ਗੁਰਦਾਸਪੁਰ 'ਚ ਹੋ ਗਿਆ ਵੱਡਾ ਵਾਕਾ, ਜਿੰਮ ਦੇ ਬਾਹਰ ਪਤੀ-ਪਤਨੀ ਨੇ...

ਗੁਰਦਾਸਪੁਰ (ਹਰਮਨ) : ਗੁਰਦਾਸਪੁਰ ਦੇ ਜਹਾਜ਼ ਚੌਂਕ ਨੇੜੇ ਜਿੰਮ ਵਿਚ ਗਈ ਇਕ ਪਤਨੀ ਉੱਪਰ ਉਸਦੇ ਪਤੀ ਵੱਲੋਂ ਅਚਾਨਕ ਆ ਕੇ ਚਾਕੂ ਨਾਲ ਹਮਲਾ ਕਰ ਦਿੱਤਾ ਗਿਆ ਅਤੇ ਪਤਨੀ ਦੀ ਲੋਕਾਂ ਦੇ ਸਾਹਮਣੇ ਹੀ ਬੁਰੀ ਤਰ੍ਹਾਂ ਮਾਰ ਕੁਟਾਈ ਵੀ ਕੀਤੀ ਗਈ। ਇਹ ਦੋਸ਼ ਲਗਾਉਂਦਿਆਂ ਅਨੂਪ ਨਾਮ ਦੀ ਵਿਆਹੁਤਾ ਨੇ ਦੱਸਿਆ ਕਿ 2009 ਵਿਚ ਉਸ ਦਾ ਵਿਆਹ ਪਠਾਨਕੋਟ ਹੋਇਆ ਸੀ ਅਤੇ 2014 ਵਿਚ ਉਸ ਦਾ ਅਤੇ ਪਤੀ ਦਾ ਆਪਸੀ ਸਹਿਮਤੀ ਨਾਲ ਤਲਾਕ ਵੀ ਹੋ ਗਿਆ ਸੀ। 2014 ਦੇ ਅਖੀਰ ਵਿਚ ਹੀ ਉਨ੍ਹਾਂ ਦੇ ਘਰ ਇਕ ਬੇਟੇ ਨੇ ਵੀ ਜਨਮ ਲਿਆ ਅਤੇ ਬੇਟਾ ਇਸ ਮੌਕੇ ਉਸ ਦੇ ਨਾਲ ਹੀ ਰਹਿ ਰਿਹਾ ਹੈ। ਮਹਿਲਾ ਨੇ ਦੋਸ਼ ਲਗਾਇਆ ਕਿ ਉਸ ਨੂੰ ਜਦੋਂ ਸਰਕਾਰੀ ਨੌਕਰੀ ਮਿਲ ਗਈ ਤਾਂ ਉਸ ਦਾ ਪਤੀ ਦੋਬਾਰਾ ਉਸ ਨੂੰ ਮਨਾ ਕੇ ਨਾਲ ਰਹਿਣ ਲੱਗ ਪਿਆ ਸੀ ਅਤੇ ਉਹ ਉਸ ਦੀ ਪ੍ਰਾਪਰਟੀ ਵੀ ਹੜਪਣਾ ਚਾਹੁੰਦਾ ਹੈ। ਉਸਨੇ ਕਿਹਾ ਕਿ ਦੋਵਾਂ ਦਰਮਿਆਨ ਕਈ ਗੱਲਾਂ ਨੂੰ ਲੈ ਕੇ ਅਕਸਰ ਤਕਰਾਰ ਰਹਿੰਦਾ ਹੈ ਤੇ ਉਹ ਆਪਣੇ ਪਤੀ ਦੇ ਨਾਲ ਨਹੀਂ ਰਹਿਣਾ ਚਾਹੁੰਦੀ।  

ਇਹ ਵੀ ਪੜ੍ਹੋ : ਖੁਸ਼ੀਆਂ ਨੇ ਧਾਰਿਆ ਮਾਤਮ ਦਾ ਰੂਪ, ਵਿਆਹ ਤੋਂ ਕੁਝ ਘੰਟੇ ਪਹਿਲਾਂ ਲਾੜੀ ਦੀ ਮੌਤ

ਉਸਦੇ ਪਤੀ ਨੇ ਪਹਿਲਾਂ ਉਸਦੇ ਪੁੱਤਰ ਨੂੰ ਫੋਨ ਕੀਤਾ ਕਿ ਉਹ ਬਾਹਰ ਆ ਕੇ ਆਪਣਾ ਮੂੰਹ ਦਿਖਾਵੇ ਪਰ ਪੁੱਤਰ ਨਹੀਂ ਮੰਨਿਆ। ਇਸ ਦੌਰਾਨ ਜਦੋਂ ਉਹ ਜਿੰਮ ਪਹੁੰਚੀ ਤਾਂ ਉਸਦੇ ਪਤੀ ਨੇ ਪਿੱਛਾ ਕਰਕੇ ਪਹਿਲਾਂ ਜਿੰਮ ਦੇ ਬਾਹਰ ਉਸ ਉੱਪਰ ਹਮਲਾ ਕੀਤਾ ਅਤੇ ਉਸਦੀ ਮਾਰਕਟਾਈ ਕੀਤੀ ਅਤੇ ਚਾਕੂ ਨਾਲ ਵਾਰ ਵੀ ਕੀਤੇ। ਮਹਿਲਾ ਨੇ ਇਹ ਵੀ ਦੋਸ਼ ਲਗਾਏ ਹਨ ਕਿ ਉਹ ਉਸਦੇ ਪਤੀ ਦਾ ਪਿਤਾ ਥਾਣੇਦਾਰ ਹੈ ਜਿਸ ਕਾਰਨ ਉਹ ਅਕਸਰ ਧਮਕੀਆਂ ਦਿੰਦਾ ਹੈ ਕਿ ਪੁਲਸ ਵੀ ਉਸ ਦਾ ਕੁਝ ਨਹੀਂ ਵਿਗਾੜ ਸਕਦੀ। ਉਸਨੇ ਦੱਸਿਆ ਕਿ ਉਹ ਪਹਿਲਾਂ ਵੀ ਸ਼ਿਕਾਇਤ ਕਰ ਚੁੱਕੀ ਹੈ ਪਰ ਉਸਦੀ ਸੁਣਵਾਈ ਨਹੀਂ ਹੋਈ। ਉਸਨੇ ਗੁਰਦਾਸਪੁਰ ਦੇ ਐੱਸਐੱਸਪੀ ਨੂੰ ਅਪੀਲ ਕੀਤੀ ਹੈ ਕਿ ਇਸ ਮਾਮਲੇ ਵਿਚ ਉਸਨੂੰ ਇਨਸਾਫ ਦਿੱਤਾ ਜਾਵੇ। ਦੂਜੇ ਪਾਸੇ ਪੁਲਸ ਨੇ ਮੌਕੇ ਦੀ ਸਾਰੀ ਘਟਨਾ ਦੀ ਸੀਸੀਟੀਵੀ ਫੁਟੇਜ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਪੜ੍ਹੋ : ਪੰਜਾਬ ਦੇ ਵਿਦਿਆਰਥੀਆਂ ਲਈ ਅਹਿਮ ਖ਼ਬਰ, ਲਿਆ ਗਿਆ ਇਹ ਵੱਡਾ ਫ਼ੈਸਲਾ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇
https://whatsapp.com/channel/0029Va94hsaHAdNVur4L170e