆਂ ਹਨ।

ਹਜ਼ਾਰਾਂ ਲੋਕਾਂ ਦਾ ਸੀ ਘਰ 

ਵਿਟੇਨਮ ਕਲੋਜ਼ਰ ਐਕਟ ਤਹਿਤ ਲੋਕਾਂ ਨੂੰ 31 ਅਗਸਤ ਤੱਕ ਸ਼ਹਿਰ ਖਾਲੀ ਕਰਨ ਦਾ ਅਲਟੀਮੇਟਮ ਦੇ ਦਿੱਤਾ ਗਿਆ। ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਗਈ ਸੀ ਕਿ ਜਾਂ ਤਾਂ ਉਹ ਖੁਦ ਸ਼ਹਿਰ ਛੱਡ ਕੇ ਚਲੇ ਜਾਣ ਜਾਂ ਫਿਰ ਉਨ੍ਹਾਂ ਨੂੰ ਜ਼ਬਰਦਸਤੀ ਬਾਹਰ ਕੱਢ ਦਿੱਤਾ ਜਾਵੇਗਾ। ਇਸ ਕਸਬੇ ਵਿੱਚ 1943 ਤੋਂ ਬਾਅਦ ਬਹੁਤ ਸਾਰੇ ਪਰਿਵਾਰ ਵੱਸਣ ਲੱਗੇ। ਮਾਈਨਿੰਗ ਖੇਤਰ ਹੋਣ ਕਾਰਨ ਇੱਥੇ ਕਈ ਤਰ੍ਹਾਂ ਦੀਆਂ ਜ਼ਹਿਰੀਲੀਆਂ ਗੈਸਾਂ ਦਾ ਰਿਸਾਅ ਹੁੰਦਾ ਸੀ। ਇਸ ਕਾਰਨ ਹੌਲੀ-ਹੌਲੀ ਕਈ ਲੋਕ ਆਪਣੀ ਜਾਨ ਗੁਆਉਣ ਲੱਗੇ। ਵਿਟੇਨਮ ਖਾਨ ਨੂੰ ਨੁਕਸਾਨ ਅਤੇ ਸਿਹਤ ਸਮੱਸਿਆਵਾਂ ਕਾਰਨ 1966 ਵਿੱਚ ਬੰਦ ਕਰ ਦਿੱਤਾ ਗਿਆ ਸੀ। ਇੱਥੇ ਮਾਈਨਿੰਗ 'ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈ।

ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡਾ ਦੀ ਨਵੀਂ ਪਹਿਲ, ਖੁਦਕੁਸ਼ੀ ਮਾਮਲਿਆਂ ਦੀ ਰੋਕਥਾਮ ਲਈ ਸ਼ੁਰੂ ਕਰੇਗਾ 'ਹੌਟਲਾਈਨ'

ਮਾਰੇ ਗਏ ਹਜ਼ਾਰਾਂ ਲੋਕ

ਜਾਣਕਾਰੀ ਅਨੁਸਾਰ ਇਸ ਤੋਂ ਬਾਅਦ ਵੀ ਲੋਕਾਂ ਨੇ ਇਲਾਕਾ ਖਾਲੀ ਨਹੀਂ ਕੀਤਾ। ਜਿਸ ਕਾਰਨ ਇੱਥੇ ਰਹਿਣ ਵਾਲੇ ਲੋਕਾਂ ਵਿੱਚ ਦੋ ਹਜ਼ਾਰ ਦੇ ਕਰੀਬ ਲੋਕਾਂ ਦੀ ਜਾਨ ਚਲੀ ਗਈ। ਯਾਨੀ ਇੱਥੇ ਰਹਿਣ ਵਾਲੇ ਹਰ ਦਸਾਂ ਵਿੱਚੋਂ ਇੱਕ ਦੀ ਮੌਤ ਹੋ ਗਈ। ਅਧਿਐਨਾਂ ਅਨੁਸਾਰ ਖਾਣ ਵਿੱਚ ਕੰਮ ਕਰਨ ਵਾਲੇ ਲਗਭਗ ਹਰ ਮਜ਼ਦੂਰ ਦੀ ਮੌਤ ਹੋ ਚੁੱਕੀ ਹੈ। ਇਸ ਤੋਂ ਬਾਅਦ, 2006 ਵਿੱਚ ਆਸਟ੍ਰੇਲੀਆਈ ਸਰਕਾਰ ਨੇ ਫ਼ੈਸਲਾ ਕੀਤਾ ਕਿ ਵਿਟੇਨਮ ਤੋਂ ਕਸਬੇ ਦਾ ਸਿਰਲੇਖ ਖੋਹ ਲਿਆ ਜਾਵੇਗਾ। ਇਹ ਹੁਕਮ 2007 ਵਿੱਚ ਲਾਗੂ ਕੀਤਾ ਗਿਆ ਸੀ। ਹੁਣ 31 ਅਗਸਤ ਨੂੰ ਇਸ ਕਸਬੇ ਦੇ ਰਹਿਣ ਵਾਲੇ ਆਖਰੀ ਵਿਅਕਤੀ ਨੇ ਵੀ ਇਸ ਨੂੰ ਖਾਲੀ ਕਰ ਦਿੱਤਾ ਅਤੇ ਹੁਣ ਇਸ ਨੂੰ ਬੰਦ ਕਰ ਦਿੱਤਾ ਗਿਆ ਹੈ।