PIA ਨੇ ਚੀਨ ਦੀ ਯਾਤਰਾ ਕਰਨ ਵਾਲੇ ਵਿਦਿਆਰਥੀਆਂ ਲਈ ਛੋਟ ਦਾ ਕੀਤਾ ਐਲਾਨ

ਇਸਲਾਮਾਬਾਦ (ਵਾਰਤਾ): ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ (ਪੀਆਈਏ) ਅਕਾਦਮਿਕ ਡਿਗਰੀਆਂ ਹਾਸਲ ਕਰਨ ਲਈ ਚੀਨ ਦੀ ਯਾਤਰਾ ਕਰਨ ਵਾਲੇ ਵਿਦਿਆਰਥੀਆਂ ਨੂੰ 27 ਪ੍ਰਤੀਸ਼ਤ ਦੀ ਛੋਟ ਦੇਵੇਗੀ। ਪੀਆਈਏ ਦੇ ਇੱਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਪੀਆਈਏ ਨੇ ਚੀਨ ਜਾਣ ਵਾਲੇ ਵਿਦਿਆਰਥੀਆਂ ਦੀ ਸਹੂਲਤ ਲਈ ਪਿਛਲੇ ਸਾਲ ਦਸੰਬਰ ਵਿੱਚ ਵਿਦਿਆਰਥੀਆਂ ਦੇ ਕਿਰਾਏ ਵਿੱਚ 22 ਫੀਸਦੀ ਕਟੌਤੀ ਦਾ ਐਲਾਨ ਕੀਤਾ ਸੀ।

ਪੜ੍ਹੋ ਇਹ ਅਹਿਮ ਖ਼ਬਰ- ਪਿਛਲੇ 48 ਘੰਟਿਆਂ ਦੌਰਾਨ 1,300 ਤੋਂ ਵੱਧ ਪ੍ਰਵਾਸੀ ਇਟਲੀ ਪਹੁੰਚੇ

ਪੀਆਈਏ ਦੀ ਅਧਿਕਾਰਤ ਹੈਲਪਲਾਈਨ 'ਤੇ ਇਕ ਗਾਹਕ ਦੇਖਭਾਲ ਅਧਿਕਾਰੀ ਦੇ ਅਨੁਸਾਰ ਇਸਲਾਮਾਬਾਦ ਤੋਂ ਬੀਜਿੰਗ ਦੀ ਨਿਯਮਤ ਟਿਕਟ ਦੀ ਕੀਮਤ 272,000 ਪਾਕਿਸਤਾਨੀ ਰੁਪਏ (ਲਗਭਗ 1,044 ਅਮਰੀਕੀ ਡਾਲਰ) ਹੈ ਅਤੇ ਵਿਦਿਆਰਥੀ ਇਸ 'ਤੇ ਛੋਟ ਪ੍ਰਾਪਤ ਕਰ ਸਕਦੇ ਹਨ। ਅਧਿਕਾਰੀ ਨੇ ਕਿਹਾ ਕਿ ਪੀਆਈਏ ਵਰਤਮਾਨ ਵਿੱਚ ਚੀਨ ਵਿੱਚ ਦੋ ਮੰਜ਼ਿਲਾਂ ਲਈ ਉਡਾਣ ਭਰਦੀ ਹੈ, ਜਿਸ ਵਿੱਚ ਬੀਜਿੰਗ ਕੈਪੀਟਲ ਇੰਟਰਨੈਸ਼ਨਲ ਏਅਰਪੋਰਟ ਅਤੇ ਚੇਂਗਦੂ ਸ਼ੁਆਂਗਲਿਯੂ ਇੰਟਰਨੈਸ਼ਨਲ ਏਅਰਪੋਰਟ ਸ਼ਾਮਲ ਹਨ।ਸਿਨਹੂਆ ਨਾਲ ਗੱਲਬਾਤ ਵਿੱਚ ਅਧਿਕਾਰੀ ਨੇ ਆਉਣ ਵਾਲੇ ਦਿਨਾਂ ਵਿੱਚ ਚੀਨ ਜਾਣ ਵਾਲੇ ਪਾਕਿਸਤਾਨੀ ਵਿਦਿਆਰਥੀਆ ਨੂੰ ਪੀਆਈਏ ਦੀ ਛੋਟ ਨੂੰ ਉਨ੍ਹਾਂ ਲਈ ਇੱਕ ਵੱਡੀ ਮਦਦ ਦੱਸਿਆ ਕਿਉਂਕਿ ਪਾਕਿਸਤਾਨੀ ਮੁਦਰਾ ਦੇ ਮੁੱਲ ਵਿੱਚ ਗਿਰਾਵਟ ਕਾਰਨ ਏਅਰਲਾਈਨਜ਼ ਦੇ ਕਿਰਾਏ ਆਸਮਾਨ ਨੂੰ ਛੂਹ ਗਏ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।