ਨਿਊਯਾਰਕ ’ਚ ਪਸ਼ਤੂਨਾਂ ਨੇ ਪਾਕਿ ਖ਼ਿਲਾਫ਼ ਕੀਤਾ ਵਿਰੋਧ ਪ੍ਰਦਰਸ਼ਨ, ਕਿਹਾ-‘ਤਾਲਿਬਾਨ ਨੂੰ ਸਮਰਥਨ ਦੇ ਰਹੀ ਇਮਰਾਨ ਸਰਕਾਰ’

ਨਿਊਯਾਰਕ: ਅਮਰੀਕਾ ਦੇ ਨਿਊਯਾਰਕ ’ਚ ਪਸ਼ਤੂਨ ਤਹਫੂਜ਼ ਅੰਦੋਲਨ (ਪੀ.ਟੀ.ਐੱਮ.) ਨੇ ਅਫਗਾਨਿਸਤਾਨ ’ਚ ਪਾਕਿਸਤਾਨ ਦੇ ਪਰੌਕਸੀ ਯੁੱਧ ਦੇ ਖ਼ਿਲਾਫ਼ ਅਤੇ ਅਲੀ ਵਜ਼ੀਰ ਦੀ ਅਵੈਧ ਨਜ਼ਰਬੰਧੀ ਦੇ ਵਿਰੋਧ ’ਚ ਪ੍ਰਦਰਸ਼ਨ ਕੀਤਾ ਹੈ। ਪ੍ਰਦਰਸ਼ਨਕਾਰੀਆਂ ਦਾ ਦੋਸ਼ ਹੈ ਕਿ ਪਾਕਿ ਦੀ ਇਮਰਾਨ ਖ਼ਾਨ ਸਰਕਾਰ ਤਾਲਿਬਾਨ ਦਾ ਸਮਰਥਨ ਕਰ ਰਹੀ ਹੈ। ਅਲੀ ਵਜ਼ੀਰ ਪਾਕਿਸਤਾਨ ’ਚ ਮਨੁੱਖ ਅਧਿਕਾਰੀਆਂ ਦੇ ਉਲੰਘਣ ਅਤੇ ਮਿਲਿਟਰੀ ਸ਼ੌਸ਼ਣ ਦੇ ਖ਼ਿਲਾਫ਼ ਆਵਾਜ਼ ਉਠਾਉਂਦੇ ਰਹੇ ਹਨ। 
ਪੀ.ਟੀ.ਐੱਮ. ਨੇ ਆਪਣੇ ਬਿਆਨ ’ਚ ਕਿਹਾ ਕਿ ਨਿਊਯਾਰਕ ਅਤੇ ਕਨੈਕਟਿਕਟ ’ਚ ਪਾਰਟੀ ਦੇ ਮੈਂਬਰਾਂ ਨੇ 31 ਜੁਲਾਈ 2021 ਨੂੰ ਹੋਈ ਕਾਰ ਰੈਲੀ ’ਚ ਵੱਡੀ ਗਿਣਤੀ ’ਚ ਹਿੱਸਾ ਲਿਆ ਹੈ। ਉਨ੍ਹਾਂ ਨੇ ਅਲੀ ਵਜ਼ੀਰ ਦੀ ਤੁਰੰਤ ਰਿਹਾਈ ਅਤੇ ਅਫਗਾਨਿਸਤਾਨ ’ਚ ਪਾਕਿਸਤਾਨ ਪਰੌਕਸੀ ਯੁੱਧ ਦੇ ਖਤਮ ਦੇ ਮੰਗ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਪਸ਼ਤੂਨਾਂ ਵੱਲੋਂ ਸ਼ਾਂਤੀਪੂਰਨ ਜੀਵਨ ਲਈ ਆਵਾਜ਼ ਚੁੱਕਣ ’ਤੇ ਵਜ਼ੀਰ ਨੂੰ ਅਵੈਧ ਹਿਰਾਸਤ ’ਚ ਰੱਖਿਆ ਗਿਆ ਹੈ। 
ਪੀ.ਟੀ.ਐੱਮ ਅਮਰੀਕਾ ਦੇ ਨੇਤਾ ਹਿੰਮਤ ਨੇ ਕਿਹਾ ਕਿ ਅਲੀ ਵਜ਼ੀਰ ਦੀ ਲਗਾਤਾਰ ਨਜ਼ਰਬੰਧੀ ਅਵੈਧ ਹੈ ਕਿਉਂਕਿ ਇਸ ਦਾ ਆਦੇਸ਼ ਜਨਰਲ ਬਾਜਵਾ ਨੇ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਤੋਂ ਪਤਾ ਚੱਲਦਾ ਹੈ ਕਿ ਪਾਕਿਸਤਾਨ ’ਚ ਅਦਾਲਤਾਂ ਸੈਨਾ ਦੁਆਰਾ ਕੰਟਰੋਲਡ ਹੈ ਅਤੇ ਅਜਿਹੇ ’ਚ ਜੱਜਾਂ ਤੋਂ ਇਨਸਾਫ਼ ਦੀ ਉਮੀਦ ਨਹੀਂ ਕੀਤੀ ਜਾ ਸਕਦੀ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਪਾਕਿਸਤਾਨੀ ਨੈਸ਼ਨਲ ਅਸੈਂਬਲੀ ਇਕ ਰਬੜ ਸਟੈੱਪ ਹੈ ਅਤੇ ਦੇਸ਼ ਦੀ ਸ਼ਕਤੀਸ਼ਾਲੀ ਸੈਨਾ ਮਹੱਤਵਪੂਰਨ ਮੁੱਦਿਆਂ ’ਤੇ ਵਿਧਾਨਸਭਾ ਨੂੰ ਆਦੇਸ਼ ਦਿੰਦੀ ਹੈ।