ਸਕਾਟਲੈਂਡ ਦੇ ਪ੍ਰਵਾਸੀ ਭਾਰਤੀਆਂ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਭੇਂਟ ਕੀਤਾ ਬੁੱਤ

ਗਲਾਸਗੋ (ਪੀ.ਟੀ.ਆਈ.)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸੋਮਵਾਰ ਨੂੰ ਸਕਾਟਲੈਂਡ ਵਿਚ ਪ੍ਰਵਾਸੀ ਭਾਰਤੀਆਂ ਨਾਲ ਗੱਲਬਾਤ ਕੀਤੀ, ਜੋ ਉਨ੍ਹਾਂ ਦੇ ਬੁੱਤ ਨਾਲ ਉਹਨਾਂ ਦਾ ਸਵਾਗਤ ਕਰਨ ਲਈ ਇੱਥੇ ਇਕੱਠੇ ਹੋਏ ਸਨ। ਮੋਦੀ, ਐਤਵਾਰ ਰਾਤ ਨੂੰ ਗਲਾਸਗੋ ਪਹੁੰਚੇ। ਪਾਰਟੀਆਂ ਦੀ 26ਵੀਂ ਕਾਨਫਰੰਸ (ਸੀਓਪੀ26) ਦੇ ਉਦਘਾਟਨੀ ਸਮਾਰੋਹ ਲਈ ਰਵਾਨਾ ਹੋਣ ਤੋਂ ਪਹਿਲਾਂ, ਉਹਨਾਂ ਨੇ ਸਕਾਟਲੈਂਡ ਵਿੱਚ ਭਾਰਤੀ ਭਾਈਚਾਰੇ ਦੇ ਮੈਂਬਰਾਂ ਨਾਲ ਵਿਸ਼ੇਸ਼ ਗੱਲਬਾਤ ਕੀਤੀ। ਸਕਾਟਿਸ਼ ਮੈਡੀਕਲ ਵਰਕਰ ਨੇ ਪ੍ਰਧਾਨ ਮੰਤਰੀ ਨੂੰ ਉਨ੍ਹਾਂ ਦਾ ਇੱਕ ਬੁੱਤ ਭੇਂਟ ਕੀਤਾ। ਗੱਲਬਾਤ ਦੌਰਾਨ ਇਸ ਦਾ ਰਸਮੀ ਤੌਰ 'ਤੇ ਉਦਘਾਟਨ ਕੀਤਾ ਗਿਆ। ਮੋਦੀ ਨੇ ਵੀ ਉਹਨਾਂ ਨੂੰ ਬੁੱਤ 'ਤੇ ਲਗਾਉਣ ਲਈ ਆਪਣੀ ਐਨਕ ਦਿੱਤੀ। 

ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਰਿੰਦਮ ਬਾਗਚੀ ਨੇ ਮੀਟਿੰਗ ਤੋਂ ਤੁਰੰਤ ਬਾਅਦ ਇੱਕ ਟਵੀਟ ਵਿੱਚ ਕਿਹਾ,“ਸਾਡੇ ਲੋਕਾਂ ਵਿਚਕਾਰ ਸੰਬੰਧਾਂ ਨੂੰ ਮਜ਼ਬੂਤ ਕਰਨ ਲਈ ਭਾਰਤੀ ਭਾਈਚਾਰੇ ਦੇ ਮੈਂਬਰ ਅਤੇ ਭਾਰਤੀ ਵਿਸ਼ਿਆਂ ਦੇ ਵਿਦਿਆਰਥੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਮਿਲਣ ਲਈ ਗਲਾਸਗੋ ਵਿੱਚ ਇਕੱਠੇ ਹੋਏ।'' ਕਮਿਊਨਿਟੀ ਨੇਤਾਵਾਂ ਨਾਲ ਉਨ੍ਹਾਂ ਦੀ ਗੱਲਬਾਤ ਵਿੱਚ ਗਲਾਸਗੋ ਅਤੇ ਐਡਿਨਬਰਗ ਤੋਂ ਭਾਰਤੀ ਡਾਇਸਪੋਰਾ ਦੇ ਲਗਭਗ 45 ਪ੍ਰਤੀਨਿਧੀਆਂ, ਜਿਨ੍ਹਾਂ ਵਿੱਚ ਡਾਕਟਰੀ ਕਰਮਚਾਰੀ, ਵਿਦਵਾਨ ਅਤੇ ਕਾਰੋਬਾਰੀ ਸ਼ਾਮਲ ਹਨ, ਉਹਨਾਂ ਨਾਲ ਮੁਲਾਕਾਤ ਸ਼ਾਮਲ ਹੈ। 

ਪੜ੍ਹੋ ਇਹ ਅਹਿਮ ਖਬਰ- ਭਾਰਤੀ-ਅਮਰੀਕੀ ਨੇਤਾਵਾਂ ਨੇ ਅਮਰੀਕੀ ਸਾਂਸਦ ਨਾਲ ਹਿੰਦੂਆਂ 'ਤੇ ਵੱਧ ਰਹੇ ਅੱਤਿਆਚਾਰਾਂ 'ਤੇ ਕੀਤੀ ਚਰਚਾ

ਮੋਦੀ ਨੇ ਪ੍ਰਿੰਸ ਵਿਲੀਅਮ ਦੇ ਅਰਥਸ਼ੌਟ ਇਨਾਮ ਜੇਤੂ, ਦਿੱਲੀ ਸਥਿਤ ਰੀਸਾਈਕਲਿੰਗ ਕੰਪਨੀ ਟਕਾਚਾਰ ਦੇ ਸੰਸਥਾਪਕ ਵਿਦਯੁਤ ਮੋਹਨ ਅਤੇ ਪੁਰਸਕਾਰ ਦੇ ਆਖਰੀ ਪੜਾਅ ਵਿਚ ਜਗ੍ਹਾ ਬਣਾਉਣ ਵਾਲੇ ਤਾਮਿਲਨਾਡੂ ਦੀ ਵਿਨੀਸ਼ਾ ਉਮਾਸ਼ੰਕਰ 14, ਨਾਲ ਵੀ ਮੁਲਾਕਾਤ ਕੀਤੀ, ਜਿਨ੍ਹਾਂ ਨੇ ਸੂਰਜੀ ਊਰਜਾ ਨਾਲ ਚੱਲਣ ਵਾਲੀ ਆਇਰਨਿੰਗ ਪ੍ਰੈੱਸ ਦੀ ਕਾਢ ਕੱਢੀ ਸੀ।