ਮਕੈਨੀਕਲ ਖਰਾਬੀ ਕਾਰਨ ਜਹਾਜ਼ ਬਿਨਾਂ ਲੈਂਡਿੰਗ ਗੀਅਰ ਦੇ ਆਸਟ੍ਰੇਲੀਆ ਦੇ ਹਵਾਈ ਅੱਡੇ 'ਤੇ ਉਤਰਿਆ

ਮੈਲਬੌਰਨ (ਏਜੰਸੀ): ਆਸਟ੍ਰੇਲੀਆ ‘ਚ ਤਿੰਨ ਲੋਕਾਂ ਨੂੰ ਲੈ ਕੇ ਜਾ ਰਿਹਾ ਇਕ ਜਹਾਜ਼ ਸੋਮਵਾਰ ਨੂੰ ਬਿਨਾਂ ਲੈਂਡਿੰਗ ਗੀਅਰ ਦੇ ਨਿਊਕੈਸਲ ਹਵਾਈ ਅੱਡੇ ‘ਤੇ ਸੁਰੱਖਿਅਤ ਉਤਰ ਗਿਆ। ਜਹਾਜ਼ ਨੇ ਆਪਣਾ ਈਂਧਨ ਖ਼ਤਮ ਕਰਨ ਲਈ ਲਗਭਗ ਤਿੰਨ ਘੰਟੇ ਹਵਾਈ ਅੱਡੇ ਦੇ ਉੱਪਰ ਚੱਕਰ ਲਗਾਇਆ। ਆਸਟ੍ਰੇਲੀਅਨ ਬ੍ਰੌਡਕਾਸਟਿੰਗ ਕਾਰਪੋਰੇਸ਼ਨ (ਏ.ਬੀ.ਸੀ) ਅਤੇ ਪੁਲਸ ਨੇ ਦੱਸਿਆ ਕਿ ਟਵਿਨ-ਟਰਬੋਪ੍ਰੌਪ ਬੀਚਕ੍ਰਾਫਟ ਸੁਪਰ ਕਿੰਗ ਜਹਾਜ਼ ਨੇ ਸਿਡਨੀ ਦੇ ਉੱਤਰੀ ਹਵਾਈ ਅੱਡੇ ਤੋਂ ਪੋਰਟ ਮੈਕਵੇਰੀ ਲਈ 180 ਕਿਲੋਮੀਟਰ ਦੀ ਯਾਤਰਾ ਲਈ ਉਡਾਣ ਭਰੀ ਸੀ ਜਦੋਂ ਸਵੇਰੇ 9:30 ਵਜੇ ਪਾਇਲਟ ਦਾ ਧਿਆਨ ਮਕੈਨੀਕਲ ਖਰਾਬੀ ਵੱਲ ਖਿੱਚਿਆ ਗਿਆ। 

ਪੜ੍ਹੋ ਇਹ ਅਹਿਮ ਖ਼ਬਰ-ਬਾਲਟੀਮੋਰ ਪੁਲ ਹਾਦਸਾ: ਜਹਾਜ਼ 'ਚ ਧਮਾਕਾ ਕਰਨ ਦੀ ਤਿਆਰੀ, ਫਸੇ ਹਨ 20 ਭਾਰਤੀ ਮੈਂਬਰ

ਇਕ ਵੀਡੀਓ ਵਿਚ ਦਿਖਾਇਆ ਗਿਆ ਹੈ ਕਿ ਜਹਾਜ਼ ਲਗਭਗ ਤਿੰਨ ਘੰਟੇ ਬਾਅਦ ਬਿਨਾਂ ਕਿਸੇ ਘਟਨਾ ਦੇ ਰਨਵੇਅ 'ਤੇ ਉਤਰਦਾ ਹੈ। ਫਾਇਰ ਇੰਜਨ ਅਤੇ ਐਂਬੂਲੈਂਸ ਐਮਰਜੈਂਸੀ ਸੇਵਾਵਾਂ ਲਈ ਤਿਆਰ ਖੜ੍ਹੇ ਸਨ। ਪੁਲਸ ਦੇ ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਜਹਾਜ਼ ਵਿੱਚ ਮਕੈਨੀਕਲ ਸਮੱਸਿਆਵਾਂ ਸਨ, ਜਦੋਂ ਕਿ ਏ.ਬੀ.ਸੀ ਨੇ ਇੱਕ ਪੁਲਸ ਅਧਿਕਾਰੀ ਦੇ ਹਵਾਲੇ ਨਾਲ ਕਿਹਾ ਕਿ ਲੈਂਡਿੰਗ ਗੀਅਰ ਖਰਾਬ ਹੋ ਗਿਆ ਸੀ। ਇਹ ਜਹਾਜ਼ ਪੋਰਟ ਮੈਕਵੇਰੀ ਦੀ 'ਈਸਟਰਨ ਏਅਰ ਸਰਵਿਸਿਜ਼' ਦੀ ਮਲਕੀਅਤ ਹੈ। ਈਸਟਰਨ ਏਅਰ ਸਰਵਿਸਿਜ਼ ਨੇ ਅਜੇ ਤੱਕ ਇਸ ਘਟਨਾ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।